Senglao content (728×90)

ເປີດຕົວ Toyota Camry ໃໝ່ 2015

ໃນຕອນແລງວັນທີ 27 ມີນາ 2015 ທີ່ຮ້ານອາຫານ ມິກ (ນໍ້າພຸ) ນະຄອນຫຼວງວຽງຈັນ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ​ໄດ​ຈັດ​ງານເປີດໂຕ ລົດເກັງຂະໜາດກາງລຸ້ນໃໝ່ຫຼ້າສຸດ CAMRY the new icon of Elegance ໂດຍການເຂົ້າຮ່ວມຂອງທ່ານ ກໍາພົນ ເອກເມທີພັນ ຮອງປະທານຝ່າຍປະຕິບັດການສຳນັກງານເຂດລຸ່ມແມ່ນ້ຳຂອງ ບໍລິສັດ ໂຕໂຍຕ້າ ມໍເຕີ້ ປະເທດໄທຈຳກັດ, ທ່ານ ຈັກກຣິນ ຊົນນະທີທອນ ຜູ້ອຳນວຍການຝ່າຍການຕະຫຼາດສຳນັກງານເຂດລຸ່ມແມ່ນ້ຳຂອງ, ມີບັນດາທ່ານແຂກຜູ້ມີກຽດທີ່ຖືກເຊີນ ແລະ ບັນນາທິການ ພ້ອມສື່ມວນຊົນຈາກຫຼາຍພາກສ່ວນເຂົ້າຮ່ວມ.

Camry the new icon of elegance ເປັນລົດເກັງຂະໜາດກາງ ອອກແບບທີ່ຫຼູຫຼາ ດີຊາຍໃໝ່ຫຼ້າສຸດ ໃນຮູບແບບໃໝ່, ການຂັບຂີ່ທີ່ ຄ່ອງແຄ້ວສົມສະມັດຖະນະ ເຕັມປ່ຽມໄປດ້ວຍເຕັກໂນໂລຊີ ອັນລ້ຳສະໄໝ ເພີ່ມຄວາມໝັ້ນໃຈໃນການຂັບຂີ່, ສະດວກສະບາຍ ດ້ວຍອຸປະກອນອຳນວຍຄວາມສະດວກຄົບຖ້ວນ ແລະ ລະບົບຄວາມປອດໄພລະດັບສາກົນ ເຄື່ອງຈັກ 2AR-FE DOHC 16 ວາວ DUAL VVT-i, ຄວາມຈຸກະບອກສູບ 2,494 CC ລາຄາພຽງແຕ່ 51,500 ໂດລາສະຫະລັດ ສໍາລັບລຸ້ນ 2.5V. ທ່ານສາມາດເຂົ້າໄປສໍາຜັດ ແລະ ຈັບຈອງເປັນເຈົ້າຂອງໄດ້ແລ້ວຕັ້ງແຕ່ມື້ນີ້ເປັນຕົ້ນໄປ ທີ່ສາຂາຕົວແທນຈໍ່າໝ່າຍ 8 ແຫ່ງຢ່າງເປັນທາງການໃນທົ່ວປະເທດ.

Comments