Senglao content (728×90)

ລາວຈະເປັນໝໍ້ໄຟອາຊຽນ-ແຕ່ປະຊາຊົນເສຍຄ່າໄຟຟ້າແພງ.

ຕາມຄາດໝາຍ​ຂອງ​ລັດຖະບານ​ວາງໄວ້ເຖິງປີ 2020 ແມ່ນສະໜອງ​ໄຟຟ້າ​ໃຫ້​ປະຊາຊົນ​ບັນດ​າ​ເຜົ່າຊົມໃຊ້​ໃຫ້​ໄດ້ 90% ຂອງ​ຈຳນວນ​ຄອບຄົວ​ທັງ​ໝົດ​ໃນ​ທົ່ວ​ປະ​ເທດ ແລະ ປັດຈຸບັນທົ່ວປະເທດໄດ້ໃຊ້ໄຟຟ້າຖາວອນ 148 ເມືອງ, ພ້ອມທັງວາງຄາດໝາຍເຮັດໃຫ້ ສປປ ລາວ ກາຍເປັນໝໍ້ໄຟແຫ່ງອາຊຽນໃນອະນາຄົດ.

ໃນບົດລາຍງານຂອງຄະນະ​ກວດກາ​ກະຊວງ​ພະລັງ​ງານ ແລະ ບໍ່​ແຮ່ ຕໍ່ກອງ​ປະຊຸມ​ວຽກ​ງານ​ກວດກາ ປະຈຳ​ປີ 2016 ເມື່ອ​ວັນ​ທີ 28 ກຸມພາ 2017 ເຫັນວ່າການ​ນຳ​ເຂົ້າ​ກະແສ​ໄຟຟ້າ​ຈາກ​ປະເທດ​ໄທ ຫວຽດນາມ ແລະ ຈີນ ໃນ​ສົກ​ປີ 2015-2016 ສາມາດ​ບັນລຸ​ໄດ້ 965,3 ລ້ານ​ກິ​ໂລ​ວັດ​ໂມງ ທຽບໃສ່​ສົກ​ປີຜ່ານມາ​ຫຼຸດ​ລົງ 42,3% ການ​ສະໜອງ​ພະລັງງານ​ພາຍໃນ​ປະເທດ 4.221,3 ລ້ານ​ກິ​ໂລວັດ​ໂມງ ມີມູນ​ຄ່າ 374,7 ລ້ານໂດ​ລາ ທ່ຽບ​ໃສ່​ສົກ​ປີຜ່ານມາ ເພີ່ມ​ຂຶ້ນ 12% ແລະ ຊຶ່ງໄດ້​ປະກອບສ່ວນ​ເຂົ້າ​ໃນ​ການ​ພັດທະນາຂະແໜງ​ການຕ່າງໆ​ໃຫ້​ມີ​ການ​ຂະຫຍາຍຕົວຢ່າງ​ຕໍ່​ເນື່ອງ.

ເພື່ອບັນລຸເປົ້າໝາຍກາຍເປັນໝໍ້ໄຟແຫ່ງອາຊຽນ ສປປ ລາວ ເລັ່ງພັດທະນາພະລັງງານໄຟຟ້າ100 ແຫ່ງ,ມີກໍາລັງ​ຕິດ​ຕັ້ງ 13.000 ກວ່າເມ​ກາ​ວັດ ພາຍໃນ 2020 ຂະນະທີ່ປັດຈຸ​ບັນ​ມີ​ເຂື່ອນ​ຜະລິດ​ພະລັງງານ​ໄຟຟ້າ 46 ​ແຫ່ງ,ມີກໍາລັງຕິດຕັ້ງ 6.000 ກວ່າ​ເມ​ກາ​ວັດ. ພ້ອມທັງວາງຄາດໝາຍຈະສົ່ງອອກຕ່າງປະເທດ 85% ເພື່ອນໍາເງິນຕາຕ່າງປະເທດ ມາແກ້ໄຂຄວາມທຸກຍາກຕາມນະໂຍບາຍຂອງພັກ-ລັດຖະບານ ໃນການນໍາພາປະເທດຫຼຸດພົ້ນອອກຈາກປະເທດດ້ອຍພັດທະນາ.

