Senglao content (728×90)

ອູການດາ-ຍຶດງາຊ້າງແລະຜູ້ຕ້ອງຫາ3ຄົນ

ປະເທດອູການດາ(Uganda)ມີຊ້າງອາໄສຢູ່ໃນປ່າປະມານ 5.600 ໂຕ ແລະ ມີຈໍານວນເພີ່ມຂຶ້ນໃນໄລຍະຫຼາຍປີຜ່ານມາ ແຕ່ຍັງປະກົດວ່າ: ມີການລ່າຊ້າງເພື່ອເອົາງາຢ່າງແຜ່ຫຼາຍ ໂດຍມີເຈົ້າໜ້າທີ່ກົມປ່າໄມ້ໃຫ້ການຊ່ວຍເຫຼືອສົມຮູ້ຮ່ວມຄິດ.

ເມື່ອບໍ່ດົນຜ່ານມານີ້ທາງການອູການດາ ສາມາດ ຍຶດງາຊ້າງຜິດກົດໝາຍໄດ້ 1 ໂຕນ ແລະ ຈັບຕົວຜູ້ຕ້ອງຫາ 3 ຄົນ ຊຶ່ງຄາດວ່າ: ວາງແຜນຂົນສົ່ງງາຊ້າງທາງເຮືອໄປຕ່າງປະເທດ.

ໂຄສົກສໍານັກງານຄຸ້ມຄອງສັດປ່າອູການດາຖະແຫຼງວ່າ: ເຈົ້າໜ້າທີ່ໄດ້ຍຶດງາຊ້າງໃນຄືນວັນສຸກທີ່ຜ່ານມາຢູ່ບໍລິເວນນອກນະຄອນຫຼວງກໍາປາລາ ຂະນະທີ່ເຈົ້າໜ້າຕໍາຫຼວດໄດ້ຕິດຕາມກຸ່ມຄົນຊາວອາຟຣິກາຕາເວັນຕົກກຸ່ມນີ້ມາຫຼາຍອາທິດແລ້ວ ໂດຍໄດ້ຈັບຕົວຄົນໄຊເບີເຣຍໄດ້ 1 ຄົນ ແລະ ຊາວກີນີ-ບິສເຊົາ 2 ຄົນ ໃນຂໍ້ຫາຄອບຄອງງາຊ້າງ ແລະ ຈະຕ້ອງຖືກດໍາເນີນຄະດີອາຍາ ເຊິ່ງທາງເຈົ້າໜ້າທີ່ຄາດວ່າ: ງາຊ້າງອາດຖືກນໍາເຂົ້າມາຈາກ “ທານຊາເນຍ ແລະ ຄອງໂກ”.

 

ສະແດງຄຳຄິດເຫັນ