Senglao content (728×90)

ບາງກອກ ແອເວ ຮ່ວມກັບ ທທທ ຈັດກິດຈະກຳນຳທ່ຽວໄທ

ເພື່ອເປັນການສຶກສາ​ ແລກ​ປ່ຽນ​ບົດຮຽນ​ເຊິ່ງກັນ ​ແລະ​ກັນຂອງ​ຜູ້​ປະກອບ​ການໃຫ້​ສາມາດ​ເຊື່ອ​ມໂຍງ​ຮູບ​ແບບ​ການທ່ອງທ່ຽວ​ຂອງ​ສອງ​ປະ​ເທດ​ກວ້າງຂວາງສະດວກ​ສະບາຍ​ວ່ອງ​ໄວຍິງ​ຂຶ້ນ,​​ ​ທາງສາຍ​ການບິນ ບາງກອກ​ແອ​ເວ (Bang Airways) ຮ່ວມ​ກັບ ການທ່ອງທ່ຽວ​ແຫ່ງ​ປະ​ເທດ​ໄທ, ສຳນັກງານ​ໂຮ​ຈີ​ມິ​ນຈຶ່ງ​ໄດ້ຈັດ​(Fame Trip)ນຳ​ທ່ຽວຂຶ້ນ​ໃນທ້າຍເດືອນກັນຍາ ​ປີ2015 ​ໂດຍ​ມີ​ຜູ້​ປະກອບ​ການທ່ອງທ່ຽວ ​ແລະ ຕົວ​ແທນ​ຈຳໜ່າຍ ບາງກອກ​ແອ​ເວ ຈຳນວນ 12 ທ່ານ ລວມທັງ​ຜູ້​ປະສານ​ງານ ບາງກອກ​ແອ​ເວ ​ແລະ ສື່​ມວນ​ຊົນ​​. ງານ​​ຄັ້ງ​ນີ້​ໄດ້​ທ່ຽວ​ຊົມ 3 ​ຈັງຫວັດ​ຄື: ​​ຣະຍອງ, ຈັນ​ທະ​ບູລີ ​ແລະ ​ພັດທະຍາ ​​ໄດ້ສຳ​ຜັດ​ເຖິງ​ວິຖີ​ຊີວິດ, ແຫຼ່ງທ່ອງ​ທ່ຽວ​ທີ່​ເປັນທຳ​ມະ​ຊາດ ​ໂດຍ​ສະ​ເພາະ​ເກາະ​ສະ​ເມັດ ​​ເປັນດິນ​ແດນ​ແຫ່ງ​ຕຳນານສໍາລັບ ​​ຈັນທະ​ບູລີ, ທ່ຽວ​ຊົມ​ຮອງ​ຮອຍ​ປະຫວັດສາດ ​ແລະ ວິຖີ​ຊີວິດ​ແບບ​ດັ້ງ​ເດີມ​ທີ່ຈະ​ເລີ​ນ​ໄປ​ດ້ວຍ​ພອຍ. ພິ​ເສດ​ທີ່​ສຸດ​​ແມ່ນ​ໄດ້​ສຳ​ຜັດຈຸດ​ຊົມ​ວິວທີ່​ງົດ​ງາມ​ທີ່​ສຸດ​ໃນ​ພາກ​ຕາ​ເວັນ​ອອກ​ຂອງ​ປະ​ເທດ​ໄທ​ນັ້ນ​ກໍຄື ​ເນີ​ນນາງພະຍາ ​ແລະ​ ​ພັດທະຍາ ທີ່​ມີ​ແຫຼ່ງທ່ອງ​ທ່ຽວ​ຈຸດ​ເດັ່ນເປັນ ປາສາດ​ສັດຈະທຳ ​ຖືກ​ປະດິດ​ສ້າງ​ຂຶ້ນ​ດ້ວຍ​ໄມ້​ທີ່​ມີ​ຄວາມ​​ງາມ​ອັນ​ມະຫັດສະຈັນ ​​ແລະ​ ຫຼີ້ນ​ນໍ້າ​ໃນ​ສວນ​ສະ​ໜຸກ(CN Catoon Network AmaZone).

Comments