ກະຊວງພະລັງງານ ແລະ ບໍ່ແຮ່ ໄດ້ຈັດກອງ​ປະຊຸມ​ລະດົມ ​ຄວາມ​ຄິດ​ໃສ່​ຮ່າງ​ນະ​ໂຍບາຍ​ ແຜນ​ພະລັງງານ ຂອງ ສປປ ລາວ ​​ໃນ​ວັນ​ທີ 4 ກໍລະກົດ​ 2017 ໂດຍ​ໃຫ້ກຽດເປັນປະທານຂອງ ​ທ່ານ ຄຳ​ມະນີ ​ອິນ​ທິລາດ ລັດຖະມົນຕີ​ກະຊວງ​ພະລັງງານ  ​ແລະ ບໍ່​ແຮ່ , ທ່ານຍົກໃຫ້ເຫັນວ່າ: ສປປ ລາວ ​ໄດ້​ຮັບ​ຜົນສຳ​ເລັດ​ການ​ພັດທະນາ​ອຸດສາຫະກຳ​ພະລັງງານ​ໄຟຟ້າ ​ໂດຍ​ສະ​ເພາະ​ແມ່ນ​ໄລຍະ​ 10 ກວ່າ​ປີຜ່ານມາ​ ໄດ້​ຂະຫຍາຍຕົວ​ຢ່າງ​ກ້າວກະ​ໂດດແບບ​ທີ່​ບໍ່​ເຄີຍ​ມີ​ມາ​ກ່ອນ ພ້ອມນີ້ຍັງມີ 54 ​ໂຄງການ​ທີ່​ກຳລັງ​ດຳ​ເນີນ​ການ​ກໍ່ສ້າງ ​ແລະ ກຳລັງ​ຈະ​ລົງມື​ກໍ່ສ້າງ​ຄາດ​ວ່າ​ຮອດ​ປີ 2020 ຈະ​ໃຫ້​ສຳ​ເລັດ​ທັງ​ໝົດ, ​ມີ​ກຳລັງ​ຕິດ​ຕັ້ງ​ປະມານ 13.000 ກວ່າ​ເມ​ກາ​ວັດໃນ​ນັ້ນ 85% ​ແມ່ນ​ສົ່ງ​ອອກ​ໄປ​ຕ່າງປະ​ເທດ.
ຜົນສຳ​ເລັດ​ດັ່ງກ່າວ​ ໄດ້​ນຳ​ຜົນ​ປະ​ໂຫຍ​ດອັນ​ສຳຄັນ​ມາສູ່ ສປປ ລາວ, ​ໃນ​ນັ້ນ, ຜົນ​ປະ​ໂຫຍ​ດດ້ານ​ການ​ເງິນ ​ທີ່​ໄດ້​ຈາກ​ໂຄງການ​ໂດຍ​ກົງ​ ເຊິ່ງ​ໄລຍະ​ສຳ​ປະທານ ​ແມ່ນຈະ​ໄດ້​ຮັບຈາກຄ່າ​ພາກ​ຫຼວງ, ອາກອນ ​ແລະ ​ເງິນ​ປັນ​ຜົນ (ສຳລັບ​ໂຄງການ​ທີ່​ລັດຖະບານ​ຖື​ຫຸ້ນ​ນຳ) ​ແລະ ຫຼັງ​ຈາກ​ທີ່​ໝົດ​ອາຍຸ​ສຳ​ປະທານ ​ແລ້ວ​ຊັບ​ສິນ  ​ແລະ ການ​ດຳ​ເນີນ​ທຸລະ​ກິດ​ທັງ​ໝົດຈະ​ຕົກ​ເປັນ​ຂອງ​ລັດຖະບານ 100%.

ອີງຕາມລາຍງານຂອງລັດວິສາຫະກິດໄຟຟ້າລາວ ລະບຸວ່າ:ການຊົມໃຊ້ພະລັງງານໄຟຟ້າສູງສຸດໃນທົ່ວປະເທດໃນປີ 2015 ຢູ່ທີ່ລະດັບ 989 ເມກະວັດເພີ່ມຂຶ້ນເປັນ 1.180 ເມກະວັດໃນປີ 2016 ເພີ່ມຂຶ້ນເປັນ 20%,ແຕ່ສຳລັບໃນປີ 2017 ນີ້ຄວາມຕ້ອງການຊົມໃຊ້ໄຟຟ້າໃນປະເທດຈະເພີ່ມຂຶ້ນເປັນ 1.579 ເມກະວັດສະເລ່ຍເພີ່ມຂຶ້ນ 60% ທຽບໃສ່ປີ 2015 ຫຼື ເກີນກວ່າ 33% ທຽບໃສ່ປີ 2016 ໂດຍພາຍໃຕ້ສະພາບການດັ່ງກ່າວນີ້ຍັງເຮັດໃຫ້ຄາດໝາຍໄດ້ວ່າ ການຊົມໃຊ້ໄຟຟ້າໃນຍັງຈະເພີ່ມຂຶ້ນເປັນ 2.862 ເມກະວັດໃນປີ 2020 ແລະ 7.093 ເມກະວັດໃນປີ 2030 ໂດຍໃນປັດຈຸບັນນີ້ ລາວ ມີແຫຼ່ງຜະລິດໄຟຟ້າດ້ວຍພະລັງງານນໍ້າ 41ແຫ່ງ ແລະ ໂຮງຜະລິດໄຟຟ້າດ້ວຍພະລັງງານຄວາມຮ້ອນຈາກຖ່ານລິກໄນ 1 ແຫ່ງ ມີກຳລັງຕິດຕັ້ງລວມ 6.300 ເມກະວັດ, ສາມາດຜະລິດກະແສໄຟຟ້າໄດ້ 33.315 ລ້ານກິໂລວັດ/ໂມງຕໍ່ປີເພີ່ມຂຶ້ນເຖິງ 200 ເທົ່າ ທຽບໃສ່ປີ 1975 ທັງກໍຍັງປະກອບສ່ວນຢ່າງສຳຄັນເຂົ້າໃນການະພັດທະນາເສດຖະກິດໃຫ້ຂະຫຍາຍຕົວໃນອັດຕາສະເລ່ຍ 7% ອີກດ້ວຍ.           ໃນປີ 2020 ຄາດວ່າຈະສາມາດບັນລຸເປົ້າໝາຍດັ່ງກ່າວໄດ້ຢ່າງເປັນຮູບປະທຳ ເພາະທາງການລາວ ທັງຂັ້ນສູນກາງ ແລະ ທ້ອງຖິ່ນ ໄດ້ລົງນາມໃນບັນທຶກຄວາມເຂົ້າໃຈຮ່ວມກັບບໍລິສັດເອກະຊົນ ລາວ ແລະ ຕ່າງປະເທດ ກ່ຽວກັບການພັດທະນາແຫຼ່ງພະລັງງານໄຟຟ້າໄປແລ້ວ 357 ໂຄງການ ມີກຳລັງຕິດຕັ້ງລວມ 26.147 ເມກະວັດ ແລະ ຜະລິດກະແສໄຟຟ້າໄດ້ລວມກັນເຖິງ 115.118 ລ້ານກິໂລວັດ/ໂມງຕໍ່ປີ.ໂດຍລັດຖະບານ ສປປລາວ ໄດ້ວາງເປົ້າໝາຍໄວ້ວ່າເຖິງປີ 2020 ຈະມີເຂື່ອນໄຟຟ້າທີ່ກໍ່ສ້າງແລ້ວສຳເລັດເພີ່ມຂຶ້ນອີກ 48 ໂຄງການ ຊຶ່ງຈະເຮັດໃຫ້ມີແຫຼ່ງຜະລິດພະລັງງານໄຟຟ້າເປັນ 90 ໂຄງການ ທີ່ມີກຳລັງຕິດຕັ້ງລວມ 14.000 ເມກະວັດທີ່ຜະລິດກະແສໄຟຟ້າໄດ້ເຖິງ 70.000 ລ້ານກິໂລວັດ/ໂມງຕໍ່ປີໃນປີ 2020, ຖືເປັນບາດກ້າວສຳຄັນຂອງການພັດທະນາ ສປປ ລາວໃຫ້ເປັນຜູ້ສົ່ງອອກພະລັງງານໄຟຟ້າລາຍໃຫຍ່ ກໍຄືການເປັນໝໍ້ໄຟຟ້າຂອງອາຊຽນ ໃນອະນາຄົດ.

