Senglao content (728×90)

UNITEL ເປີດບໍລິການ 4G ຄວາມໄວສູງ

ເຕັກໂນໂລຊີ 4G ໄດ້ພັດທະນາ ໂດຍການສືບທອດ ຈາກບັນດາຄຸນສົມບັດຂອງເຕັກໂນໂລຊີ 3G ເຊິ່ງຈະມີຄວາມໄວໃນການ ອັບໂຫຼດ-ດາວໂຫຼດໄວກວ່າ 3G ເຖິງ 10 ເທົ່າ ດ້ວຍການເຊື່ອມຕໍ່ອິນເຕີເນັດ; 4G ໃນມືຖືຈະກາຍເປັນສິ່ງທີ່ສະດວກ ແລະ ງ່າຍດາຍທີ່ສາມາດໃຊ້ງານໄດ້ຫຼາຍຢ່າງໃນມືຖືເຄື່ອງດຽວເຊັ່ນ: ການເບິ່ງໜັງແບບຮູບພາບ HD ທີ່ມີຄວາມຊັດເຈນ, ເຂົ້າເວັບໄຊດ້ວຍຄວາມໄວ, ເບິ່ງໂທລະພາບແບບສົດໆເທິງມືຖື, ເບິ່ງ Youtube, ດາວໂຫຼດຂໍ້ມູນ ແລະ ອື່ນໆ.ປັດຈຸບັນ ຢູນີ​ເທວ​ໄດ້ເປີດໃຫ້ບໍລິການແລ້ວໃນ 4 ແຂວງ ຄື: ນະຄອນຫຼວງວຽງຈັນ, ຫຼວງພະບາງ, ສະຫວັນນະເຂດ ແລະ ແຂວງ ຈຳປາສັກ. ຄຽງຄູ່ກັບການສະໜອງເຄື່ອງຂ່າຍ 4G ຢູນີເທວ ໃຫ້ສັນຍາວ່າຈະສືບຕໍ່ປັບປຸງຄຸນນະພາບການບໍລິການ, ສັນຍານເຂດປົກຄຸມ ແລະ ພັດທະນາເຕັກໂນໂລຊີຢ່າງບໍ່ຢຸດຢັ້ງ ເພື່ອສືບຕໍ່ນຳເອົາການບໍລິການທີ່ດີທີ່ສຸດມາສູ່ປະຊາຊົນ.

ບໍລິສັດ ສະຕຣາໂທລະຄົມ UNITEL ເປີດໃຫ້ບໍລິການອິນເຕີເນັດຄວາມໄວສູງ ເຄືອຂ່າຍ 4G LTE ຢ່າງເປັນທາງການ ໃນວັນທີ 23 ມິຖຸນາ 2015 ໂດຍເປັນກຽດເຂົ້າຮ່ວມຂອງທ່ານດຣ. ທັນສະໄໝ ກົມມະສິດ ລັດຖະມົນຕີຊ່ວຍວ່າການ ກະຊວງໄປສະນີ ໂທລະຄົມມະນາຄົມແລະ ການສື່ສານ, ທ່ານ ຫງວຽນ ແມັງ ຮຸ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ແລະ ພາກສ່ວນກ່ຽວຂ້ອງເຂົ້າຮ່ວມ.

Comments