Senglao content (728×90)

ເພື່ອພັດທະນາສື່ປ້າຍໂຄສະນານອກສະຖານທີ່ໃຫ້ໄດ້ມາດຕະຖານສາກົນໃນລາວ

ບໍລິສັດ ປັນຍາທິບ ແອັດເວີທາຍຊິງ ແລະ ບໍລິສັດ ແພຼນບີ ມີເດຍ (ຈາກປະເທດໄທ) ໄດ້ຮ່ວມເຊັນສັນຍາລົງນາມຮ່ວມທຸລະກິດດ້ານສື່ໂຄສະນາ ເພື່ອສ້າງຕັ້ງບໍລິສັດຮ່ວມທຸລະກິດໃນນາມ ບໍລິສັດ ປັນຍາທິບ ແພຼນບີ ມີເດຍ ດ້ວຍມູນຄ່າການລົງທຶນ 2.8 ລ້ານໂດລາສະຫະລັດ. ໃນວັນທີ 22 ມິຖຸນາ 2017 ທີ່ໂຮງແຮມ ລາວ-ພຣາຊ່າ. ເປັນກຽດເຂົ້າຮ່ວມເປັນສັກຂີພະຍານໂດຍ ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ, ທ່ານ ກິດສະໜາ ວົງໄຊ ປະທານກຸ່ມ ບໍລິສັດ ເຄແອນຊີ, ທ່ານ ນາງ ຢານີ ສີວິໄຊ ອັກຄະຣາຊະທູດທີ່ປຶກສາຝ່າຍການຄ້າປະຈຳສະຖານທູດໄທ ປະຈຳນະຄອນຫຼວງວຽງຈັນ.

ທ່ານ ໄຊຍະສອນ ປັນຍາທິບ ປະທານບໍລິຫານ ບໍລິສັດ ປັນຍາທິບ ແອດເວີທາຍຊິງ ກ່າວວ່າ: ຈຸດປະສົງຂອງການຮ່ວມມີກັບບໍລິສັດ ແພຼນບີ ມີເດຍ ໃນຄັ້ງນີ້ກໍຍ້ອນເບິ່ງເຫັນໂອກາດທາງດ້ານທຸລະກິດມີການເຕີບໃຫ່ຍ ແລະ ເສດຖະກິດ-ສັງຄົມ ຂອງປະເທດທີ່ມີການຂະຫຍາຍຕົວ ແລະ ການພັດທະນາແບບກ້າວກະໂດດຂອງວົງການສື່ໂຄສະນາ ໂດຍສະເພາະພາຍຫຼັງທີ່ ສປປ ລາວ ໄດ້ເຂົ້າ AEC ໄດ້ເຊື່ອມໂຍງກັບອາຊຽນ ແລະ ພາກພື້ນ ບວກກັນແນວທາງນະໂຍບາຍຂອງພັກ ແລະ ລັດຖະບານໃນການຫັນປະເທດສູ່ອຸດສະຫະກຳ ແລະ ທັນສະໄໝ, ນຳປະເທດຫຼຸດພົ້ນອອກຈາກຄວາມດ້ອຍພັດທະນາໃນປີ 2020 ແລະ ເປັນການດຶງດູດເອົາການລົງທຶນຂອງ ຕ່າງປະເທດ ສ້າງຜະລິດຕະພັນການໂຄສະນາດ້ານນີ້ໃຫ້ຫຼາກຫຼາຍສີສັນ ເພື່ອດຶງດູດເອົາລູກຄ້າໃນບັນດາປະເທດອາຊຽນ ແລະ ພາກພື້ນ.

ບໍລິສັດ ປັນຍາທິບແອັດເວີທາຍຊິງ ຈຳກັດແມ່ນໜຶ່ງໃນຫົວໜ່ວຍທຸລະກິດໃນກຸ່ມບໍລິສັດ K&C Group ທີ່ມີການລົງທຶນທາງດ້ານການໂຄສະນາຄົບວົງຈອນ, ມີປະສົບການມາກວ່າ 18 ປີ, ບໍ່ວ່າຈະເປັນໃນແບບສື່ອອນລາຍ (Online digital con-tents), Offline (print & outdoor media) ແລະ On ground (event organizer). ໄດ້ຮ່ວມມືກັບ ບໍລິສັດ ແພຼນ ມີເດຍ ຈຳກັດ ເພື່ອຂະຫຍາຍທຸລະກິດສື່ໂຄສະນານອກສະຖານທີ່ໃນ ສປປ ລາວ ເຊິ່ງຈະເປັນບາດກ້າວສຳຄັນຂອງປັນຍາທິບແອັດເວີທາຍຊິງ ແລະ ແພຼນບີ ມີເດຍ ໃຫ້ເປັນຜູ້ນຳໜ້າດ້ານທຸລະກິດສື່ໂຄສະນານອກສະຖານທີ່ ທີ່ມີອັດຕາການເຕີບໂຕສູງໃນພາກພື້ນອາຊີ ໂດຍມີສຳນັກງານໃຫ່ຍຕັ້ງຢູ່ບາງກອກ ປະເທດໄທ. ມີເປົ້າໝາຍເພື່ອນຳຮູບແບບທຸລະກິດສື່ໂຄສະນານອກສະຖານທີ່ ທີ່ປະສົບຄວາມສຳເລັດຢ່າງສູງພ້ອມດ້ວຍຖານລູກຄ້າຈາກປະເທດໄທ ເຂົ້າມາໃນ ສປປ ລາວ ພ້ອມທັງຂະຫຍາຍຖານລູກຄ້າໄປສູ່ບັນດາປະເທດອາຊຽນ ແລະ ພາກພື້ນດ້ວຍການ

ມີຄຣິບໃຫ້ຊົມ

 

Panyathip Plan B Media ຕັ້ງເປົ້າໝາຍພັດທະນາສື່ໂຄສະນານອກສະຖານທີ່ໃນ ສປປ ລາວ ໃຫ້ຄົບວົງຈອນ ແລະ ໄດ້ມາດຕະຖານສາກົນ

โพสต์โดย Target Hot News บน 23 มิถุนายน 2017

ສະແດງຄຳຄິດເຫັນ