11 ອາຫານຊ່ວຍຫຼຸດໄຂມັນ ຊ່ວຍລ້າງພິດໃນຮ່າງກາຍ

 

  1. ໝາກນາວ: ເປືອກໝາກນາວມີສານທີ່ຊ່ວຍກະຕຸ້ນການເຜົາຜານຂອງຮ່າງກາຍ ແລະ ກະຕຸ້ນການໄຫຼວຽນຂອງເລືອດພຽງແຕ່ດົມກິ່ນກໍສາມາດບັນເທົາອາການວິນຫົວປວດຮາກໄດ້.
  2. ຜັກບົ່ວໃຫ່ຍ: ເນື່ອງຈາກມີວີຕາມິນ B1 ຊຶ່ງຊ່ວຍໃນການເຜົາຜານອາຫານ ແລະ ຍັງຊ່ວຍຂັບສານພິດໃນຮ່າງກາຍອອກມາທາງປັດສະວະອີກດ້ວຍ.
  3. ຂີງ: ຊ່ວຍໃຫ້ຮ່າງກາຍອົບອຸ່ນ, ຂັບເຫື່ອ ຊ່ວຍປັບອຸນຫະພູມໃນຮ່າງກາຍຊ່ວຍເຜົາຜານໄຂມັນ ແລະ ນໍ້າຕານໃນຮ່າງກາຍຄວນດື່ມນໍ້າຂີງ ຫຼຶ ນຳມາເປັນສ່ວນປະກອບຂອງອາຫານເປັນປະຈຳ.
  4. ຫົວຜັກທຽມ: ນອກຈາກຊ່ວຍໃນການຂັບໄລ່ສານພິດ ແລະ ສ້າງພູມຄຸ້ມກັນໃນຮ່າງກາຍແລ້ວຫົວຜັກທຽມຍັງຊ່ວຍກະຕຸ້ນການເຜົາຜານໄຂມັນ ແລະ ທາດນໍ້າຕານໃນຮ່າງກາຍຊ່ວຍໃນການດູດຊຶມທາດເຫຼັກ.
    5. ໝາກເລັ່ນ: ເປັນພືດທີ່ມີໄຂມັນຕໍ່າເສັ້ນໃຍອາຫານສູງກິນແລ້ວຮູ້ສຶກອິ່ມໄວເຮັດໃຫ້ກິນອາຫານໄດ້ໜ້ອຍລົງ ເໝາະສໍາລັບຄົນທີ່ຕ້ອງການຫຼຸດນໍ້າໜັກ.
  5. ແກ່ນໝາກງາ: ມີແຮ່ທາດຕ່າງໆຫຼາກຫຼາຍໂດຍສະເພາະວີຕາມິນ C ແລະ ແຮ່ທາດທີ່ຊ່ວຍຫຼຸດລະດັບສານTriglyceride (ເຊິ່ງສານນີ້ຖ້າມີໃນເລືອດຫຼາຍຈະເຮັດໃຫ້ເກີດອັນຕະລາຍ) ກິນປົນກັບນໍ້າອຸ່ນຈະຊ່ວຍຫຼຸດນໍ້າໜັກໄດ້ເປັນຢ່າງດີ.
  6. ເຫັດ: ນອກຈາກຈະຊ່ວຍສ້າງພູມຄຸ້ມກັນພະຍາດມະເຮັງແລ້ວຍັງມີເສັ້ນໃຍອາຫານຊ່ວຍຂັບສານພິດໃນຮ່າງກາຍໄດ້ເປັນຢ່າງດີ.
  7. ໝາກເຂືອຫໍາມ້າ: ມີຄຸນປະໂຫຍດຊ່ວຍຕ້ານມະເຮັງຊ່ວຍບໍາລຸງເສັ້ນເລືອດ ຍັງຊ່ວຍດູດຊຶມໄຂມັນແລະ ຂອງເສີຍໃນກະແສເລືອດຊ່ວຍຢຸດຍັ້ງບໍ່ໃຫ້ເກີດ Cholesterol ຊ່ວຍປັບຄວາມສົມດຸນໃນຮ່າງກາຍ ແລະ ຍັງຊ່ວຍແກ້ອາການທ້ອງອືດອີກດ້ວຍ.
  8. ຜັກກາດຂາວ: ອຸດົມໄປດ້ວຍເສັ້ນໃຍ ແລະແຄວຊຽມພ້ອມຍັງຊ່ວຍສ້າງຄວາມແຂງແຮງຂອງກະດູກປ້ອງກັນທ້ອງອືດແລະມະເຮັງລໍາໃສ້ອີກດ້ວຍ.
  9. ໝາກຖົ່ວແດງ: ມີຄຸນຄ່າທາງດ້ານໂພສະນາການສູງ ແລະ ຍັງຊ່ວຍກະຕຸ້ນຂະບວນການເຜົາຜານນໍ້າຕານຊ່ວຍຂັບປັດສະວະຫຼຸດອາການບວມນໍ້າແກ້ທ້ອງອືດແລະຂັບສານພິດອອກຈາກຮ່າງກາຍເໝາະກັບການຫຼຸດນໍ້າໜັກ.
  10. ໝາກອຶ: ອຸດົມໄປດ້ວຍແປ້ງ, ນໍ້າຕານ, ວີຕາມິນ ແລະ ເກືອຈໍານວນຫຼາຍເມື່ອກິນຈະຮູ້ສຶກອີ່ມດົນ
    ຈຶ່ງຊ່ວຍບັນເທົາອາການຢາກອາຫານອີກທັງຍັງຊ່ວຍກຳຈັດສານພິດທີ່ຕົກຄ້າງໃນຮ່າງກາຍໄດ້ເປັນ
    ຢ່າງດີ.

ບົດຄວາມແນະນໍາ

ສະແດງຄວາມຄິດເຫັນ