ຊົມຄວາມງົດງາມຂອງທໍາມະຊາດທ່າມກາງເມກໝອກ

ສະບາຍດີ ບັນດາທ່ານຜູ້ອ່ານທີ່ຮັກແພງທັງຫຼາຍ ມື້ນີ້ທີມງານເວັບໄຊ ທາເກັດຈະມາແນະນໍາໃຫ້ທຸກທ່ານໄດ້ຮູ້ຈັກກັບ ຂົວສູງທີ່ສຸດໃນໂລກ ໃນປະເທດຈີນ ນັ້ນເອງ.

ຂົວສູງທີ່ສຸດໃນໂລກນີ້ ໄດ້ຮັບການອອກແບບໂດຍທີມວິສາວະກອນຄົນຈີນ ແລະ ຍັງເປັນທີ່ຮູ້ຈັກກັນໃນຊື່ “ຂົວ Beipanjiangໄດ້ຊື່ວ່າເປັນຂົວສູງທີ່ສຸດໃນໂລກຢ່າງເປັນທາງການ ຕັ້ງຢູ່ເທິງແມ່ນໍ້າ Beipan ໃນຮ່ອມພູທາງຕາເວັນຕົກສ່ຽງໃຕ້ຂອງປະເທດຈີນ ແລະ ຕາມສະຖິຕິໃຫ້ຮູ້ວ່າມີຂົວສູງທີ່ສຸດເຖິງ 8 ແຫ່ງ ຈາກໃນຈໍານວນ 10 ແຫ່ງຂອງໂລກລ້ວນແຕ່ຢູ່ໃນປະເທດຈີນ. ຂົວແຫ່ງນີ້ ມີຖະໜົນຈະລາຈອນ 4 ເລນ ແລະ ມີຄວາມຍາວ 1.341 ແມັດ ເຊື່ອມຕໍ່ຈາກ “ກຸ້ຍໂຈວ” ໄປຈົນເຖິງເມືອງ “ຢຸນນານ” ນອກຈາກນີ້ຍັງຊ່ວຍຫຼຸດເວລາໃນການເດີນທາງລະຫວ່າງເມືອງ Liupanshui ແລະ Xuianwei ຈາກປົກກະຕິຈະໃຊ້ເວລາ 5 ຊົ່ວໂມງເຫຼືອພຽງ 2 ຊົ່ວໂມງເທົ່ານັ້ນ ໂດຍຂົວຈະສ້າງຕັດຜ່ານຂ້າມຮ່ອມພູຂະໜາດສູງໃຫຍ່ ຜ່ານເຫວເລິກ ແລະ ແມ່ນໍ້າ ເມື່ອເຖິງລະດູໜາວ ບໍລິເວນຂົວຈຶ່ງປົກຄຸມໄປດ້ວຍໝອກໜາເໝືອນກັບເປັນຂົວທີ່ສ້າງຢູ່ເທິ່ງທະເລໝອກອັນສວຍສົດງົດງາມ.

ຂົວແຫ່ງນີ້ທາສີດ້ວຍສີແດງ ຖືເປັນສີມົງຄຸນຂອງຄົນຈີນ ແລະ ຍັງເປັນສີທີ່ຕັດກັນໄດ້ດີ ກັບສີຂຽວຂອງພູ ຫຼື ເວລາທີ່ມີຂີ້ເຝື້ອລອຍຜ່ານ ສະເພາະສີແດງກໍຍັງໂດດເດັ່ນ ໂດຍຂົວມີຄວາມສູງສູງກວ່າລະດັບໜ້ານໍ້າ 565 ແມັດ.

ຖືວ່າເປັນສະຖານທີ່ອີກແຫ່ງໜຶ່ງທີ່ມີຄວາມທ້າທາຍ ແລະ ງົດງາມຫຼາຍ ເຊິ່ງສະຖານທີ່ແຫ່ງນີ້ກໍຢູ່ບໍ່ໄກຈາກປະເທດເຮົາປານໃດ ຖ້າທ່ານໃດມີໂອກາດໄດ້ໄປທ່ຽວທີ່ປະເທດຈີນກໍຢ່າລືມໄປສະຖານທີ່ແຫ່ງນີ້ລອງເບິ່ງ ຮັບຮອງວ່າທ່ານຈະເຫັນຄວາມງົດງາມຂອງທໍາມະຊາດທ່າມກາງເມກໝອກທີ່ທ່ານຈະບໍ່ມີວັນລືມ

ບົດຄວາມແນະນໍາ

ສະແດງຄວາມຄິດເຫັນ