ນັ້ນຄືເປົ້າໝາຍຂອງລັດຖະບານເພື່ອຈະໃຫ້ບັນລຸການເປັນໝໍ້ໄຟແຫ່ງອາຊຽນ,ໃນຂະນະທີ່ ຜູ້ບໍລິໂພກພາຍໃນ ຍັງຈົ່ມວ່າຄ່າໃຊ້ຈ່າຍສໍາລັບກະແສໄຟຟ້າໃນຄອບຄົວມີລາຄາແພງ ຖ້າສົມທຽບກັບລາຍຮັບ ແລະ ຊີວິດການເປັນຢູ່ຂອງປະຊາຊົນໂດຍລວມ ທັງໆເປັນຜູ້ຜະລິດເອງ.

ດັ່ງນັ້ນບັນຫາການຈ່າຍຄ່າໄຟຟ້າມີຕົວເລກສູງຂຶ້ນທຸກເດືອນ ທັງທີ່ການຊົມໃຊ້ຍັງເທົ່າເກົ່າຂອງປະຊາຊົນໃນເຂດນະຄອນຫຼວງວຽງຈັນນັ້ນຖືວ່າຍັງເປັນກະແສຈົນຮອດປັດຈຸບັນ,ບາງກະແສກໍອ້າງວ່າເປັນຍ້ອນພະນັກງານຈົດໃບບິນບໍ່ມີຄວາມຮັບຜິດຊອບ,ເປັນຍ້ອນໝໍ້ນັບໄຟຟ້າບໍ່ຮັບປະກັນເຮັດໃຫ້ກະແສໄຟຮົ່ວໄຫຼ,ເປັນຍ້ອນໄຟຟ້າຂຶ້ນລາຄາສູງໂພດ ແລະ ຕ່າງໆນາໆ ໂດຍສະເພາະໃນປີ 2016 ກະແສວິພາກວິຈານກັນໃນສື່ສັງຄົມອອນໄລ໌ແມ່ນຮຸນແຮງສົມຄວນກ່ຽວກັບມີບາງເຮືອນຕ້ອງຈ່າຍຄ່າໄຟຟ້າສູງເຖິງ 3-5 ເທົ່າຕົວທັງທີ່ການຊົມໃຊ້ຍັງເທົ່າເກົ່າ.

ເພື່ອຄວາມກະຈ່າງແຈ້ງຂອງບັນຫາພວກເຮົາມາວິເຄາະນໍາກັນວ່າມັນແມ່ນສາເຫດໃດແທ້,ອີງຕາມແຈ້ງການຂອງທ່ານ ສຸລິວົງ ດາລາວົງ ລັດຖະມົນຕີກະຊວງພະລັງງານ ແລະ ບໍ່ແຮ່ ສະບັບເລກທີ 0325/ພບ ລົງວັນທີ 9 ມີນາ 2012 ເຖິງທ່ານ ຜູ້ອໍານວຍການໃຫຍ່ລັດວິສາຫະກິດໄຟຟ້າລາວ ເລື່ອງປັບປຸງຄ່າໄຟຟ້າໃໝ່ ໂດຍອີງໃສ່ມະຕິຕົກລົງຂອງກອງປະຊຸມລັດຖະບານສະໄໝສາມັນ ປະຈໍາເດືອນ ກຸມພາ 2012 ສະບັບເລກທີ 03/ລບ ລົງວັນທີ 5 ມີນາ 2012 ກ່ຽວກັບນະໂຍບາຍລາຄາໄຟຟ້າ ແຕ່ເດືອນ ມີນາ 2012 ຈົນຮອດເດືອນ ທັນວາ 2017 ຕາມປະເພດຜູ້ຊົມໃຊ້ຕ່າງໆ.ໂດຍໄດ້ກໍານົດໃນໝາຍເຫດວ່າ: ແຕ່ລະປີເພີ່ມຂຶ້ນ 2% ພ້ອມທັງລະບຸວ່າອັດຕາລາຄານີ້ຍັງບໍ່ທັນລວມອາກອນມູນຄ່າເພີ່ມທີ່ກົດໝາຍກໍານົດ.

