Senglao content (728×90)

ທີມເຕະບານລາວ TOYOTA FC ເຂົ້າຮ່ວມການແຂ່ງຂັນ Toyota Mekong Club Championship 2015

ບໍລິສັດໂຕໂຍຕ້າ ມໍເຕີ້ ປະເທດໄທ ໄດ້ຈັດພິທີມອບຮັບໃຫ້ Lao Toyota FC ທີມຊະນະເລີດຈາກການແຂ່ງຂັນ ກິລາເຕະບານ ລາວ ພຣີເມຍລີກ ໃຫ້ເປັນຕົວແທນ ສປປ ລາວ ເຂົ້າຮ່ວມການແຂ່ງຂັນໃນລາຍການ ໂຕໂຍຕ້າ ແມ່ຂອງ ຄລັບ ແຊມປຽນຊິບ 2015 ໂດຍບໍລິສັດໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ມອບເງິນສະໜັບສະໜູນ ຈຳນວນ 10 ລ້ານກີບ ໃນວັນທີ່ 25 ຕຸລາ 2015 ຜ່ານມາ ຢູ່ທີ່ ເດີ່ນກິລາ ມະຫາວິທະຍາໄລແຫ່ງຊາດ.

ໂຕໂຍຕ້າ ແມ່ຂອງ ຄລັບ ແຊມປຽນຊິບ ຈະໄດ້ຈັດຂຶ້ນໃນວັນທີ 1-29 ພະຈິກ 2015 ທີ່ສະໜາມກິລາເຈົ້າອານຸວົງ ນະຄອນຫຼວງວຽງຈັນ ລວມມີ 5 ປະເທດເຂົ້າຮ່ວມຄື: ລາວ, ກຳປູເຈຍ, ມຽນມາ, ຫວຽດນາມ ແລະ ໄທ ເຊິ່ງ 3 ນັດທຳອິດ ແມ່ນລະຫວ່າງ ກໍາປູເຈຍ, ລາວ ແລະ ມຽນມາ ແລະ ທີມຊະນະເລີດ ຈະໄດ້ເຂົ້າແຂ່ງຂັນໃນຮອບຮອງຊະນະເລີດກັບທີມ Becamebinh Duong FC ຂອງ

ທ່ານ ສະຫະຊາດ ກັງສະສິທຽມ ຜູ້ອຳນວຍການປະຈຳ ຫ້ອງການຜູ້ຕາງໜ້າ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ກ່າວວ່າ: ໂຕໂຍຕ້າ ມໍເຕີ້ ປະເທດໄທ ໄດ້ໃຫ້ການສະໜັບສະໜູນດ້ານກິລາເຕະບານ ໃນ ສປປ ລາວ ຢ່າງຕໍ່ເນື່ອງ ເພື່ອສະໜັບສະໜູນເຍົາວະຊົນ ທີ່ມີຄວາມສາມາດໂດດເດັ່ນ ແລະ ມີພອນສະຫວັນດ້ານກິລາເຕະບານ ເຊິ່ງຈະສາມາດສ້າງຊື່ສຽງໃຫ້ແກ່ ສປປ ລາວໄດ້ໃນອະນາຄົດ.

ສະແດງຄຳຄິດເຫັນ