ຈິນນາລີ ນໍລະສິງ (ຟ້າໃສ) ໄດ້ຮັບມົງກຸດມິສແກຣນລາວ ຄົນທຳອິດ

ໃນຄໍ່າຄືນຂອງວັນທີ 15 ກໍລະກົດ 2017 ທີ່ຜ່ານມາ ຢູ່ທີ່ສູນການຄ້າລາວ-ໄອເຕັກ ຊັ້ນ 7 ໄດ້ຈັດການປະກວດ Miss Grand Laos 2017 ຢ່າງເປັນທາງການເຊິ່ງເປັນເວທີທຳອິດທີ່ໄດ້ຈັດຂຶ້ນໃນປະເທດລາວເຮົາ. ໂດຍການເຂົ້າຮ່ວມຂອງທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ທ່ານ ສະຫວັນຄອນ ຣາຊະມູນຕຣີ ຮອງລັດຖະມົນຕີກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ, ທ່ານ ຫົງຄຳ ສຸວັນນະວົງ ປະທານບໍລິສັດ ທີວີລາວ ທັງເປັນປະທານໂຄງການປະກວດມີດແກຣນລາວ 2017, ມີບັນດາແຂກທີ່ຖືກເຊີນເຂົ້າຮ່ວມຢ່າງຫຼວງຫຼາຍ.

ຜົນການປະກວດ ຜູ້ທີ່ໄດ້ຮັບມົງກຸດອັນຊົງກຽດ ແລະໄດ້ເປັນມິສແກຣນຄົນທຳອິດຂອງປະເທດລາວກໍຄື: ໝາຍເລກ MG19 ນາງ ຈິນນາລີ ນໍລະສິງ (ຟ້າໃສ)  ແລະ ຍັງໄດ້ຮັບອີກໜຶ່ງລາງວັນນັ້ນກໍຄື: ລາງວັນນາງສາວຂວັນໃຈມະຫາຊົນ (Miss Popular vote) ຖືວ່າຄວບເຖິງ 2 ຕໍາແໜ່ງ ແລະ ຈາກນີ້ຟ້າໃສ ຍັງຈະໄດ້ໄປເປັນຕົວແທນປະເທດລາວໃນການປະກວດ Miss Grand International 2017 ຢູ່ທີ່ປະເທດ ຫວຽດນາມ ໃນວັນທີ 25 ຕຸລາ 2017 ທີ່ຈະມາເຖິງນີ້. ສຳລັບລາງວັນທີ ຟ້າໄດ້ແມ່ນ ມົງກຸດມໍລະກົດເພັດ ມູນຄ່າ 50 ລ້ານກີບ ພ້ອມສາຍສະພາຍ, ເງິນສົດມູນຄ່າ 100 ລ້ານກີບ ແລະ ຍັງມີລາງວັນອື່ນໆອີກ.

ສຳລັບຮອງອັນດັບ 1 ໄດ້ແກ່ໝາຍເລກ MG 13 ນາງ ພູນຊັບ ພົນໂຍທາ (ມີມີ່) ແລະ ໄດ້ຮັບລາງວັນນາງສາວທີ່ມີສະເໜທີ່ສຸດ

ຮອງອັນດັບ 2 ໄດ້ແກ່ໝາຍເລກ MG 16 ນາງ ຈິດສະດາ ວົງໄຊສະຫວາດ (ມຸກ)

ຮອງອັນດັບ 3 ໄດ້ແກ່ໝາກເລກ MG 1ນາງ ນິດາກອນ ຈັນດາລາສານ (ແອນນີ້)  ແລະ ຍັງໄດ້ຮັບລາງວັນຂວັນໃຈຊ່າງພາບ

ຮອງອັນດັບ 4 ໄດ້ແກ່ໝາຍເລກ MG 5 ນາງ ແສງສະຫວັນ ສີຫາລາດ (ມູມີ່)

ສຳລັບລາງວັນ ນາງສາວສຸຂະພາບດີ ໄດ້ແກ່ໝາຍເລກ MG 7 ນາງ ຈັນດາລານີ ຫຼວງຈັນດາລາວົງ.

ລາງວັນນາງສາວມິດຕະພາບ ໄດ້ແກ່ໝາຍເລກ MG 12 ນາງ ວິລະພອນ ຂົນແກ້ວ.

ລາງວັນນາງສາວແຕ່ງໜ້າງາມໄດ້ແກ່ໝາຍເລກ MG 14 ນາງ ສຸພາເພັງ ຈຳປາວິໄລ.

ບົດຄວາມແນະນໍາ

ສະແດງຄວາມຄິດເຫັນ