ທ່ານຄຳມະນີ ອິນທິລາດ ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່ ​ໄດ້​​ຖະ​ແຫຼ​ງຂ່າວໃນ​ໂອກາດ ທີ່​ໄດ້​ເຂົ້າ​ຮ່ວມ​ກອງ​ປະຊຸມ​ລັດຖະບານ ສະ​ໄໝສາມັນ ປະຈຳ​​ເດືອນ ພຶດສະພາ 2016 ​ລະຫວ່າງວັນ​ທີ 24-25 ຕໍ່​ກັບ​ຫາງ​ສຽງທີ່​ເກີດ​ຂຶ້ນ​ໃນ​ສັງຄົມກ່ຽວກັບ​ລາຄາ​ໄຟຟ້າ​ມີ​ການ​ປ່ຽນ​ແປງທ່ານ​​​ກ່າວ​ວ່າ:ໂດຍຈັດ​ຕັ້ງ​​ປະຕິບັດຕາມ​ແຈ້ງ​ການ​ລັດຖະບານສະບັບ​ເລກທີ 122 ລົງ​ວັນ​ທີ 19/1/2011 ​ເຊິ່ງອະນຸ​ມັດ​ໃຫ້​ລັດ​ວິ​ສາຫະ​ກິດ​ໄຟຟ້າ​ລາວຈັດ​ຕັ້ງ​ປະຕິບັດ​ລາຄາ​ໄຟຟ້າໂດຍ​ໄດ້​ອອກ​ແຈ້ງ​ການ​ວ່າ​ດ້ວຍ​​ໄຟຟ້າ​ລາວ​ສະບັບ​ປັບປຸງ ໝວດທີ 5 ມາດຕາ​ 47  ອັດ​ຕາລາຄາ​ໄຟຟ້າ​ສຳລັບ​ຜູ້​ຊົມ​​ໃ​ຊ້ທົ່ວ​ໄປ​ ໃນ​ນັ້ນ​ການ​ຊົມ​​ໃຊ້​ໄຟຟ້າມີ ຢູ່ 10 ປະ​ເພດ​ທົ່ວ​ໄປ ໄດ້​ວາງ​ອອກ​ເປັນ 3 ລາຄາ ຄື: ລາ​ຄາ​ເກື້ອ​ກູນ  0-25 ກິ​ໂລ​ວັດ​ໂມງ ນັບ​​ແຕ່ ປີ 2013-2017 ລາຄາ​ນີ້​ຈະ​ຂຶ້ນ​ພຽງ 7 ກີບ​ຕໍ່​ປີ ຫຼື ສະ​ເລ່ຍ 0,6 ກີບ​ຕໍ່​ເດືອນ​ ຖື​ວ່າ​ຕ່ຳ​ທີ່​ສຸດ, ລາຄາປະຢັດ 26-150 ກິ​ໂລ​ວັດ​ໂມງ 2013 ພວກ​ເຮົາ​ໄດ້​ເລີ່ມ 390 ກີບ ​ແລະ ຈະ​ຂຶ້ນ​ພຽງ​ແຕ່ 8 ກີບຕໍ່​ປີ, ​ແຕ່​ສຳລັບ​ຜູ້​ທີ່​​​ຊົມໃຊ້​ໄຟຟ້າ​ຫຼາຍ​ກວ່າ 150 ກິ​ໂລ​ວັດ​ໂມງ ​​ແມ່ນຈະ​ຕ້ອງ​ໄດ້​ຈ່າຍ​ຫຼາຍ​ຂຶ້ນ ສະ​ນັ້ນ ລາຄາ​ໃນ​ສະ​ພາບ​ປັດ​ຈຸ​ບັນນີ້​ມີ​ສະ​ຖຽນ​ລະ​ພາບ​ຢູ່​ແລ້ວ.

ເພື່ອຕອບຂໍ້ຂ້ອງໃຈຂອງມວນຊົນຊາວນະຄອນຫຼວງວຽງຈັນກ່ຽວກັບບັນຫາດັ່ງກ່າວ ທ່ານ ມີໄຊ ຈິດຕະລາດ ຫົວໜ້າຝ່າຍປະຕິບັດການໄຟຟ້ານະຄອນຫຼວງວຽງຈັນ, ລັດວິສາຫະກິດໄຟຟ້າລາວໄດ້ເປີດເຜີຍຢູ່ກອງປະຊຸມຖະແຫຼງຂ່າວເພື່ອຕອບຂໍ້ຂ້ອງໃຈໃນວັນທີ 24 ພຶດສະພາ 2016 ວ່າ: ຄາລາໄຟຟ້າປັບໂຕສູງຂຶ້ນ ຫຼື ຫຼຸດລົງນັ້ນມັນຂຶ້ນກັບຜູ້ຊົມໃຊ້ໜ້ອຍ ຫຼື ຫຼາຍເທົ່ານັ້ນ ຍົກຕົວຢ່າງ: ຕາມການຄິດໄລ່ກະແສໄຟຟ້າແມ່ນຄິດໄລ່ 3 ຂັ້ນຄື: ຖ້າໃຊ້ໄຟຟ້າໃນປະລິມານແຕ່ 0-25 ກິໂລວັດໂມງຈະເສຍ 348 ກີບຕໍ່ໜຶ່ງກິໂລວັດໂມງ; ໃຊ້ໄຟຟ້າໃນປະລິມານແຕ່ 26-150 ກິໂລວັດໂມງຈະເສຍ 414 ກີບຕໍ່ໜຶ່ງກິໂລວັດໂມງ ແລະ ໃຊ້ໄຟຟ້າໃນປະລິມານແຕ່ 151 ກິໂລວັດໂມງຈະເສຍ 999 ກີບຕໍ່ໜຶ່ງກິໂລວັດໂມງ ສະນັ້ນ ໃນເງື່ອນໄຂສະພາບອາກາດຮ້ອນບວກກັບມີອຸປະກອນຊົມໃຊ້ໄຟຟ້າໃນຄອບຄົວ, ສຳນັກງານ ແລະ ຫ້ອງການຫຼາຍເທົ່າໃດຍິ່ງເຮັດໃຫ້ມີການຊົມໃຊ້ໄຟຟ້າເພີ່ມຂຶ້ນຕາມລະດັບ.

