Senglao content (728×90)

ປະໂຫຍດຂອງໝາກໃສ່ທີ່ທ່ານຄວນຮູ້

 

  1. ລະລາຍກ້ອນໜິ້ວໃນໝາກໄຂ່ຫຼັງ

ຈະຊ່ວຍລະລາຍກ້ອນໜິ້ວໃນໝາກໄຂ່ຫຼັງໄດ້ໂດຍທຳມະຊາດ ນອກຈາກນີ້ຍັງຊ່ວຍຫຼຸດກົດທີ່ເຮັດໃຫ້ເກີດກ້ອນໜິ້ວໄດ້ອີກດ້ວຍ ພຽງແຕ່ທ່ານກິນໝາກຜັກໄສ່ສົດ ຫຼືຕົ້ມກິນນໍ້າເປັນປະຈຳທ່ານຈະຮູ້ສຶກເບົາຕົນໂຕ ຮູ້ສຶກສະບາຍ ແລະ ດີຕໍ່ໝາກໄຂ່ຫຼັງຂອງ

ທ່ານອີກດ້ວຍ.

  1. ຮັກສາພະຍາດເບົາຫວານ

ມີຄຸນປະໂຫຍດຫຼາຍຈະຊ່ວຍຫຼຸດລະດັບນໍ້າຕານໃນເລືຶອດ ພຽງແຕ່ທ່ານກິນສົດ ຫຼື ຕົ້ມດື່ມນໍ້າທຸກມື້ໆລະ 1 ຈອກ ຈະຊ່ວຍໃຫ້ເຫັນຜົນສຸຂະພາບກັບມາແຂງແຮງ ແລະ ທີ່ສຳຄັນຄວນໝັ່ນກວດລະດັບນໍ້າຕານໃນເລືອດ ແລະ ຄວນກິນຢາຕາມທີ່ແພດສັ່ງຄວບຄູ່ກັນໄປຈະດີທີ່ສຸດ.

  1. ຫຼຸດລະດັບໄຂມັນ

ມີປະໂຫຍດຢ່າງດີເລີດສາມາດຫຼຸດຄວາມສ່ຽງຈາກການເປັນພະຍາດຫົວໃຈ ແລະ ພະຍາດຫຼອດເລືອດໃນສະໝອງ ເໝາະສຳລັບທ່ານທີ່ຕ້ອງການຄວບຄຸມລະດັບໄຂມັນທີ່ເປັນຄວາມສ່ຽງຕໍ່ພະຍາດຮ້າຍຕ່າງໆ.

  1. ຕ້ານມະເຮັງຕັບ

ໜຶ່ງໃນປະໂຫຍດຂອງໝາກຜັກໄສ່ກໍຄືສາມາດຕ້ານພະຍາດມະເຮັງ , ຂັດຂວາງການຈະເລີນເຕີບໂຕຂອງເຊວມະເຮັງຕັບອ່ອນ ນອກຈາກນີ້ຍັງມີຕໍ່ຕ້ານເຊວມະເຮັງໃນຕັບ ລໍາໃສ້ໃຫ່ຍ ເຕົ້ານົມ ແລະຕ່ອມອັນທະອີກດ້ວຍ.

  1. ຮັກສາຜິວໜັງ

ບໍ່ວ່າຈະເປັນອາຫານ ເຄື່ອງດື່ມ ທີ່ໄດ້ມາຈາກໝາກຜັກໄສ່ຈະມີຜົນດີຕໍ່ຜິວໜັງຂອງຄົນເຮົາ ເມື່ອກິນເປັນປະຈຳຜິວໜັງຂອງຄົນເຮົາກໍຈະດີຂຶ້ນ ມີປະໂຫຍດຊ່ວຍຢຸດການເກີດຕຸ່ມ ສິວ ກາກ ເຮື້ອນ ອີກທັງຍັງຊ່ວຍປ້ອງກັນການເກີດມະເຮັງຜິວໜັງ, ທ່ານໃດທີ່ກຳລັງມີບັນຫາດ້ານຜິວໜັງລອງກິນໝາກຜັກໄສ່ ຫຼືຈະນຳມາປຸງແຕ່ງເປັນອາຫານຈະຊ່ວຍບັນເທົາອາການ ແລະປັບສົມດຸນໃຫ້ຜິວໜັງຂອງເຮົາກັບມານຽນດັ່ງເດີມ.

