ໂຕໂຍຕ້າ ຄືນກຳໄລໃຫ້ລູກຄ້າຫຼາຍກວ່າ 2 ຕື້ກີບ

 

ໃນ​ວັນ​ທີ 11 ພະຈິກ 2015 ທີ່​ໂທລະພາບ​ແຫ່ງ​ຊາດ​ລາວ, ບໍລິ​ສັດ​ໂຕ​ໂຍຕ້າ ມໍ​ເຕີ້ ປະ​ເທດ​ໄທ ຈຳກັດ ​ໄດ້​ຈັດ​ພິທິຈັບ​ສະຫຼາກ​ຊິງ​ລາງວັນ​ແຈກ​ໂຊກ​ໃນ​ໂຄງການ “ ​ໂຕ​ໂຍຕ້າ ຂອບ​ໃຈ​ໃຫ້​ໂຊກ ​ມູນ​ຄ່າ​ຫຼາຍ​ກວ່າ 2 ຕື້ກີບ ” ​ເພື່ອ​ເປັນ​ການ​ຄືນ​ກໍາ​ໄລ​ໃຫ້​ລູກ​ຄ້າ ​ໂດຍ​ການ​ເປັນ​ປະທານ​ຂອງ​ທ່ານ ປະກອນ ວົງ​ວິທະຍາ​ພິຣົມ ປະທານ​ຝ່າຍ​ປະຕິບັດ​ການສາຍ​ງານ​ຍ່ອຍຂົງ​ເຂດພາກພື້ນ​ແມ່​ນ້ຳຂອງ 1 ບໍລິ​ສັດ ​ໂຕ​ໂຍຕາມໍ​ເຕີ້ ປະ​ເທດ​ໄທ ​ຈຳກັດ ແລະ ຕົວ​ແທນ​ຈຳໝ່າຍ​​ໃນ​ລາວ ​ເຂົ້າ​ຮ່ວມ.

ການ​ຈັດ​ກິດຈະກຳ​ຄັ້ງ​ນີ້ ​ເປັນໜຶ່ງ​ໃນ​ຄວາມ​ຕັ້ງ​ໃຈ​ຂອງ ບໍລິ​ສັດ ​ໂຕ​ໂຍຕ້າ ມໍ​ເຕີ້ ປະ​ເທດ​ໄທ ຈຳກັດ ​ເພື່ອ​ເປັນ​ການ​ຂອບ​ໃຈ​ລູກ​ຄ້າ​ ທີ່​ຊື້​ລົດໂຕ​ໂຍຕາ ທຸກ​ລຸ້ນໃນ​ລະຫວ່າງ ວັນ​ທີ 1 ກັນຍາ 2015 ຫາ 31 ທັນວາ 2015 ຈາກ​ຕົວ​ແທນ​ຈຳໜ່າຍລົດ​ ​ໂຕ​ໂຍຕ້າ ລາງວັນ​ທີ 1 ​ແມ່ນ​ສາຍ​ຄໍ​ຄຳໜັກ 10 ບາດ 3 ລາງວັນ,​ ຜູ້​ໂຊກ​ດີ​ໄດ້​ແກ່ ທ່ານ ປະສິດ ປະຊາ​ໂຊກ ຊື້ລົດຈາກ​ລາວ​ໂຕ​ໂຍຕ້າ ບໍລິການ, ທ່ານນາງ ​ເພັງ​ວິລະ​ນາມ ຊື້ລົດຈາກໂຕ​ໂຍຕ້າ ຈຳປາ ​ແລະ ທ່ານ ກໍ​ລີ້ ຊື້ລົດຈາກໂຕ​ໂຍຕ້າ ​ລາວທານີ. ລາງວັນ​ທີ 2 ສາຍ​ຄໍ​ຄຳໜັກ 5 ບາດ 5 ລາງວັນ, ລາງວັນ​ທີ 3 ສາຍ​ຄໍ​ຄຳ 2 ບາດ 20 ລາງວັນ, ລາງວັນ​ທີ 4 ສາຍ​ຄໍ​ຄຳ 1 ບາດ 25 ລາງວັນ, ລາງວັນ​ທີ 5 iphone 6 s 25 ລາງວັນ ​ແລະ ລາງວັນ​ທີ 6 ipad Mini 3 ຈໍານວນ 22 ລາງ​ວັນ.

ສຳລັບ​ແຈກ​ໂຊກ​ຄັ້ງ​ທີ 2 ​ແມ່ນ​ຈະ​ແຈກໃນຕົ້ນ​ປີໜ້າ ​ໂດຍ​ມີ​ລາງວັນ​ໃຫຍ່​ ​ເຊັ່ນ: ລົດ HILUX REVO PRERUNER 1 ລາງວັນ, VIOS A/T 1 ລາງວັນ, ລົດຈັກ Yamaha FINO 10 ລາງວັນ, ສາຍ​ຄໍ​ຄຳໜັກ 10 ບາດ 2 ລາງວັນ,   5 ບາດ 3 ລາງວັນ,  2 ບາດ 20 ລາງວັນ, 1 ບາດ 25 ລາງວັນ, iphone 6 s 25 ລາງວັນ ​ແລະ ລາງວັນ​ທີ 6 ipad Mini3  ຈໍານວນ 20 ລາງ​ວັນ.

 

12231505_1662741160668875_634278253_n

ບົດຄວາມແນະນໍາ

ສະແດງຄວາມຄິດເຫັນ