ໃນເດືອນມີຖຸນາ ປະຊາຊົນລາວບັນດາເຜົ່າ,ພະນັກງານ,ທະຫານ,ຕໍາຫຼວດ ແລະ ຊັ້ນຄົນຕ່າງໆຕົບມືສະແດງຄວາມຊົມເຊີຍ ແລະ ດີໃຈຢ່າງລົ້ນເຫຼືອຕໍ່ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພາຍຫຼັງມີຄໍາສັ່ງເລກທີ 18/ນຍ ລົງວັນທີ 1 ມິຖຸນາ 2016 ຊຶ່ງມີເນື້ອໃນໂດຍສັງລວມວ່າ: ສະເໜີໃຫ້ກະຊວງກ່ຽວຂ້ອງອະທິບາຍຂໍ້ຜິດພາດກໍລະນີຄ່າແພງຜິດປົກກະຕິ-ສະແດງຈຸດຢືນຕໍ່ການພັດທະນາປະເທດ-ຖ້າພົບຜູ້ລະເມີດຕ້ອງໃສ່ວິໄນຕາມລະບຽບກົດໝາຍ-ສົ່ງເງິນຄືນ ຫຼື ຮັກສາຄ່າໄຟຟ້າໄວ້ຊໍາລະເດືອນຕໍ່ໄປ ແລະ ແກ້ໄຂບັນຫາດັ່ງກ່າວຮີບດ່ວນຮັບປະກັນບໍ່ໃຫ້ເກີດຂຶ້ນອີກໃຫ້ກະຊວງພະລັງງານ ແລະ ບໍ່ແຮ່ ຄົ້ນຄວ້າປັບປຸງລາຄາໄຟຟ້າຄືນໃໝ່ໃຫ້ສອດຄ່ອງກັບພື້ນຖານເສດຖະກິດ ແລະ ການພັດທະນາຕົວຈິງຂອງປະເທດ ແລ້ວນໍາສະເໜີຕໍ່ລັດຖະບານເພື່ອພິຈາລະນາ.

ຄວາມຄິດເຫັນຂອງຜູ້ຊົມໃຊ້ໄຟຟ້າ

  1. ນາງ ລັດສະໝີ ພະນັກງານສັງກັດລັດ ເມືອງແປກ ແຂວງຊຽງຂວາງມີຄວາມເຫັນວ່າ: ການທີ່ວ່າ ສປປ ລາວ ຈະເປັນໝໍ້ໄຟແຫ່ງອາຊຽນ ແລະ ມີນັກລົງທຶນມາສຳປະທານສ້າງເຂື່ອນໄຟຟ້າຂະໜາດໃຫຍ່ຫຼາຍເເຫ່ງກໍເປັນການດີສຳລັບປະເທດເຮົາໃນອະນາຄົດ. ຂ້າພະເຈົ້າເຫັນວ່າຄວນກະຈາຍໄຟຟ້າໄປເຂດທຸລະກັນດານໃນປະເທດຕົນໃຫ້ໄດ້ກ່ອນເເລ້ວຈິ່ງຂາຍອອກນອກປະເທດຈະດີກ່ອນ. ສຳລັບຕົນເອງ ຄ່າໄຟກັບຄ່ານ້ຳແມ່ນກວມລວມ 30% ຂອງເງິນເດືອນແລ້ວເຫັນວ່າສູງສົມຄວນ ຖ້າເປັນໄປໄດ້ກະຢາກໃຫ້ຫຼຸດລົງຕື່ມ.
  2. ນາງ ນຸດ ອາຈານສອນຢູ່ໂຮງຮຽນເອກະຊົນ ເຂດບ້ານ ນາທົ່ມ ເມືອງໄຊທານີ ນະຄອນຫຼວງວຽງຈັນມີຄວາມເຫັນວ່າ: ກ່ຽວກັບຄ່າໄຟຟ້າແມ່ນຢາກສະເໜີຖາມວ່າ: ລາວເຮົາເປັນເປັນຜູ້ຜະລິດ ແລະ ສົ່ງອອກຂາຍ ແຕ່ເປັນຫຍັງຄ່າໄຟຟ້າຍັງມີລາຄາແພງທຽບເທົ່າ ຫຼື ແພງກວ່າປະເທດທີ່ຊື້ໄຟຟ້າຈາກເຮົາ (ທຽບໃສ່ປະເທດເພື່ອນບ້ານ).

ສຳລັບການທີ່ວ່າ ສປປ ລາວ ຈະເປັນໝໍ້ໄຟແຫ່ງອາຊຽນ ຄຳນີ້ຟັງເບິ່ງແລ້ວຮູ້ສຶກດີເພາະປະຊາຊົນພາຍໃນປະເທດຄືຈະຊົມໃຊ້ໄຟຟ້າໄດ້ຢ່າງສະດວກສະບາຍ ແລະ ພຽງພໍກັບຄວາມຕ້ອງການເພາະເຮົາແມ່ນຜູ້ຜະລິດ ແລະ ສົ່ງອອກ, ແຕ່ຄວາມເປັນຈິງເປັນຫຍັງປະຊາຊົນຫຼາຍເຂດບໍ່ວ່າຈະເປັນເຂດຊົນນະບົດ ຫຼື ຕົວເມືອງຍັງຂາດໄຟຟ້າ ແລະ ບໍ່ມີໄຟຟ້າໃຊ້ພຽງພໍ…ຍັງມີປະກົດການໄຟຟ້າຕົກ ແລະ ດັບຍ້ອນໄຟຟ້າບໍ່ພຽງພໍໃຫ້ເຫັນເປັນປະຈຳ.ໃນສ່ວນນີ້ຢາກໃຫ້ທາງບໍລິສັດໄຟຟ້າລາວເອົາໃຈໃສ່ປັບປຸງຢ່າງຈິງຈັງ.

ສຳລັບຄອບຄົວຂ້າພະເຈົ້າຄ່ານ້ຳແມ່ນຖືວ່າປົກກະຕິ ສ່ວນຄ່າໄຟຟ້າຍັງເປັນບັນຫາຢູ່ຖ້າສະເລ່ຍລາຍຮັບຂອງຂ້າພະເຈົ້າທີ່ເປັນພຽງພະນັກງານເອກະຊົນມີເງິນເດືອນໂດຍສະເລ່ຍ 1.300.000 ກີບ ຄ່ານ້ຳ ແລະ ຄ່າໄຟແມ່ນກວມໄປຫຼາຍກວ່າ 10% ແລ້ວ.