  1. ຊ່ວຍຫຼຸດນໍ້າໜັກ

ມີໄຍອາຫານສູງບໍ່ຕ່າງຈາກຜັກອື່ນໆ ແລະ ມີປະໂຫຍດທາງໂພສະນາການສູງຈຶ່ງມີປະໂຫຍດມະຫາສານໃນການຫຼຸດນໍ້າໜັກແລະບຳລຸງຮ່າງກາຍ.

  1. ຊ່ວຍລ້າງສານພິດໃນຕັບ

ນໍ້າຂອງໝາກຜັກໄສ່ຈະຊ່ວຍໃນເລື່ອງຂອງການຍ່ອຍອາຫານ ປັບປຸງການເຮັດວຽກຂອງຖົງນໍ້າບີ ຫຼຸດອາການບວມ ພະຍາດຕັບແຂງ ພະຍາດຕັບອັກເສບ ແລະອາການທ້ອງອືດ ທ່ານສາມາດບັນເທົາອາການເຫຼົ່ານີ້ໄດ້ໂດຍການນໍາໄປຕົ້ມດື່ມເປັນປະຈຳ ຄວນດື່ມຢ່າງໜ້ອຍມື້ລະເທື່ອຈະຊ່ວຍໃນເລື່ອງຂອງນໍ້າໜັກ ແລະບັນເທົາອາການເກີດແກ໊ດໃນລຳໄສ້.

8.   ຍ່ອຍຄາໂບໄຮເດຼດ(Carbohydrate)

ສຳລັບທ່ານໃດທີ່ເປັນເບົາຫວານປະເພດ 2 ໂດຍຄາໂບໄຮເດຼດຈະປ່ຽນເປັນນໍ້າຕານ ແລະໝາກຜັກໄສ່ກໍຈະໄປເຜົາຜານນໍ້າຕານໃນຮ່າງກາຍເຮົາອີກເທື່ອໜຶ່ງ ເພາະຖ້າເມື່ອຄາໂບໄຮເດຼດໄດ້ຮັບການເຜົາຜານໄວເທົ່າໄດກໍໝາຍຄວາມວ່າໄຂມັນກໍຈະຖືກກຳຈັດອອກຈາກຮ່າງກາຍເຮົາຫຼາຍເທົ່ານັ້ນ.

  1. ແຫຼ່ງລວມຂອງວິຕາມິນ K

ວິຕາມິນK ມີປະໂຫຍດຕໍ່ຮ່າງກາຍຊ່ວຍເສີມສ້າງກະດູກ ປ້ອງກັນການອຸດຕັນຂອງເສັ້ນເລືອດ ແລະສາມາດຕ້ານການອັກເສບ ອາການເຈັບປວດແລະອັກເສບຈາກໄຂຂໍ້ກະດູກເຊິ່ງການກິນໝາກຜັກໄສ່ຈະສາມາດຊ່ວຍທ່ານໄດ້ແລະທີ່ສຳຄັນຍັງເປັນແຫຼ່ງອາຫານຊັ້ນດີອີກດ້ວຍ.

  1. ເພີ່ມພູມຄຸ້ມກັນ

ລະບົບພູມຄຸ້ມກັນທີ່ດີມີຄວາມສຳຄັນໃນການກຳຈັດເຊື້ອພະຍາດ ແລະການຕິດເຊື້ອທີ່ຈະເກີດຂຶ້ນ ການກິນໝາກຜັກໄສ່ສາມາດຊ່ວຍໃນເລື່ອງສຸຂະພາບໄດ້ໂດຍການຢຸດຍັ້ງຫຼືປ້ອງກັນພະຍາດຫວັດໄດ້ ຍັງມີຜຢນດີຕໍ່ລະບົບທາງເດີນອາຫານ ອີກທັງຍັງປ້ອງກັນການແພ້ອາຫານແລະການຕິດເຊື້ອພະຍາດຕ່າງໆ ປະໂຫຍດອີກຢ່າງໜຶ່ງກໍຄືຊ່ວຍບັນເທົາອາການກົດໄຫຼຍ້ອນແລະອາຫານບໍ່ຍ່ອຍໄດ້ເປັນຢ່າງດີ.

ສະແດງຄຳຄິດເຫັນ