Senglao content (728×90)

ພົບແລ້ວກ່ອງດໍາເຮືອບິນກອງທັບມຽນມາ

ວັນທີ 19 ມິຖຸນາ 2017 ເຈົ້າໜ້າກູ້ໄພປະເທດມຽນມາ ໄດ້ພົບກ່ອງດໍາຂອງເຮືອບິນລໍາລຽງກອງທັບຂອງພະມາທີ່ປະສົບອຸບັດຕິເຫດຕົກໃນທະເລອັນດາມັນ ເມືອງທະວາຍ.

ໂດຍຜູ້ບັນຊາການທະຫານບົກມຽນມາໄດ້ໂພສຂໍ້ຄວາມຜ່ານເຟສບຸກວ່າ: ຂະນະນີ້ໄດ້ພົບກ່ອງດໍາທີ່ຢູ່ສ່ວນປີກຂອງເຮືອບິນແລ້ວ ຊຶ່ງເກັບຂໍ້ມູນການບິນ ແລະ ບັນທຶກການສົນທະນາຂອງນັກບິນ ໂດຍກໍາລັງຈະນໍາມາກວດສອບ ແລະ ຫາສາເຫດ ຫວັງວ່າຈະຊາບສາເຫດຂອງການຕົກອີກບໍ່ດົນນີ້.

ແນວໃດກໍຕາມ ຍັງບໍ່ມີການລະບຸໄດ້ວ່າ: ການແກະຂໍ້ມູນ ແລະ ສຽງຈະໃຊ້ເວລາດົນເທົ່າໃດ ໂດຍປັດຈຸບັນນີ້ຍັງບໍ່ມີການລະບຸໄດ້ຢ່າງເປັນທາງການການວ່າ: ເຮືອຕົກແມ່ນຈາກສາເຫດໃດ ຊຶ່ງຜູ້ຊ່ຽວຊານກ່າວວ່າ: ຂໍ້ມູນ ແລະ ສຽງທີ່ບັນທຶກໃນກ່ອງດໍາຈະເປີດເຜີຍຄວາມຈິງໄດ້ເກືອບທັງໝົດວ່າ: ເປັນຍ້ອຍສາເຫດໃດ.

ເຮືອບິນລໍາດັ່ງກ່າວເປັນແບບ Y8 ຜະລິດໃນ ຈີນ ເປັນເຮືອບິນແບບ 4 ເຄື່ອງຈັກ ຊຶ່ງປະສົບອຸບັດຕິເຫດຕົກໃນທະເລອັນດາມັນ ແຄມຝັ່ງຂອງເມືອງ ທະວາຍ ເມື່ອວັນທີ 7 ມິຖຸນາ 2017 ໃນເວລາ 13:35 ນາທີຕາມເວລາທ້ອງຖິ່ນ ລະຫວ່າງເດີນທາງຈາກເມືອງ ມະຣິດມຸ່ງໜ້າໄປນະຄອນຢາງກຸງ ເຮັດໃຫ້ຂາດການຕິດຕໍ່ກັບຫໍຄອຍຄວບຄຸມການບິນ ໂດຍສະພາບອາກາດກໍປົກກະຕິ ເຮືອບິນດັ່ງກ່າວມີຜູ້ໂດຍສານທັງໝົດ 122 ເປັນທະຫານ 114 ຄົນ ຈໍານວນທີ່ເຫຼືອເປັນຄອບຄົວຂອງທະຫານ ມີທັງແມ່ຍິງ ແລະ ເດັກນ້ອຍ ແລະ ຂະນະນີ້ແມ່ນພົບສົບຜູ້ເສຍຊີວິດແລ້ວຈໍານວນ 92 ສົບ.

ສະແດງຄຳຄິດເຫັນ