Senglao content (728×90)

ເປີດຕົວ ຮູບໂສມໃໝ່ ນ້ຳດື່ມ ຫົວເສືອ

ວັນ​ທີ 28 ທັນວາ 2015 ຢູ່​ທີ່ ຫ້ອງ​ປະຊຸມ​ໃຫຍ່ ບໍລິສັດ ​ເບຍ​ລາວ ຈຳກັດ  ​ໄດ້​ຈັດ​​ພິທີ​ຖະ​ແຫຼ່ງຂ່າ​ວ​ເປີດ​ຕົວ “ຮູບ​ໂສມ​ໃໝ່ ຂອງ​ຜະລິດ​ຕະພັນ ນ້ຳ​ດື່ມ​ ຫົວ​​ເສືອ” ຢ່າງ​ເປັນ​ທາງ​ການ ​ໂດຍ​ການ​ເປັນ​ປະທານ​​ຂອງ​ທ່ານ ສູນ​ທອນ ສິຣິສັກ ຮອງ​ຜູ້ອຳນວຍການ​ໃຫຍ່ ບໍລິສັດ​ເບຍ​ລາວ​ຈຳກັດ, ​ມີບັນດາແຂກ​ຄົນ​ສຳຄັນ​ທີ່​ກ່ຽວຂ້ອງ, ພະນັກງານ ​ແລະ ສື່​ມວນ​ຊົນ​​ເຂົ້າ​ຮ່ວມ.

​ເພື່ອ​ເປັນການສ້າງ​ນະ​ວັດຕະ​ກຳ​ໃໝ່ໆ ທາງ​ດ້ານ​ການ​ຜະລິດ, ການ​ຫຸ້ມ​ຫໍ່ ​ແລະ ມີ​ຜະລິດ​ຕະພັນ​ໃໝ່​ໆ​ອອກ​ມາ​ຮັບ​​ໃຊ້​ສັງຄົມ​ຢ່າງ​ຕໍ່​ເນື່ອງ ທາງ​ບໍລິສັດ ຈຶ່ງ​ມີ​ແນວ​ຄວາມ​ຄິດ​ໃນ​ການ​ປ່ຽນ​ຮູບ​ໂສມ​ໃໝ່​ຂອງ​ນ້ຳ​ດື່ມ​ ຫົວ​ເສືອ​ ​ໃຫ້​ມີ​ຄວາມ​ໂດດ​ເດັ່ນ​ງາມຕາ, ຈັບ​ແບບ​ສະບາຍ​ມື ພ້ອມລວຍ​ລາຍ ທີ່ສະ​ແດງ​ເຖິງ​ຄວາມ​ສະອາດ​​ໃສບໍລິສຸດ​ຂອງ​ນ້ຳ​ດື່ມ​ຫົວ​ເສືອ ທີ່​ຍັງ​ຄົງ​ຮັກສາ​ຄຸນ​ນະພາ​ບຂອງ​ຜະລິດ​ຕະພັນ ທີ່​ຜູ້​ບໍລິ​ໂພ​ກ​ໄດ້​ໃຫ້​ຄວາມ​ໄວ້​ວາງ​ໃຈ​ຕະຫຼອດ​ມາ ​ແລະ ຍັງ​ເປັນ​ມິດ​ກັບ​ສິ່ງ​ແວດ​ລ້ອມ ຫຼຸດ​ປະລິມານ ພາດ​ສຕິກ ອີກ 15% ​​ຕາມ​ຄຳ​ຂວັນ​ທີ່​ວ່າ “ຄຸນ​ນະພາ​ບ ທີ່​ທ່ານ​ໄວ້​ວາງ​ໃຈ​ຕະຫຼອດ​ມາ”

​ໃນ​ໄລຍະ​​ເລີ່​ມວ່າງ​ຈໍາໜ່າຍ​ ນໍ້າດື່ມ​ຫົວ​​ເສືອ ຮູ​ບ​ໂສມ​ໃໝ່ ໃນ​ຕະຫຼາດ​ ຜູ້​ບໍລິ​ໂພ​ກອາດ​ຈະ​ຍັງ​ພົບ​ເຫັນ​ນ້ຳ​ດື່ມ ຫົວ​ເສືອ​ແບບ​ເກົ່າຢູ່​ຕາມ​ຮ້ານ​ຄ້າ, ຮ້ານ​ອາຫານ ​ແລະ ຮ້ານ​ກິນ​ດື່ມ​ທົ່ວ​ໄປ ຈົນ​ກວ່າ ນ້ຳ​ດື່ມ​ຫົວ​ເສືອ​ຮູບ​ແບບ​​ເກົ່າ​ທີ່​ຍັງ​ເຫຼືອ​ນັ້ນ​ຈະ​ໝົດ​ໄປ.

 

12459142_710059539130811_1294796471_o 12459170_710058719130893_1364655004_o

Comments