Senglao content (728×90)

ກອງປະຊຸມນັກທຸລະກິດໜຸ່ມອາຊຽນ-ຈີນ ໄດ້ໄຂຂຶ້ນໃນນະຄອນຫຼວງວຽງຈັນ

ໃນວັນທີ 6-7 ສິງຫາ 2015 ສະມາຄົມນັກທຸລະກິດໜຸ່ມແຫ່ງຊາດລາວ (YEAL) ໄດ້ເປັນເຈົ້າພາບຈັດກອງປະຊຸມນັກທຸລະກິດໜຸ່ມອາຊຽນ-ຈີນ ຄັ້ງທີ 7 (7th ACYEF) ຢູ່ທີ່ ສູນການຮ່ວມມືສາກົນ ແລະການຝຶກອົບຮົມ (ICTC ຫຼັກ 5), ນະຄອນຫຼວງວຽງຈັນ, ເປັນກຽດເຂົ້າຮ່ວມເປີດພິທີ ໂດຍທ່ານນາງ ເຂັມມະນີ ພົນເສນາ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ທ່ານ ນາງ ວາລີ ເວດສະພົງປະທານສະມາຄົມນັກທຸລະກິດໜຸ່ມແຫ່ງຊາດລາວ ທັງເປັນປະທານກອງປະຊຸມນັກທຸລະກິດໜຸ່ມ ອາຊຽນ-ຈີນ ຄັ້ງທີ 7, ມີບັນດາແຂກການນຳຂັ້ນສູງຈາກລັດຖະບານ, ບັນດາເອກອັກຄະລັດຖະທູດ ແລະ ຕົວແທນຈາກຂະແໜງການຄ້າຂອງບັນດາປະເທດອາຊຽນ-ສປ ຈີນ ແລະ ນັກທຸລະກິດໜຸ່ມຈາກພາຍໃນປະເທດ ແລະ ພາກພື້ນ ຈຳນວນ 400 ກວ່າທ່ານເຂົ້າຮ່ວມ.

ກອງປະຊຸມລະດັບພາກພື້ນປະຈຳປີນີ້ ແມ່ນເປັນການລວມເອົາຜູ້ນຳທຸລະກິດ ແລະ ຜູ້ປະກອບການລຸ້ນໃໝ່ ທີ່ເປັນຕົວແທນຂອງສະມາຄົມນັກທຸລະກິດໜຸ່ມໃນບັນດາ 11 ປະເທດ (ອາຊຽນ+ຈີນ) ຈຸດປະສົງແມ່ນເພື່ອສົ່ງເສີມການແລກປ່ຽນຄວາມຄິດເຫັນໃນຂົງເຂດການເປັນຜູ້ປະກອບການໃນຫຼາຍໆດ້ານຂອງພາກພື້ນໃນປັດຈຸບັນ ໂດຍສະເພາະແມ່ນກ່ຽວກັບການກ້າວເຂົ້າສູ່ປະຊາຄົມເສດຖະກິດອາຊຽນ, ເຊິ່ງເປັນເວທີສຳຄັນໃນການຊຸກຍູ້ການເຊື່ອມໂຍງສາຍພົວພັນທາງການຄ້າລະຫວ່າງຜູ້ເຂົ້າຮ່ວມແລະ ຍັງເປັນຄັ້ງທຳອິດທີ່ປະເທດລາວເຮົາເປັນເຈົ້າພາບ.​ເຊິ່ງໄດ້ລວມເອົານັກວິທະຍາກອນກິດຕິມະສັກ ມາສົນທະນາແລກປ່ຽນຄວາມຄິດເຫັນຕໍ່ບັນຫາຕ່າງໆ ຕັ້ງແຕ່ຄວາມຕ້ອງການພັດທະນາໂຄງຮ່າງພື້ນຖານໃນຂົງເຂດອາຊຽນ-ຈີນ ແລະ ຄວາມພ້ອມຂອງຜູ້ປະກອບການຕໍ່ກັບຄວາມພະຍາຍາມດ້ານເຕັກໂນໂລຊີ ແລະ ນະວັດຕະກຳໃນບໍລິບົດ AEC ຂອງພາກພື້ນນີ້. ພ້ອມ​ນີ້, ຍັງມີງານວາງສະແດງສິນຄ້າ ແລະ ການບໍລິການຢ່າງຫຼວງຫຼາຍຢູ່ທີ່ ຫໍປະຊຸມແຫ່ງຊາດ.

Business_04 Business_01 Business_02 Business_03

Comments