Senglao content (728×90)

ຂະແໜງການຄ້າ ແລະ ພາກເອກະຊົນ ປຶກສາຫາລືຮ່ວມກັນ

ບັນດາ​ພາກ​ລັດ ຄູ່ຮ່ວມ​ພັດທະນາ ​ແລະ ພາກ​ເອກະ​ຊົນ ​ໄດ້​ຈັດ​ກອງ​ປະຊຸມ​ຂະ​ແໜງ​ການ​ຄ້າ​ ​ ​ເພື່ອ​ລາຍ​ງານ ​ແລະ ປຶກສາ​ຫາລື​ ບັນຫາ​ທີ່​ສົ່ງ​ຜົນ​ກະທົບ​ຕໍ່ວຽກ​ງານ ພັດທະນາ​ຂະ​ແໜງ​ການ​ຄ້າ ​ແລະ ພາກ​ເອກະ​ຊົນ​ໃນ ສປປ ລາວ​ໃນ​ນັ້ນ​ລວມມີ ບົດ​ລາຍ​ງານ​ປະ​ຈໍາປີ​ຂະ​ແໜງ​ການ​ຄ້າ ​ແລະ ບັນດາ​ຂົງ​ເຂດ​ຈຸດ​ສຸມ​ຕົ້ນຕໍ​ຂອງ​ແຜນ 5 ປີ​ ໃນ​ຕໍ່ໜ້າ,

ທ່ານນາງ ​ເຂັມ​ມະນີ ພົນ​ເສນາ ລັດຖະມົນຕີ​ວ່າການ​ກະຊວງ​ອຸດສາຫະກໍາ ​ແລະ ການ​ຄ້າ​ ​ກ່າວ​ຕໍ່​ກອງ​ປະຊຸມ​ຂະ​ແໜງ​ການ​ຄ້າ ​ແລະ ພາກ​ເອກະ​ຊົນ ​ໃນ​ວັນ​ທີ 21 ຕຸລາ 2015 ນີ້​ ຢູ່​ນະຄອນຫຼວງ​ວຽງ​ຈັນ ​ວ່າ: ​ ສປປ ລາວ​ສາມາດ​ຍາດ​ໄດ້​ຄວາມ​ຄືບ​ໜ້າ​ທີ່​ເພີງ​ພໍ​ໃຈ​ ໃນ​ການ​ເຊື່ອມ​ໂຍງ​ເສດຖະກິດ​ພາກ​ພື້ນ ​ແລະ ​ໂລກ ​ເປັນ​ຕົ້ນ ​ແມ່ນ​ໃນ​ແຜນ​ງານ​ຂອງ​ປະຊາ​ຄົມ​ເສດຖະກິດ​ອາ​ຊຽນ ​ແລະ ​ອົງການ​-ການ​ຄ້າ​ໂລກ, ​ແຜນ​ງານ​ດ້ານ​ກົດໝາຍ ​ແລະ ລະບຽບ​ການ​ໃໝ່​ຂອງ WTO ​ແລະ ASAEN ກໍ​ໄດ້​ຮັບ​ການ​ສ້າງ​ຕັ້ງ​ຂຶ້ນ ​ເຊິ່ງລວມມີ ການ​ເຂົ້າ​ເຖິງ​ຕະຫຼາດ, ການ​ອໍານວຍ​ຄວາມ​ສະດວກ​ດ້ານ​ການ​ຄ້າ, ສິ່ງ​ກີດຂວາງ​ດ້ານ​ການ​ຄ້າ ​ແລະ ອື່ນໆ ​ເຖິງ​ຢ່າງ​ໃດ​ກໍ​ຕາມ​ການຈັດ​ຕັ້ງ​ປະຕິບັດ​ບັນດາ​ກົດໝາຍ ​ແລະ ລະບຽບ​ການ​ດ້ານ​ທຸລະ​ກິດ​ຢ່າງ​ເຕັມ​ຮູບ​ແບບ​​ໃນໄລຍະ​ຜ່ານ​ມາ ​ເຫັນ​ວ່າ​ຍັງ​ມີ​ສີ່​ງທ້າ​ທາຍ​ຫຼາຍ​ຢ່າງ​ ​ເຊິ່ງ​ເປັນ​ບັນຫາ​ອັນ​ຕົ້ນຕໍ ​ທີ່​ຂັດ​ຕໍ່​ຄວາມ​ອາດ​ສາມາດ​ໃນ​ການ​ແຂ່ງຂັນ ລວມມີການ​ຂາດ​ແຄນ​ແຮງ​ງານ​ທີ່​ມີ​ຄວາມ​ສາມາດ, ປະລິມານ​ການ​ຜະລິດ​ທີ່​ຕໍ່າ​ຂອງ​ໂຮງງານ ​ແລະ ຄວາມ​ແຕກ​ໂຕນ​ກັນ​ຫຼາຍ ລະຫວ່າງ ​ແຜນ​ງານ​ດ້ານ​ກົດໝາຍ​ທີ່​ທັນ​ສະ​ໄໝ ​ແລະ ການຈັດ​ຕັ້ງ​ປະຕິບັດ​ຕົວ​ຈິງ ​ລວມທັງ​ການບັງຄັບ​ໃຊ້ກົດໝາຍ​ໃນ​ສັງຄົມ.

