ງານໃຫ້ຂໍ້ມູນກ່ຽວກັບ ງານຊິງລາງວັນທຸລະກິດອາຊຽນດີເດັ່ນ 2017

ງານລ້ຽງພົບປະ ແລະ ໃຫ້ຂໍ້ມູນກ່ຽວກັບ ງານຊິງລາງວັນທຸລະກິດອາຊຽນດີເດັ່ນ 2017, ໄດ້ຈັດຂຶ້ນຕອນຄໍ່າໃນວັນທີ 16 ມິຖຸນາ 2017, ທີ່ໂຮງແຮມເມີຄຽວ, ນະຄອນຫຼວງວຽງຈັນ. ທັງນີ້ກໍເພື່ອເປັນການໃຫ້ຄວາມຮູ້ ແລະ ຂໍ້ມູນໃຫ້ກັບບັນດາບໍລິສັດ, ວິສາຫະກິດ, ຜູ້ປະກອບການລາວ ໄດ້ກຽມຄວາມພ້ອມເພື່ອໄປຊິງລາງວັນທຸລະກິດອາຊຽນດີເດັ່ນ 2017 (ASEAN Business Awards 2017) ຢູ່ທີ ໂອກາດາ ມະນິລາ ເມືອງ ພາຣານັກ ປະເທດຟິລິບປິນ ໃນວັນທີ 6 ກັນຍາ 2017 ນີ້ ເຊິ່ງງານດັ່ງກ່າວໄດ້ເຊີນເອົາ ນັກທຸລະກິດທີ່ໄດ້ຮັບລາງວັນອາຊຽນດີເດັ່ນ ໃນປີ 2016 ມາເລົ່າປະສົບການ ແລະ ໃຫ້ຄວາມຮູ້.

ສະພາທີ່ປຶກສາທຸລະກິດອາຊຽນລາວ ຍິນດີແຈ້ງໃຫ້ທ່ານຮູ້ວ່າ ງານຊິງລາງວັນທຸລະກິດອາຊຽນດີເດັ່ນ 2017 ປະຈຸບັນໄດ້ເປີດຮັບສະໝັກຜູ້ເຂົ້າຮ່ວມຊິງລາງວັນແລ້ວ.

ການເຂົ້າຮ່ວມສະໝັກຊິງລາງວັນໃນຄັ້ງນີ້ແມ່ນບໍ່ມີຄ່າໃຊ້ຈ່າຍໃດໆ. ພ້ອມກັນນັ້ນ, ທຸລະກິດຂະໜາດນ້ອຍ ແລະ ກາງທີ່ຖືກຄັດເລືອກຮັບລາງວັນ ແມ່ນຈະໄດ້ຮັບອຸປະຖຳຄ່າໃຊ້ຈ່າຍໃນການເດີນທາງ ແລະ ພັກເຊົາ.

ສຳລັບທ່ານທີ່ມີຄວາມສົນໃຈສະໝັກ ຫລື ຕ້ອງການຄຳແນະນຳໃນການປະກອບແບບຟອມສະໝັກແມ່ນ ສາມາດເຂົ້າມາພົບທີມງານຂອງພວກເຮົາໄດ້ ໃນວັນທີ 20 ແລະ 21 ມິຖຸນາ 2017 ເວລາ 8:30 ຫາ 17:00 ໂມງ ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ

ທ່ານສາມາດສະໝັກເຂົ້າຊິງລາງວັນທຸລະກິດອາຊຽນດີເດັ່ນໄດ້ທີ່ www.aba2017.com  ຫຼື ສອບຖາມເພີ່ມເຕີມໄດ້ທີ່ [email protected] ([email protected]ະກິດອາຊຽນ ປະເທດຟິລິບປິນ) ຫຼື [email protected] ([email protected]ະກິດອາຊຽນ ລາວ) ຫຼື ເຂົ້າເບິ່ງເພີ່ມເຕີມໄດ້ທີ່ www.abalaos.com ຫຼື ໂທສອບຖາມ 021 453 312

ສຳລັບລາຍລະອຽດເພີ່ມເຕີມ ກະລຸນາອ່ານວາລະສານຂ້າງລຸ້ມນີ້ໄດ້ເລີຍ

 

ບົດຄວາມແນະນໍາ

ສະແດງຄວາມຄິດເຫັນ

error: Content is protected !!