ສູນພັດທະນາ ແລະ ບໍລິການກະສິກໍາ-ປ່າໄມ້ໜອງເຕົ່າ ຍົກລະດັບເຕັກນິກການຜະລິດພັນເຂົ້າ

ຊາວກະສິກອນ​ບ້ານ​ທາດ​ອີງ​ຮັງ,ບ້ານ​ໂພນ​ສູງ,ດົງ​ໝາກຢາງ,ບຶງ​ວະ ​ແລະ​ ບ້ານ​ໂພນ​ສິມ ​ໄດ້​ຮັບ​ການ​ຍົກ​ລະດັບເຕັກນິກ​ການ​ຜະລິດ​ພັນ​ເຂົ້າ​ແລ້ວ​ເມື່ອ​ທ້າຍ​ເດືອນ​ຜ່ານ​ມາພາຍ​ຫຼັງພະ​ແນ​ກກະສິກຳ-ປ່າ​ໄມ້​ແຂວງສະຫວັນ​ນະ​ເຂດ ຮ່ວມ​ກັບສູນ​ວິ​ໄຈ​ເຂົ້າ​ອຸບົນຣາຊະ​ທານີ ປະ​ເທດໄທ​ ​ຈັດ​ຊຸດ​ອົບຮົມ​​.

ຜ່ານການອົບຮົມເຮັດໃຫ້ຊາວກະສິກອນ 5 ບ້ານ​ດັ່ງກ່າວ​ເຂົ້າ​ໃຈ​ ແລະ ຮັບຮູ້ວ່າ:ການ​ຜະລິດ​ເຂົ້າ​ໃຫ້​ໄດ້​ຫຼາຍ ຂາຍ​ເປັນ​ສິນຄ້າ​ຕ້ອງເລີ່​ມຈາກ​ການ​ຄັດ​ເລືອກ​ແນວ​ພັນ​ເຂົ້າ​ທີ່​ດີ​ມີ​ຄຸນະພາບ ​ເໝາະ​ຕໍ່​​ເນື້ອທີ່ລວມທັງການ​ກຽມ​ດິນ,ການ​ຕົກກ້າ,ການ​ປັກ​ດຳ, ການ ​ໃສ່​ຝຸ່ນທີ່​ຖືກ​ວິທີ,ການ​ບົວລະບັດ​ຮັກສາ​​ແຕ່ລະ​ໄລຍະ​ ແລະ​ ການ​ຕິດຕາມ​ການລະບາດ​ຂອງ​​ສັດຕູ​ພືດ ​ແລະ ໃນ​ຊຸ​ດອົບຮົມ​ດັ່ງກ່າວໄດ້​ຮຽນ​ຮູ້ການ​ເລືອກ​ໃຊ້​ແນວ​ພັນ​ທີ່​ເໝາະ​ສົມ​ກັບ​ພື້ນ​ທີ່,​ເຕັກ​ໂນ​ໂລ​ຊີ​ການ​ຜະລິດ​​ແນວ​ພັນ​ເຂົ້າ,​ການ​ຜະລິດ​ເຂົ້າ,ຄວາມ​ຮູ້​ກ່ຽວ​ກັບ​ແມງ​ໄມ້​,ສັດຕູ​ພືດ ​ແລະ​ວິທະຍາ​ການ​ພາຍຫຼັງ​ການ​ເກັບ​ເກັບ​ກ່ຽວ.

ທ່ານ ບຸນ​ລ້ຽງ ຈັນ​ວັນ​ເພັງ ຮອງ​ຫົວໜ້າ​ພະ​ແນ​ກກະສິກຳ-ປ່າ​ໄມ້​ແຂວງສະຫວັນ​ນະ​ເຂດ ກ່າວວ່າ:ຜ່ານ​ມາ, ພັກ-ລັດ​ໄດ້​ລົງທຶນ​​ຈຳນວນ​ມະຫາສານ ເຂົ້າ​ໃສ່​ການ​ກໍ່ສ້າງ​ພື້ນຖານ​​ໂຄງ​ລ່າງເປັນ​ຕົ້ນ:   ກ​ານ​ຜະລິດ​ສະບຽງ​ອາຫານ,ຜະລິດ​ກະສິກຳ​ເປັນ​ສິນຄ້າທັງ​ແບບ​ເລັ່ງດ່ວນ ​ແລະ ​ໄລຍະ​ຍາວ ​ໂດຍ​ອາ​​ໄສ​ທ່າ​ແຮງ​ບົ່ມ​ຊ້ອນ​ຂອງ​ທ້ອງ​ຖິ່ນ ​ແລະ ນຳ​ເອົາ​ເອົາ​​ເຕັກນິກ,ວິທີ​ການ​ໃໝ່​ເຂົ້າ​ສູ່ການ​ຜະລິດເພື່ອ​ເຮັດ​ໃຫ້ຊາວ​ກະສິກອນ ​ຜະລິດ​ໄດ້​ທັງ​ປະລິມານ ​ແລະ ​ຄຸນ​ນະພາ​ບ.

ບົດຄວາມແນະນໍາ

ສະແດງຄວາມຄິດເຫັນ