  1. ປະຊາຊົນ ເມືອງ ປາກຊັນ ແຂວງ ບໍລິຄໍາໄຊ ຂໍສະຫງວນຊື່ມີຄວາມເຫັນວ່າ: ຄ່າໄຟຟ້າປີນີ້ເພີ່ມຂຶ້ນກວ່າປີຜ່ານມາຫຼາຍສົມຄວນ , ຢາກໃຫ້ຫຼຸດຄ່າໄຟຟ້າລົງຕື່ມ, ສ່ວນຄໍາຖາມທີ່ວ່າ: ທ່ານຄິດແນວໃດ? ກັບ ສປປ ລາວ ຈະເປັນໝໍ້ໄຟແຫ່ງອາຊຽນ? ທີ່ມີນັກລົງທຶນຈາກຕ່າງຊາດເຂົ້າມາສຳປະທານສ້າງເຂື່ອນໄຟຟ້າຫຼາຍໃນບ້ານເຮົາ? ຂ້າພະເຈົ້າເຫັນວ່າມີສອງດ້ານຄື: ດ້ານດີກໍຄືເຮັດໃຫ້ປະເທດມີລາຍໄດ້ ດ້ານບໍ່ດີກໍຄືເຮັດໃຫ້ໄຟຟ້າໃນປະເທດບໍ່ພໍໃຊ້ຍ້ອນຂາຍໃຫ້ຕ່າງປະເທດຫຼາຍ. ສໍາລັບຄອບຄົວຂ້າພະເຈົ້າຄ່າໄຟຟ້າ ແລະ ນໍ້າປະປາ ກວມ 15% ຂອງລາຍຮັບ.
  2. 4. ທ່ານ ທອງສະລິດ ອາຍຸ 62 ປີ ພະນັກງານບໍານານ ບ້ານ ສະພັງເມິກ, ເມືອງໄຊທານີ, ນະຄອນຫຼວງວຽງຈັນ ມີຄວາມເຫັນວ່າ: ສຳລັບຕົນເອງຄິດວ່າກະສົມເຫດສົມຜົນ ເພາະວ່າຢູ່ເຮືອນຂອງຂ້າພະເຈົ້າກໍໃຊ້ໄຟຟ້າປົກກະຕິ ຂ້າພະເຈົ້າຄິດວ່າມັນຂຶ້ນກັບການໃຊ້ງານຂອງເຮົາເອງວ່າຈະປະຢັດໄດ້ເທົ່າໃດ,ສໍາລັບຄ່ານໍ້າຄ່າໄຟຟ້າ ຂອງຄອບຄົວຂ້າພະເຈົ້າແມ່ນກວມປະມານ 30% ຂອງເງິນເດືອນ.

    ຜົນກະທົບຄ່າໄຟໃນປີແລ້ວທີ່ມີການຂຶ້ນ 2-3 ທົບຈົນກາຍເປັນກະແສວິພາກວິຈານກັນໃນສື່ສັງຄົມອອນໄລ໌ ຂ້າພະເຈົ້າຄິດວ່າບັນຫາທີ່ເກີດຂຶ້ນນີ້ແມ່ນຈາກ ພະນັກງານຈົດກົງເຕີ້ຫຼາຍກວ່າທີ່ເຮັດວຽກບໍ່ມີຄວາມຮັບຜິດຊອບ, ຂີ້ຄ້ານມັກງ່າຍ ບາງຄັ້ງກໍຈົດຜິດພາດໄປໄລ່ຄ່າໄຟຜິດມາ, ຈຸດນີ້ບາງເທື່ອອາດຈະບໍ່ເປັນນໍາຍ້ອນປະຊາຊົນໃຊ້ໄຟເພາະໃຊ້ປົກກະຕິ.

ກ່ຽວກັບວ່າ ປະເທດລາວເຮົາຈະເປັນໝໍ້ໄຟແຫ່ງອາຊຽນ ແລະ ມີການມາລົງທຶນຂອງຄົນຕ່າງປະເທດຂ້າພະເຈົ້າເຫັນວ່າຈະເປັນການດີເຮັດໃຫ້ເສດຖະກິດລາວຍິ່ງຂະຫຍາຍຕົວ ເພາະເນື່ອງຈາກເຮົາກໍມີສັນຍານຳກັນເມື່ອໝົດສັນຍາ ເຂື່ອນດັ່ງກ່າວກໍຈະກາຍເປັນຂອງລັດເຮົາໃນອະນາຄົດ  ເມື່ອຮອດມື້ນັ້ນມາກໍຄິດວ່າລາວປະເທດລາວເຮົາກໍຈະກາຍເປັນໝໍ້ໄຟແຫ່ງອາຊຽນ. ສຳລັບເລື່ອງຜົນກະທົບແນ່ນອນວ່າມີຂໍ້ດີມາກໍຕ້ອງມີຂໍ້ເສຍຄຽງຄູ່ກັນໄປ ຈະສົ່ງຜົນກະທົບເຖິງພໍ່ແມ່ປະຊາຊົນທີ່ເຄີຍທຳມາຫາກິນໄດ້ຍ້າຍຖິ່ນຖານໄປຢູ່ບ່ອນໃໝ່, ມີຜົນກະທົບຕໍ່ສະພາບແວດລ້ອມ, ແຫຼ່ງທີ່ຢູ່ອາໄສຂອງສັດນໍ້າ ແລະ ສັດປ່າ.

ດັ່ງນັ້ນເທົ່າທີ່ທີມງານວາລະສານພວກເຮົາໄດ້ສະຫຼຸບສັງລວມແລ້ວເຫັນວ່າ: ເພື່ອແກ້ໄຂບັນຫາການເສຍຄ່າຊົມໃຊ້ໄຟຟ້າແພງຄວນມີການພິຈາລະນາອັດຕາການຊົມໃຊ້ໄຟຟ້າຄືນໃໝ່ໂດຍໃຫ້ປັບອັດຕາການຄູນຄືນໃໝ່ ເນື່ອງຈາກໂຕເລກແບບເກົ່າອາດບໍ່ເໝາະສົມກັບສະພາບຕົວຈິງໃນປັດຈຸບັນ ທີ່ແຕ່ລະຄອບຄົວມີເຄື່ອງໃຊ້ໄຟຟ້າຫຼາກຫຼາຍຂຶ້ນກວ່າແຕ່ກ່ອນ ແລະ ເຮັດໃຫ້ແຕ່ລະຫຼັງຄາເຮືອນມີການຊົມໃຊ້ສູງຂຶ້ນ.