ທ່ານ ມີ​ແຊນ ​ໂກ​ຟິນ (MICHEL COFFIN) ອຸປະ​ທູດ​ສະຫະພາບ​ເອີ​ຣົບ ປະ​ຈໍາ​ລາວ ​ກ່າວ​ວ່າ: ຜົນ​ສໍາ​ເລັດ​ອັນ​ໜຶ່ງ​ຂອງ​ລັດຖະບານ​ລາວ ​ແມ່ນ​ການຈະ​ໄດ້​ເຮັດ​ໜ້າ​ທີ່​ເປັນ​ປະທານ​ອາ​ຊຽນ​ ໃນ​ປີ 2016 ​ແລະ ອີ​ຢູ ຈະ​ເພີ່ມ​ການ​ສະໜັບສະໜູນ​ທີ່​ຈໍາ​ເປັນ​ແກ່ ສປປ ລາວ ​ໃນ​ການ​ປະຕິບັດ​ໜ້າ​ທີ່​ເປັນ​ປະທານ​ອາ​ຊຽນ ​ໂດຍ​ສະ​ເພາະ ​ໃນ​ການ​ນໍາ​ໜ້າດ້ານ​ການ​ປຶກສາ​ຫາລື​ທີ່​ປິ່ນ​ອ້ອມ ສາມ​ຂົງ​ເຂດ​ຕົ້ນຕໍ​ພາຍ​ໃຕ້​ເສົາ​ຄໍ້າ​ຂອງ​ປະຊາ​ຄົມ​ອາ​ຊຽນ ລວມມີວຽກ​ງານ​ການ​ເຊື່ອມ​ໂຍງ, ວຽກ​ງານ​ການ​ຄ້າ ​ແລະ ການ​ພັດທະນາ​ ທຸລະ​ກິດ​ຂະໜາດ​ນ້ອຍ ​ແລະ ກາງ, ​ເຊິ່ງການ​ສະໜັບສະໜູນ​ອາດ​ຈະ​ຜ່ານ​ໂຄງການ​ພາກ​ພື້ນ​ທີ່​ມີ​ຢູ່ໃນ​ປັດຈຸບັນ ຂອງ​ອີ​ຢູ ກ່ຽວ​ກັບ​ການ​ສະໜັບສະໜູນ ການ​ເຊື່ອມ​ໂຍງ​ພາກ​ພື້ນ​ອາ​ຊຽນ.

 

12170351_1657353097874348_2045049297_n

ສະແດງຄຳຄິດເຫັນ