Senglao content (728×90)

ການລໍາລຽງງົວງວດທໍາອິດ 300 ກວ່າໂຕເຖິງລາວແລ້ວ

ງົວ​ງວດ​ທໍາ​ອິດຈໍານວນ 300 ກວ່າ​ໂຕ​ຈາກ​ປະ​ເທດ​ອົດ​ສະ​ຕາ​ລີ ໄດ້ລໍາລຽງເຖິງ​ສະໜາມ​ບິນ​ສາກົນ​ວັດ​ໄຕ ນະຄອນຫຼວງ​ວຽງ​ຈັນ​ ​ເປັນ​ທີ່​ຮຽບຮ້ອຍ​ແລ້ວ​ເວລາ 12:00 ຂອງ​ວັນ​ທີ 3 ຕຸລາ 2015 ​ເພື່ອ​ຈະ​ສືບ​ຕໍ່​ນໍາ​ໄປ​ລ້ຽງ​ຢູ່​ຟາ​ມລ້ຽງງົວ​ ໃນ​ແຂວງ​ຊຽງ​ຂວາງ ພາຍຫຼັງ​ນັກ​ລົງທຶນຍີ່ປຸ່ນ​ໄດ້​ສັ່ງ​ຊື້ຫຼາຍ​ກວ່າ 1.000 ​ໂຕ.

ເຈົ້າ​ໜ້າ​ທີ່​ຈາກ​ກະຊວງ​ກະສິກໍາ ​ແລະ ປ່າ​ໄມ້​ເປີດ​ເຜີຍ​ວ່າ: ບໍລິສັດ​ພັດທະນາ​ກະສິກໍາ​ລາວ-ຍີ່ປຸ່ນ​ຊຽງ​ຂວາງ​ຈໍາກັດ ​ໄດ້​ລົງທຶນ​ສໍາ​ປະທານ​ເນື້ອ​ທີ່ດິນ​ເປົ່າ​ວ່າງປະມານ 1.500 ​ເຮັກຕາ​ຢູ່​ເມື​ອງ​ແປກ ​ແຂວງ​ຊຽງ​ຂວາງ​​ໂດຍ​ມີ​ຈຸດ​ປະສົງເພື່ອລ້ຽງ​ງົວ​ພັນ​ຊີ້ນ ​ແລະ ງົວພັນນົມ​ ​ສະໜອງ​​ຕະຫຼາດໃຫ້ພາຍ​ໃນ ​ແລະ ຕ່າງປະ​ເທດ ພ້ອມ​ດຽວ​ກັນ​ນັ້ນ ນັກ​ລົງທຶນ​ຍີ່ປຸ່ນ​ຍັງ​ສ້າງ​ຕັ້ງ​ໂຮງງານ​ປຸງ​ແຕ່ງ​ຊີ້ນ ​ແລະ ນົມ​ຢູ່​ແຂວງ​ດັ່ງກ່າວ.

ປັດຈຸບັນ​ນີ້ ​ເນື້ອ​ທີ່​ດິນ​ເປົ່າ​ວ່າງ ​ແລະ ​ເຊື່ອມ​ໂຊມ​​ໄດ້​ຮັບ​ການ​ປັບປຸງ ​ແລະ ປູກ​ຫຍ້າ​ເກືອບ​ສໍາ​ເລັດ ສະ​ນັ້ນ ງົວ​ພັນ​ຊີ້​ຈໍານວນ 300 ກວ່າ​ໂຕ​ເຫຼົ່າ​ນັ້ນ​ແມ່ນ​ມີ​ອາຫານ​ຮອງ​ຮັບ​ໄວ້​ແລ້ວ​ເພາະ​ບໍລິສັດ​ດັ່ງກ່າວ​ໄດ້​ລົງມື​ປູກ​ຫຍ້າ​ກຽມ​ໄວ້​​ແລ້ວ. ​ແນວ​ໃດ​ກໍ​ດີ ຍັງ​ເຫຼືອງ​ງົວ​ພັນ​ຊີ້ ​ແລະ ພັນ​ນົມ​ອີກ 1.000 ກວ່າ​ໂຕ ​ຄາດ​ວ່າ​ຈະ​ຂົນ​ສົ່ງ​ມາ​ເຖິງໃນ​ໄວໆ​ນີ້. ​

 

12212092_1660868090856182_820825074_n

ສະແດງຄຳຄິດເຫັນ