ງານເປີດຕົວ CHEVROLET CRUZE

ວັນ​ທີ 23 ພຶ​ດສະພາ 2015 ບໍລິສັດ ​​ເຊບ​ໂຣ​ເລດ​ລາວ ​ເຊິ່ງເປັນບໍລິສັດ​ຢູ່​ໃນ​ເຄືອ​ຂອງ​ກຸ່ມ​ບໍລິສັດ​ມະ​ນິຍົມ ກຣຸບ ທີ່​ໄດ້​ເປັນ​ຕົວ​ແທນ​ຈຳໜ່າຍ​ລົດ​ເຊບ​ໂຣ​ເລດ​ຢ່າງ​ເປັນ​ທາງ​ການ​ແຕ່​ຜູ້​ດຽວ​ໃນ ສ ປປ ລາວ ​ໄດ້​ຈັດ​ພິທີ​ເປີດ​ໂຕ ລົດ​ເຊບ​ໂຣ​ເລດ ຄຣຸດ ​ໂສມ​ໃໝ່​ ຢູ່​ທີ່​ຫ້ອງ​ຂາຍ​ລົດ​ເຊບ​ໂຣ​ເລດ T2 ບ້ານ ໜອງ​ດ້ວງ​ເໜືອ, ​ນະຄອນຫຼວງ​ວຽງ​ຈັນ, ​ໂດຍ​ການ​ເປັນ​ປະທານຂອງ ​ທ່ານ ສຸກ​ສະໝອນ ສີ​ຫາ​ເທບ ປະທານ​ກຸ່ມບໍລິສັດມະນີ​ຍົມ ກຣຸບ, ມີ​ບັນດາ​​ແຂ​ກທີ​ຖືກ​ເຊີນ ​ແລະ ສື່​ມວນ​ຊົນ​ເຂົ້າ​ຮ່ວມ.

ລົດ​ເຊບ​ໂຣ​ເລດ ຄຣຸດ ​ໄດ້​ເປີດ​ຕົວ​ເປັນ​ຄັ້ງ​ທຳ​ອິດ​ໃນ​ລາວ​ປີ​ນີ້ ​ເຊິ່ງ​ໄດ້​ຮັບ​ການ​ຕອບ​ຮັບ​ຈາກ​ລູກ​ຄ້າເປັນ​ຢ່າງ​ດີ​​. ລົດ​ເຊບ​ໂຣ​ເລດ ຄຣຸດ​ເປັນ​ລົດ​ສັນຊາດ​ອາ​ເມ​ຣິກາ ຖືກ​ອອກ​ແບບ​ໂດຍ​ບັນດາ​ວິສະວະກອນ​​ຊັ້ນນໍາຈາກ​ປະ​ເທດ​ເຢຍລະ​ມັນ, ສະຫະລັດ​ອາ​ເມຣິກາ ​ແລະ ​ເກົາຫຼີ ທີ່​ໂດດ​ເດັນ​ທັງ​ພາຍ​ໃນ ​ແລະ ພາຍ​ນອກ ອີກ​ທັງ​ໄດ້​ຜ່ານ​ການ​ທົດ​ສອບ​ສະມັດຖະພາບ​ມາ​ແລ້ວ​ຈາກ​ທຸກ​ມຸມ​ໂລກ ​ຮັບປະກັນ​ໄດ້​ເຖິງການ​ຂັບ​ຂີ່​ທີ່​ເປັນ​ເລີດ ດ້ວຍ​ລະບົບ​ຊ່ວງ​ລາງ​ແບບ Euro-Ride ​ເຊິ່ງ​ເປັນ​ລິ​ຂະ​ສິດສະ​ເພາະ​ຂອງ​ເຊ​ບ​ໂຣ​ເລດ ພ້ອມ​ກັບ​ມາດຕະຖານ​ທີ່ປອດ​ໄພ​ດີກ​ວ່າ ຈົນ​ຄົນ​ທົ່ວ​ໂລກ​ຍອມຮັບ.

ບົດຄວາມແນະນໍາ

ສະແດງຄວາມຄິດເຫັນ