Senglao content (728×90)

ກາແດງລຸກຊຳບວກຊ່ວຍພັດທະນາພື້ນຖານໂຄງລ່າງຢູ່ແຂວງຄຳມ່ວນ

ອົງ​ການ​ກາ​ແດງລາວ ແລະ ກາແດງລຸກຊຳບວກ ເຊັນບົດບັນທຶກຄວາມເຂົ້າໃຈກ່ຽວກັບ ໂຄງການ​ພັດ​ທະ​ນາ​ພື້ນຖານໂຄງລ່າງ ແລະ ​ກົນ​ໄກຕ່າງໆໃນເຂດຊຸມຊົນຢູ່ແຂວງຄຳມ່ວນໃນ​ວັນທີ 30 ຕຸລາ 2015​ ລະຫວ່າງ ​ທ່ານ ອີໂກ ຊູຊາ (Igor SUJAR) ຕາງ​ຫນ້າ​ຂອງ​ອົງ​ການ​ກາ​ແດງລຸກຊຳບວກ ແລະ ​​ທ່ານ ທອງພະຈັນ ສອນນະສິນ​, ຮອງ​ປະ​ທານອົງການກາແດງ​ລາວ​ ໂດຍມີ ທ່ານ ສົມໃຈເພັດ ສີນວນ ຮອງເຈົ້າແຂວງໆຄຳມ່ວນ ​ແລະ ​ເຈົ້າ​ໜ້າ​ທີ່​ກ່ຽວ​ຂ້ອງ​ເຂົ້າ​ຮ່ວມ.

ໂຄງ​ການ​ດັ່ງກ່າວແມ່ນຈະ​ຈັດຕັ້ງ​ປະ​ຕິ​ບັດ​ຢູ່​ເມືອງ​ມະ​ຫາ​ໄຊ ​ແລະ​ ​​​ຫີນ​ບູນ ​ໂດຍ​ມີ​ງົບ​ປະ​ມານ​​ 280.350 ເອີ​ໂຣ (​ປະ​ມານ 2,5 ຕື້​ກີບ​) ໂດຍໄດ້ຮັບທຶນຊ່ວຍເຫຼືອລ້າ ຈາກ​ກະ​ຊວງ​ການ​ຕ່າງ​ປະ​ເທດ​ລຸກຊຳບວກ ແລະ​ ອົງ​ການ​ກາ​ແດງລຸກຊຳບວກ​.

​      ຈຸດ​ປະ​ສົງ​ໂດຍ​ລວມ​ຂອງ​ໂຄງການເພື່ອ​ປັບ​ປຸງ​ສະ​ພາບ​ຊີ​ວິດການເປັນຢູ່ຂອງ​ປະ​ຊາຊົນ​ໃນ​ທ້ອງ​ຖິ່ນ, ສ້າງສາງເກັບມ້ຽນ​ເຄື່ອງ, ສະ​ຖານ​ທີ່​ພັກອາ​ໄສ,  ປັບປຸງການເຂົ້າເຖິງນໍ້າດື່ມ​, ສຸ​ຂະ​ພິ​ບານ ​ແລະ​ ຝຶກອົບຮົມດ້ານສຸຂະອະນາ​ໄມ​ໃຫ້ຊາວບ້ານ, ສ້າງຄວາມ​ສາ​ມາດ​ໃຫ້​ທ້ອງ​ຖິ່ນ ​ແລະ ​ຊ່ວຍເຫຼື​ອ​ຊຸມ​ຊົນ. ຄາດ​ວ່າໂຄງການ​ນີ້​ຈະ​ໄດ້​ຮັບ​ການຈັດຕັ້ງ​ປະ​ຕິ​ບັດ​ໃນ 4 ໝູ່ບ້ານ​ຂອງ​ເມືອງ​ມະ​ຫາ​ໄຊ ​ແລະ 6 ບ້ານ ຂອງເມືອງຫີນ​ບູນ​ ເຊິ່ງຈະເລີ່ມປະຕິບັດຈົນຮອດ ​ວັນ​ທີ 30 ມິ​ຖຸ​ນາ 2017​.

ສະແດງຄຳຄິດເຫັນ