Senglao content (728×90)

ແກ້ວໂອໂຕກຣຸບ ແນະນຳລົດ MAZDA MX-5

ວັນທີ 25 ກັນຍາ 2015 ຢູ່ທີ່ວຽງຈັນເຊັນເຕີ້, ນະຄອນຫຼວງວຽງຈັນ ບໍລິສັດ ແກ້ວໂອໂຕກຣຸບ ໄດ້ຈັດພິທີແນະນຳລົດສະປອດມາສະດາ MX-5 ຢ່າງເປັນທາງການ. ໂດຍການເປັນປະທານເປີດຂອງ ທ່ານ Takahiro Sugiuraຜູ້ບໍລິຫານລະດັບສູງ ຈາກບໍລິສັດ Mazda ພາກພື້ນອາຊຽນ, ທ່ານ ກົງເພັດແກ້ວມະນີວົງ ຜູ້ຈັດການທົ່ວໄປຂອງບໍລິສັດ ແກ້ວ ໂອໂຕກຣຸບ ມີບັນດາແຂກທີ່ຖືກເຊີນແລະ ບັນດາສື່ມວນຊົນເຂົ້າຮ່ວມ. Mazda MX-5 ຄືລົດອັດສະລິຍະແຫ່ງນະວັດຕະກຳການຂັບຂີ່ທີ່ມີເປົ້າໝາຍຫຼັກແມ່ນແນ່ໃສ່ກຸ່ມລູກຄ້າທີ່ມີເອກະລັກສະເພາະໂຕ, ມັກສະໄຕສະປອດ,ມັກຄວາມແຕກຕ່າງທັນສະໃໝ, ມັກລົດເປີດຫຼັງຄາຮູບແບບທີ່ຫຼູຫຼາ, ໂດດເດັ່ນ, ລາຄາບໍ່ແພງ, ຂັບຂີ່ງ່າຍ,ສະບາຍ. Mazda MX-5 ລຸ້ນໃໝ່ນີ້ມີຂະໜາດກວ້າງ, ເລັ່ງສະປີດການອອກໂຕໄດ້ໄວກວ່າ ແລະ ມີນ້ຳໜັກເບົາກວ່າລຸ້ນກອ່ນຍອ້ນເປັນໂຄງສ້າງທີ່ນຳໃຊ້ Technology SKYACTIV ເຊິ່ງມີຫຼາຍສິ້ນສ່ວນທີ່ນຳໃຊ້ວັດສະດຸອະລູມີນຽມ, ເຄື່ອງຈັກ SKYACTIV 2000cc, 160 ແຮງມ້າທີ່ປະຢັດນ້ຳມັນແລະໃຫ້ອັດຕາເລັ່ງທີ່ດີ ພອ້ມເກຍອັດຕະໂນມັດ SKYACTIV 6 Speed ການປະສົມປະສານແນວຄິດການອອກແບບຂອງ KODO Design ທັງພາຍນອກ ແລະ ພາຍໃນທີ່ໂດດເດັ່ນສະປອດຫຼູຫຼາປານີດ, ພິຖີພິຖັນນໍາໃຊ້ອຸປະກອນທີ່ມີຄຸນນະພາບສູງ ພ້ອມດ້ວຍເຕັກໂນໂລຊີໃໝ່ໆເຊັ່ນ ລະບົບ i-Stop, ລະບົບນໍາພະລັງງານທີ່ສູນເສຍໃນການເບຼກມາສາກເກັບເປັນໄຟ (i-Eloop), ລະບົບ MZD Connect On-lineລະບົບອື່ນໆຢ່າງເໜືອລະດັບ.

Comments