Senglao content (728×90)

ສຸພາພອນ ສົມວິຈິດ (ນຸ້ຍ) MISS UNIVERSE LAOS ຄົນທຳອິດ

ໃນຄໍ່າຄືນຂອງວັນທີ 26 ສິງຫາ 2017 ທີ່ຜ່ານມາ ຢູ່ທີ່ ຫໍປະຊຸມແຫ່ງຊາດ (ຫຼັກ 5 ) ນະຄອນຫຼວງວຽງຈັນ. ໄດ້ຈັດການປະກວດ Miss Universe Laos 2017 ຄັ້ງທຳອິດຂຶ້ນໃນປະເທດລາວ,  ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊະມູນຕີ ຮອງລັດຖະມົນຕີກະຊວງຖະແຫຼງຂ່າວ,​ວັດທະນະທຳ ແລະ ທ່ອງທ່ຽວ, ໂດຍການເປັນປະທານຂອງທ່ານ ຫົງຄຳ ສຸວັນນະວົງ ປະທານ ບໍລິສັດ ໂທລະພາບ ທີວີ ລາວ ແລະ ທັງເປັນປະທານຈັດງານໂຄງການປະກວດ Miss Universe Laos 2017. ສຳລັບຜົນຂອງການປະກວດ ສາວງາມຜູ້ທີ່ສາມາດຄວ້າຕຳແໜ່ງອັນຊົງກຽດນີ້ໄປຄອງນັ້ນກໍຄື: ສຸພາພອນ ສົມວິຈິດ (ນຸ້ຍ) ອາຍຸ 20 ປີ ໝາຍເລກ MUL3 ໄດ້ເປັນ Miss Universe Laos 2017 ຫຼື ນາງງາມຈັກກະວານລາວຄົນທຳອິດ ແລະ ຍັງຈະໄດ້ເປັນຕົວແທນແມ່ຍິງລາວໄປປະກວດໃນເວທີລະດັບສາກົນອີກດ້ວຍ.  ແລະ ຍັງບໍ່ໝົດເພາະ ນຸ້ຍ ສຸພາພອນ ຍັງຄວ້າອີກ 2 ຕຳແໜ່ງນັ້ນກໍຄື: “Miss Elegance”  ແລະ “Miss Best Personality”  ຖືວ່າເວທີນີ້ຄວ້າໄປເຖິງ 3 ລາງວັນກັນເລີຍ!!!

ສຳລັບ ຮອງ Miss Universe Laos ອັນດັບ 1: MUL9 ອອນອານົງ ຫອມສົມບັດ (ອອນ) ອາຍຸ 22 ປີ

ຮອງອັນດັບ 2: MUL5 ວາລິສະລາ ຕັງສຸວັນ (ເມ) ອາຍຸ 27 ປີ

ຮອງອັນດັບ 3: MUL1 ສຸກສະຫວັນ ຫຼວງລາດ ອາຍຸ 23 ປີ

ຮອງອັນດັບ 4: MUL6 ມາລິຊ່າ ສີດາຈັນ (ມ່າຊ່າ) ອາຍຸ 24 ປີ

ຂໍຂອບໃຈສຳລັບຮູບພາບບາງສ່ວນຈາກ: Miss Universe Laos

 

 

ສະແດງຄຳຄິດເຫັນ