LV-IMEX
Senglao content (728×90)

ເລີ່ມແຂ່ງຂັນແລ້ວໂຕໂຍຕ້າ ແມ່ຂອງຄັບ ແຊມປຽນຊິບ 2015

ໂຕ​ໂຍຕ້າ ​ແມ່​ຂອງ​ຄັບ ​ແຊມປຽນ​ຊິ​ບ 2015 ຮອບ​ທຳ​ອິດ​ໄດ້​ເລີ່​ມຕົ້ນ​ຂຶ້ນ​ຢ່າງ​ເປັນ​ທາງ​ການ​ແລ້ວ ທີ່​ນະຄອນຫຼວງ​ວຽງ​ຈັນ. ​ໂດຍ​ນັດ​ທຳ​ອິດ​ເປັນ​ການ​ແຂ່ງຂັນ​ລະຫວ່າງ​ທີ​ມ Lao Toyota FC ຈາກ ສປປ ລາວ ​ແລະ ທີ​ມ Boeunket Angkor FC ຈາກ​ປະ​ເທດ​ກຳປູ​ເຈຍ ຢູ່​ທີ່​ສະໜາມກິລາ​ແຫ່ງ​ຊາດ ​ເຈົ້າ​ອານຸວົງ ​ໃນ​ຕອນ​ແລງ​ວັນ​ອາທິດ ທີ 1 ພະຈິກ 2015 ຜົນ​ການ​ແຂ່ງ​ຂັນ ​ Boeunket Angkor FC ສາມາດ​ເອົາ​ຊະນະ Lao Toyota FC ​ໄປ​ໄດ້ 2 ປະຕູ​ຕໍ່ 0.

ທ່ານ ກຳ​ພົນ ​ເອກ​ເມ​ທີ​ພັນ ຮອງ​ຝ່າ​ຍປະຕິບັດ​ກາ​ນ​ພາກພື້ນ​ແມ່​ນ້ຳຂອງ ບໍລິສັດ ​ໂຕ​ໂຍຕ້າ ມໍ​ເຕີ້​ປະ​ເທດ​ໄທ ກ່າວ​ວ່າ “​ໂຕ​ໂຍຕ້າ ມີ​ຄວາມ​ຍິນ​ດີ​ປະກາດ​ວ່າ ​ໂຕ​ໂຍຕ້າ ​ແມ່​ຂອງ​ຄັບ ​ແຊມປຽນ​ຊິ​ບ 2015 ​ໄດ້​ເລີ່​ມຕົ້ນ​ຂຶ້ນ​ແລ້ວ​ຢ່າງ​ເປັນທາງ​ການ​ໃນ​ມື້​ນີ້ ສຳ​ລັບ​​ໃນ​ປີ​ນີ້​ຈະ​ເປັນ​ການ​ເປີດ​ໂອກາດ​ໃຫ້​ທຸກ​ປະ​ເທດ​ທີ່​ເຂົ້າ​ຮ່ວມ​ການ​ແຂ່ງຂັນ ​ເປັນ​ເຈົ້າພາບ​ໃນ​ການ​ແຂ່ງຂັນ​ນັດ​ຕ່າງໆ ​ເຊິ່ງ​ເປັນ​ການ​ເປີດ​ໂອກາດ​ໃຫ້​ຜູ້​ຊົມ ​ແລະ ​ແຟນກິລາ​​ເຕະບາບ ​ສາມາດ​ເຂົ້າຊົມ​-ເຊຍ​ຢ່າງ​ໃກ້ຊິດ​ຍິ່ງ​ຂຶ້ນ.

ສຳລັບ​ການ​ແຂ່ງຂັນ​ໃນ​ນັດ​ຕໍ່​ໄປ​ຈະ​ມີ​ຂຶ້ນ​ໃນ​ວັນ​ອາທິດ​ທີ່ 22 ພະຈິກ 2015 ພົບ​ກັນ​ລະຫວ່າງ​ທີ​ມ Lao Toyota FC ຈາກ ສສປ ລາວ ພົບ​ກັບ Yangkong United FC ຈາກ​ປະ​ເທດ​ມຽນ​ມາ ​ແຂ່ງຂັນ​ຢູ່​ທີ່ Thuwanna YTC Stadium ​ເວລາ 16:00 ​ໂມງ, ​ເມືອງ ຢາງ​ກຸງ ປະ​ເທດ​ມຽນມາ.

 

12194394_689065761230189_2118960998_o 12197428_689065707896861_1504094826_o 12207387_689065537896878_1189964380_o 12207413_689065634563535_861349671_o 12209385_689065724563526_1220123604_o

Comments

ແບ່ງປັນຂ່າວນີ້: