Senglao content (728×90)

ການວາງແຜນທຸລະກິດ 5 ປີ ສຸວັນນີ ໂຮມເຊັນເຕີ ມະຫາຊົນ

ບໍລິສັດ ສຸວັນນີ ໂຮມເຊັນເຕີ ມະຫາຊົນ ໄດ້ຈັດງານຖະແຫຼງຂ່າວກ່ຽວກັບການວາງແຜນທຸລະກິດ 5 ປີຂອງບໍລິສັດ ເພື່ອຮອງຮັບການເຕີບໃຫຍ່ຂະຫຍາຍຕົວໃນອະນາຄົດ ແລະ ຮອງຮັບການເຂົ້າປະຊາຄົມເສດຖະກິດອາຊຽນໃນທ້າຍປີ 2015 ນີ້ ງານດັ່ງກ່າວໄດ້ຈັດຂຶ້ນໃນວັນທີ 30 ຕຸລາ 2015 ທີ່ໂຮງແຮມດອນຈັນພາເລດ ໂດຍທ່ານ ວັດດານາ ສຸຄະບັນດິດຮອງປະທານສະພາບໍລິຫານ ແລະ ຜູ້ອຳນວຍການໃຫຍ່ ບໍລິສັດ ສຸວັນນີໂຮມເຊັນເຕີມີບັນດາແຂກຜູ້ຖືກເຊີນ ແລະ ສື່ມວນຊົນເຂົ້າຮ່ວມ. ປັດຈຸບັນບໍລິສັດສຸວັນນີ້ລວມມີ 4 ສາຂາໃນນະຄອນຫຼວງຄື: ສາຂາໂພນຕ້ອງ, ສາຂາສີໄຄ, ສາຂາທົ່ງປົ່ງ ແລະສາຂາທົ່ງຕູມ ໂດຍສິນຄ້າຈະແບ່ງອອກເປັນ 7 ກຸ່ມຜະລິດຕະພັນເຮັດໃຫ້ການດຳເນີນງານຜ່ານມາໄລຍະ3 ປີສ້າງລາຍໄດ້ຫຼາຍຕື້ກີບເຊັ່ນປີ 2012 ລາຍໄດ້ລວມມີ 230.45 ຕື້ກີບ ກຳໄລສຸດທິ 10.64 ຕື້ກີບ, ປີ 2013 ລາຍໄດ້ລວມມີ 264.37 ຕື້ກີບ ກຳໄລສຸດທິ 14.18 ຕື້ກີບ ແລະ ປີ 2014 ລາຍໄດ້ລວມມີ 311.37 ຕື້ກີບ ກຳໄລສຸດທິ 21.33 ຕື້ກີບ. ນອກນັ້ນທາງບໍລິສັດຍັງມີແຜນພັດທະນາຂະຫຍາຍສາຂາອີກ 3 ສາຂາຄື: ສາຂາເສັ້ນທາງ 450 ປີ ໃນນະຄອນຫຼວງວຽງຈັນ, ສາຂາ ປາກເຊແຂວງຈຳປາສັກ ແລະ ສາຂາປາກຊັນ ແຂວງບໍລິຄຳໄຊ ໂດຍຄາດວ່າຈະສຳເລັດໃນການກໍ່ສ້າງປີ 2016-2017 ນີ້. ປັດຈຸບັນທາງບໍລິສັດ ວາງແຜນຈັດຈຳໜ່າຍຮຸ້ນເບື້ອງຕົ້ນ 25 ລ້ານຮຸ້ນ ຈະອອກຈຳໜ່າຍ ທັງພາຍໃນ ແລະ ຕ່າງປະເທດ.

ສະແດງຄຳຄິດເຫັນ