ຕົວຢ່າງ:ຂອງປະເທດໄທເພິ່ນຈະຄິດໄລ່ແບບນີ້: 1-15 > 16-25 > 26-35 > 36-100 > 101-150 > 151-400 > 401 ຂຶ້ນໄປ ສັງເກດວ່າລາຄາແພງສຸດຈະເລີ່ມຈາກ 401 ຂຶ້ນໄປ.
ຕົວຢ່າງ:ຂອງຫວຽດນາມແມ່ນ: 0-50 > 51-100 > 101-200 > 201-300 > 301-400 > 401 ຂຶ້ນໄປ ຄ້າຍຄືໄທ ລາຄາແພງສຸດຈະເລີ່ມຈາກ 401 ຂຶ້ນໄປ.

ແຕ່ມາເບິ່ງຂອງລາວເຮົາ 0-25 > 26-150 > 151 ຂຶ້ນໄປ ຂອງເຮົາລາຄາແພງອັດຕາແພງສຸດມາເລີ່ມຈາກ 151 ຂຶ້ນໄປ ເບິ່ງແລ້ວບໍ່ເໝາະສົມປານໃດ.

(ວາລະສານ ທາເກັດ ສະບັບທີ 134 ເດືອນກັນຍາ  2017 ທ່ານສາມາດຊອກຊື້ອ່ານວາລະສານແຕ່ລະເດືອນໄດ້ຕາມ M Point Mart, Jeffy Mart ແລະ  U  Express  ຫຼື ສອບຖາມຈອງເປັນ ສະມາຊິກ ໄດ້ທີເບີ 021 216 666)

Laos to be the Battery of ASEAN,

but people still pay high electricity prices

Pursuant to the 2020 target set by the Government, they are aiming at increasing the electricity supply coverage to 90% of the total number of families throughout the country, with 148 districts currently having access to a permanent electricity supply. The Government also aims to transform the Lao PDR into the Battery of ASEAN in the future.

According to the report of the Ministry of Energy and Mines inspection committee which was reported in the 2016 annual inspection meeting held on February 28, 2017, it can be seen that electricity imports from Thailand, Vietnam, and China in the 2015–2016 fiscal year reached 965.3 million KWh, a decrease of 42.3% compared to the previous fiscal year. The country was able to supply 4,221.3 million KWh for domestic consumption, valued at 374.7 million USD, an increase of 12% compared to the previous fiscal year. This supply of energy has been used to contribute to the continuous development of each sector.

 

To achieve the target of becoming the Battery of ASEAN, the Lao PDR has accelerated the completion of the development of 100 power plants with more than 13,000 MWh installed capacity by 2020. In the meantime, there are 46 hydropower dams in operation with over 6,000 MWh installed capacity. The country also aims to export 85% of its total generated electricity in order to bring in foreign currency to address poverty, based on the Party-Government’s policy of graduating the country from least-developed-country status.

 

The Ministry of Energy and Mines organized a meeting on July 4, 2017 to brainstorm ideas about the draft energy policy plan of the Lao PDR. The meeting was presided over by Mr. Khammany Inthirath, Minister of Energy and Mines. The Minister said that the Lao PDR has achieved its planned development of the energy industry, especially during the past ten years, and that the sector has been expanding hugely like never before. In the meantime, there are 54 current projects, with some under construction and some waiting in line to be constructed. All of them are expected to be completed by 2020, giving Laos over 13,000 MWh installed capacity of which 85% will be exported.

 

Such an achievement brings the Lao PDR various vital benefits. There is a financial benefit gained directly from the projects in the forms of royalties, taxes, and dividends received during the concessional period (for projects in which the Government hold shares). After the concessional period, all the assets and business operations will belong 100% to the Government.

 

The EDL report reveals that the national peak load in 2015 of 989 MWh increased by 20% to 1,180 MWh in 2016. In 2017, the demand for domestic electrical consumption will go up to 1,579 MWh or an average rise of 60% when compared with 2015 or more than 33% when compared with 2016. In this context, it is estimated that electrical consumption will further increase to 2,862 MWh by 2020 and 7,093 MWh by 2030. Today, Laos has 41 hydropower plants and 1 thermal plant generating power from lignite coal with a total installed capacity of 6,300 MWh. The plants are able to generate 33,315 million KWh per year, a 200-fold increase compared to 1975, which has been used primarily to contribute to the 7% national economic growth. In 2020, the target will be clearly achieved since the Lao Government, from the central to local level, has entered into MOUs with both Lao and foreign private companies regarding the development of energy sources in the form of 357 projects. These projects will have a cumulative installed capacity of 26,147 MWh and generate up to 115,118 million KWh per year. Based on the Lao Government’s 2020 target, 48 hydropower dams will be completed, representing 90 projects in total with a cumulative installed capacity of 14,000 MWh and able to generate up to 70,000 million KWh per year by 2020. This is another important step for the Lao PDR in transforming itself into a major power exporter i.e. the Battery of ASEAN for the future.

 

This is the goal the Government wishes to achieve to become the Battery of ASEAN, but at the same time, domestic consumers are complaining about the high costs of household electricity considering their overall income and living conditions. Although Laos produces its own electricity, prices are still high.

 

As a result, the rising electricity expenditure every month at normal consumption levels for citizens of Vientiane Capital has now become a hot topic of discussion. Some blame electrical staff for lack of responsibility in their duties, low-quality electric counters resulting in the leakage of electricity current, electricity price that are too high and so on. In particular, the topic was intensely discussed within online society in 2016 when some households had to pay up to 3–5 times their usual electricity charge at normal levels of consumption.

