ພິທີເປີດທະນາຄານ ໄຊງ່ອນ-ຮ່າໂນ້ຍ ລາວ ຈຳກັດ

ທະນາຄານ ​ໄຊ​ງ່ອນ-​ຮ່າ​ໂນ້ຍ ລາວ ຈຳກັດ (SHB) ​ໄດ້​ໄຂ​ຂຶ້ນ​ຢ່າງ​ເປັນ​ທາງ​ການ ​​ໃນ ສປປ ລາວ ​ໃນ​ວັນ​ທີ 15 ມັງກອນ 2016 ຢູ່​ທີ່​ຖະໜົນ​ລ້ານ​ຊ້າງ, ບ້ານ​ຫັດສະດີ, ​ເມືອງ​ຈັນທະ​ບູລີ, ນະຄອນຫຼວງ​ວຽງ​ຈັນ. ພິທີ​ເປີດ​ໄດ້​ຮັບ​ກຽດ​ເຂົ້າ​ຮ່ວມ​ງານ​ຈາກ​ຜູ້​ຕ່າງ​ໜ້າການ​ນຳ​ລັດຖະບານ​ລາວ ​ແລະ ຫວຽດນາມ, ມີ​ບັນດາ​ລູກ​ຄ້າ, ຜູ້​ຮ່ວມ​ງານ ​ແລະ ພະນັກງານ SHB ລາວ​ເຂົ້າ​ຮ່ວມ. SHB ​​ເປັນ​ທະນາຄານ​​ເຕັມ​ຮູບ​ແບບ​ທີ່​ລົງທຶນ 100% ຢູ່ ສປປ ລາວ, ດ້ວຍ​ທຶນ​ລົງທະບຽນ 50 ລ້ານ​ໂດ​ລາ​ສະຫະລັດ. ຈະ​ເຄື່ອນ​ໄຫວ​ເປັນ​ຢ່າງ​ດີທາງ​ດ້ານ​ການ​ເງິນ-​ການທະນາຄານ ຕາມ​ລະບຽບ​ກົດ​ໝາຍ​ແຫ່ງ ສປປ ລາວ ​ເພື່ອ​ຕອບສະໜອງ​ການ​ບໍລິການ, ຜະລິດ​ຕະພັນ​ຫຼາຍ​ຮູບ​ແບບ​ຕາມຄວາມ​ຕ້ອງການ​ນຳ​ໃຊ້​ບໍລິການ​ຂອງ​ບັນດາ​ລູກ​ຄ້າ​ທີ່​ເປັນ​ວິ​ສາຫະກິດ, ລູກ​ຄ້າ​ສ່ວນ​ບຸກຄົນ​ຢູ່​ໃນລາວ ກໍ​ຄື​ບັນດາ​ວິ​ສາ​ຫະກິດ​ຫວຽດນາມ​ທີ່​ລົງທຶນ​ຢູ່​ໃນລາວ. ພ້ອມ​ກັນ​ນັ້ນ, ກໍ​ຈະ​ຂຸດ​ຄົ້ນ​ທ່າ​ແຮງ​ທ່ອງ​ຕະຫຼາດ​ຂອງ​ລາວ, ສ້າງ​ວຽກ​ເຮັດ​ງານ​ທຳ​ໃຫ້​ຜູ້​ອອກ​ແຮງ​ງານ​ໃນ​ທ່ອງ​ຖິ່ນ, ປະກອບສ່ວນ​ຊຸກຍູ້​ສາຍ​ພົວພັນ​ເສດ​ຖະກິດ​ລະຫວ່າງ ຫວຽດນາມ ​ແລະ ລາວ ​ໃຫ້​ເຂັ້ມ​ແຂງ.

ບົດຄວາມແນະນໍາ

ສະແດງຄວາມຄິດເຫັນ