Senglao content (728×90)

ດິນແດນລຶກລັບໃນເວເນຊູເອລາ

ສະບາຍດີ ບັນດາທ່ານຜູ້ອ່ານທີ່ຮັກແພງທັງຫຼາຍ ໃນມື້ນີ້ທີມງາມເວັບໄຊທາເກັດ ກໍຈະມາແນະນໍາສະຖານທີ່ທ່ອງທ່ຽວໃຫ້ບັນດາທ່ານຜູ້ອ່ານໄດ້ຮູ້ຈັກຕາມເຄີຍ ແລະ ສະຖານທີ່ຈະມາແນະນໍາໃນມື້ນີ້ກໍຄື: Angel Falls ນໍ້າຕົກສູງທີ່ສຸດໃນໂລກ ນັ້ນເອງ.

ສະຖານທີ່ທ່ອງທ່ຽວ Angel Falls ນໍ້າຕົກທີ່ໄດ້ຊື່ວ່າສູງທີ່ສຸດໃນໂລກ ມີຄວາມສູງຈາກໜ້າດິນຂຶ້ນໄປປະມານ 979 ແມັດ ຕັ້ງຢູ່ກາງປ່າດົງດິບຂອງປະເທດ ເວເນຊຸເອລາ ( Venezuela ) ຖືກຄົ້ນພົບໃນປີ1993 ໂດຍນັກບິນຄົນອາເມຣິກາ ຊື່ James Crowford Angel ຈຶ່ງໄດ້ຕັ້ງຊື່ນໍ້າຕົກວ່າ Angel ຕາມຊື່ຂອງລາວ.

ແຕ່ໃນປີ 2009 ປະທານປະເທດຂອງ ປະເທດ ເວເນຊຸເອລາ ( Venezuela ) ໄດ້ປະກາດປ່ຽນຊື່ໃໝ່ຂອງນໍ້າຕົກ ເພາະເຫັນວ່ານໍ້າຕົກນີ້ເປັນຂອງຄົນ ເວເນຊູເອລາ ມາແຕ່ດົນ ກ່ອນທີ່ຄົນອາເມຣິກາຈະຄົ້ນພົບ ຊື່ໃໝ່ຈຶ່ງເປັນພາສາພື້ນເມືອງວ່າ: ເຄຣາປາຄຸປາອິ ເມຣູ ( Kerepa kupi Meru ) ໝາຍເຖິງນໍ້າຕົກທີ່ລຶກລັບທີ່ສຸດ.

ລັກສະນະໂດດເດັ່ນຂອງນໍ້າຕົກນັ້ນ ເນື່ອງຈາກຢູ່ສູງຫຼາຍ ນໍ້າທີ່ຕົກລົງຈາກໜ້າຜາຈຶ່ງບໍ່ຄ່ອຍຕົກເຖິງພື້ນຈັກເທື່ອ ນໍ້າທີ່ຕົກລົງມາກາຍເປັນອາຍໄປກ່ອນ ເຮັດໃຫ້ບໍລິເວນນໍ້າຕົກຈຶ່ງເກີດເປັນໝອກປົກຄຸມ ເປັນວິວທິວທັດທີ່ສວຍງາມໄປອີກແບບ. ສ່ວນການເດີນທາງໄປຫາປ່າເລິກນີ້ ຕ້ອງໄດ້ໄປທາງເຮືອ ຫຼື ເຮືອບິນເທົ່ານັ້ນ ສະຖານທີ່ແຫ່ງນີ້ເປັນສະຖານທີ່ມີຄວາມງົດງາມຫຼາຍ ເປັນແບບປິດສະໜາທີ່ໜ້າເຂົ້າໄປຄົ້ນຫາ.

ຖ້າທ່ານໃດມີໂອກາດໄດ້ໄປທ່ຽວທີ່ປະເທດ ເວເນຊຸເອລາ ກໍຢ່າລືມໄປທ່ຽວສະຖານທີ່ແຫ່ງນີ້ລອງເບິ່ງ ທ່ານສາມາດເລືອກເສັ້ນທາງໄປຫານໍ້າຕົກໄດ້ 2 ທາງເລືອກຄື: ຖ້າມັກແບບປະຈົນໄພກໍອາດເລືອກໄປທາງເຮືອ ແລະ ຖ້າມັກໄປແບບສະບາຍກໍເລືອກໄປທາງເຮືອບິນ.

ສະແດງຄຳຄິດເຫັນ