 

For clarification, let us analyze the situation together to figure out the causes of this problem. According to the Notice of Mr. Soulivong Daravong, Minister of Energy and Mines, No. 0325/EM dated March 9, 2012 to the Managing Director of EDL regarding the re-adjustment of electricity prices and the resolution of the Government’s Ordinary Session in February 2012 No. 03/GO dated March 5, 2012 on the electricity price policy from March 2012 to December 2017 by consumer categories, it can be seen that the price has increased by 2% per year (excluding VAT) as defined by law.

 

Mr. Khammany Inthirath, Minister of Energy and Mines, held a press conference during the Government’s Ordinary Session held from May 24–25, 2016 to address the public concern over the price jump by explaining that EDL has been implementing the Government’s Notice No. 122 dated 19/1/2011 which authorizes it to set electricity prices as described in the amended Notice on Lao Electricity, Chapter 5, Article 47 on Electricity Rates for General Consumers. There are ten types of electrical consumption divided into three rates as follows: a generous rate for 0-25 KWh from 2013–2017 has been increased by 7 kip per year or 0.6 kip on average per month, which is very low; a saving rate for 26–150 KWh in 2013 which started at 390 kip and has been raised by 8 kip annually since then; and those who consume more than 150 KWh will pay more. Therefore, the electricity price set at the moment is considered stable.

 

To respond to the unanswered doubts of the people of Vientiane Capital about the problem, Mr. Mixay Chittalath, Director of the Vientiane Power Distribution Department, EDL, revealed at the press conference held on May 24, 2016 that the price difference depends on users’ consumption levels. For example, there three steps in the calculation based on electricity current: consumption from 0-25 KWh will be charged at 348 kip per KWh; consumption from 26–150 KWh will be charged at 414 per KWh; and consumption from 151 upward will be charged at 999 kip per KWh. Therefore, the hot climate combined with more electrical devices within family homes and offices can lead to higher consumption of electricity.

 

In June, Lao ethnic groups, soldiers, police, and people of all status praised and expressed their great happiness with Mr. Thongloun Sisoulith, Prime Minister of the Lao PDR, after he issued Order No. 18/PM dated June 1, 2016 proposing that the relevant ministries explain errors associated with the unusually high electricity charges, position their stand in the national development effort, punish those who violate laws, return some amount of payments or keep some to be paid in the following month, and immediately solve the problem as well as ensuring that it will never happen again. He also designated the Ministry of Energy and Mines to study the re-adjustment of electricity prices taking into account the actual basic economy and development of the country before proposing the new rates for the Government’s consideration.

 

Feedback from electrical consumers

 

  1. Latsamy, a public servant at Paek District, Xieng Khouang Province, shared her views that “the transformation of the Lao PDR into the Battery of ASEAN, which attracts investors to invest in several major dams in the country, is good for the future. I think that the generated power should be sufficiently distributed to all the remote areas before being exported to foreign nations. For me, 30% of my salary goes on paying utility charges, which is quite high. It would be better if such costs can be lowered.”

 

  1. Nout, a private school teacher in Nathom Village, Xaythany District, Vientiane, said that “I am curious about the electricity price. Although Laos produces and exports its own power, the price is still equivalent to other countries or even higher than those who buy electricity from us (compared to the neighboring countries).

 

The idea of transforming the Lao PDR into the Battery of ASEAN sounds wonderful, as if the people in the country will be supplied with electricity to use conveniently and sufficiently because we are the producer and exporter. However, why do people in both the rural and urban areas now still have insufficient electricity ? There have been regular cases of brownouts and blackouts due to insufficient supply of power. As a result, I would like urge EDL to pay close attention to this and seriously address the issue.

 

For my family, the water charge has been as usual, whereas the electricity bill is still problematic. If we estimate my private company salary as 1,300,000 kip on average, utility charges already account for more than 10% of that amount.”

 

  1. A villager from Paksan District, Bolikhamxay, who preferred to be anonymous, told us that “The electricity price this year has been raised quite a lot higher than last year. If possible, the charge should be lowered. If you ask me what I think about the Lao PDR becoming the Battery of ASEAN, which allows several foreign investors to construct hydropower dams in the country, I view this in two ways. The positive side refers to the increase of income, whereas the negative aspect refers to the insufficient supply of electricity domestically because we concentrate too much on export. For my family, 15% of our income goes on utility charges.”

 

  1. Thongsalith, aged 62, a retired employee from Saphangmeuk Village, Xaythany District, Vientiane, shared his thoughts that “It is reasonable for me because I have been consuming electricity at the usual level. I think it depends on how we use the electricity and how much we can save. In my family, 30% of our income goes to pay utility charges.”

 

My thoughts on the impact of the two-to-threefold price jump last year which then became the hot topic for online society is that this is good for our economic growth. After the concessional period expires, the hydropower dams will belong to us, enabling Laos to eventually become the Battery of ASEAN. Speaking of impacts, of course things have both positive and negative aspects, especially for those relocated to new places, the environment, and breeding sources of aquatic animals and wildlife.

 

Finally, our Target Magazine team would like to summarize the following points: to address the issue of expensive electricity prices, there should be a re-adjustment of electricity rates because the rates in force now may not correspond with the current situation where each household has more electrical appliances than before, which contributes to the higher rate of electricity consumption.

 

  • Example: Thailand calculates their rates like this: 1-15 > 16-25 > 26-35 > 36-100 > 101-150 > 151-400 > 401 or above. This means that the most expensive price starts from 401 or above.

 

  • Example: Vietnam calculates as follows: 0-50 > 51-100 > 101-200 > 201-300 > 301-400 > 401 or above. This is similar to Thailand where the most expensive price starts from 401 or above.

 

Turning to our country’s rates of 0-25 > 26-150 > 151 or above, the most expensive price starts from 151, which seems inappropriate.

 

 

Comments