Senglao content (728×90)

TOYOTA CLASSICS ສະແດງຄອນເສີດການກຸສົນຄັ້ງທຳອິດໃນ ສປປ ລາວ

ບໍລິສັດ ໂຕໂຍຕ້າ ມໍເຕີ້ ປະເທດໄທ ຈໍາກັດ ຮ່ວມກັບຕົວແທນຈໍາໜ່າຍໂຕໂຍຕ້າຢ່າງເປັນທາງການທົ່ວປະເທດ ໄດ້ຈັດງານຖະແຫຼງຂ່າວຄອນເສີດການກຸສົນ ໂຕໂຍຕ້າ ຄາສສິກ ຄັ້ງທຳອິດໃນ ສປປ ລາວ.ໃນວັນທີ 29 ກັນຍາ 2015 ຢູ່ທີໂຮງແຮມລາວພລາຊາ. ຄອນເສີດການກຸສົນໂຕໂຍຕ້າ ຄາສສິກ ຈັດຂຶ້ນເພື່ອໃຫ້ດົນຕີມີສ່ວນໃນການສ້າງຄວາມສຸກ ແລະ ສ້າງຮອຍຍິ້ມສູ່ສັງຄົມລາວ ຜ່ານວົງບູດາເປສ ໂອເປີເຣຕ້າ ແລະມິວສິກ ເທຍເຕີ້ ຈາກປະເທດຮົງກາລີຊຶ່ງເປັນວົງດົນຕີລະດັບໂລກ. ການສະແດງຄັ້ງນີ້ຢູ່ພາຍໃຕ້ການອຳນວຍເພງຂອງມາເອສໂຕຣLaszlo Maklaryຜູ້ຊະນະລາງວັນ Artisjusແລະ ສິລະປິນແຫ່ງຊາດ ຮົງກາລີ (Honored Artist of Hungary). “ເຫດຜົນທີ່ເລືອກຈະຈັດ ໂຕໂຍຕ້າ ຄາສສິກ ໃນສປປ ລາວ ເນື່ຶອງໃນປີນີ້ເປັນປີພິເສດທີ່ສຳຄັນ ໃນການສະເຫຼີມສະຫຼອງ ວັນສ້າງຕັ້ງພັກປະຊາຊົນປະຕິວັດລາວຄົບຮອບ 60 ປີແລະ ສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວຄົບຮອບ 40 ປີ ໂດຍມີວັດຖຸປະສົງເພື່ອໃຊ້ດົນຕີຄາສສິກເປັນພະລັງຂັບເຄື່ອນຄວາມສຸກສູ່ສັງຄົມ ອີກທັ້ງຍັງເປັນການສົ່ງເສີມໃຫ້ປະຊາຊົົນໄດ້ມີໂອກາດຮັບຊົມແລະຮັບຟັງການສະແດງຂອງວົງດຸຣິຍາງ ລະດັບໂລກອີກດ້ວຍ.

ສຳລັບລາຍໄດ້ທັັງໝົດທີ່ມີຜູ້ຄົນເຂົ້າຮ່ວມຊົມ, ໂດຍບໍ່ຫັກຄ່າໃຊ້ຈ່າຍຈະນໍາໃຊ້ເຂົ້າໃນການສົມທົບທຶນເພື່ອການກຸສົນ ໃນ ສປປ ລາວ. ງານໄດ້ຈັດຂຶ້ນຢູ່ທີ່ ຫໍວັດທະນະທຳແຫ່ງຊາດ, ນະຄອນຫຼວງວຽງຈັນໃນວັນທີ 28 ຕຸລາ 2015.

ສະແດງຄຳຄິດເຫັນ