ກອງປະຊຸມໃຫຍ່ ຄັ້ງທີ X ຂອງພັກສໍາເລັດລົງຢ່າງຈົບງາມ ສະຫາຍ ບຸນຍັງ ວໍລະຈິດ ໄດ້ຮັບເລືອກເປັນເລຂາທິການໃຫຍ່ ພັກ ປປ ລາວ

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກປະຊາຊົນປະຕິວັດລາວ ໄດ້ອັດລົງດ້ວຍຜົນສຳເລັດຢ່າງຈົບງາມ ໃນວັນທີ 22 ມັງກອນ 2016 ພາຍຫຼັງດໍາເນີນມາເປັນເວລາ 5 ວັນ ເຊິ່ງມີຜູ້ແທນສົມບູນ 685 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກໃນທົ່ວປະເທດ 252.879 ສະຫາຍ ແລະ ແຂກຖືກເຊີນເຂົ້າຮ່ວມ.

ກອງປະຊຸມໃຫຍ່ ໄດ້ເລືອກຕັ້ງຄະນະບໍລິຫານງານສູນກາງພັກສະໄໝ ທີ X ເຊິ່ງປະກອບດ້ວຍ ກຳມະການສົມບຸູນ 69 ສະຫາຍ ແລະ ກຳມະການສຳຮອງ 8 ສະຫາຍ. ກອງປະຊຸມຄັ້ງປະຖົມມະລືກ ຂອງຄະນະບໍລິຫານງານສູນກາງພັກສະໄໝທີ X ໄດ້ເປັນເອກະພາບເລືອກຕັ້ງກຳມະການກົມການເມືອງສູນກາງພັກ ເຊິ່ງປະກອບມີ 11 ສະຫາຍ ຄື: 1. ສະຫາຍ ບຸນຍັງ ວໍລະຈິດ; 2. ສະຫາຍ ທອງລຸນ ສີສຸລິດ; 3. ສະຫາຍ ນາງ ປານີ ຢາທໍ່ຕູ້; 4. ສະຫາຍ ດຣ. ບຸນທອງ ຈິດມະນີ; 5. ສະຫາຍ ດຣ. ພັນຄໍາ ວິພາວັນ; 6. ສະຫາຍ ຈັນສີ ໂພສີຄຳ; 7. ສະຫາຍ ດຣ. ໄຊສົມພອນ ພົມວິຫານ; 8. ສະຫາຍ ພົນໂທ ຈັນສະໝອນ ຈັນຍາລາດ;  9. ສະຫາຍ ດຣ. ຄໍາພັນ ພົມມະທັດ; 10. ສະຫາຍ ດຣ. ສິນລະວົງ ຄຸດໄພທູນ ແລະ 11. ສະຫາຍ ດຣ. ສອນໄຊ ສີພັນດອນ.

ກອງປະຊຸມຄັ້ງປະຖົມມະລືກ ຍັງໄດ້ເລືອກເອົາກໍາມະການ ໃນຄະນະເລຂາທິການສູນກາງພັກ 9 ສະຫາຍ ຄື: 1. ສະຫາຍ ບຸນຍັງ ວໍລະຈິດ; 2. ສະຫາຍ ດຣ. ບຸນທອງ ຈິດມະນີ; 3. ສະຫາຍ ດຣ. ພັນຄຳ ວິພາວັນ; 4. ສະຫາຍ ຈັນສີ ໂພສີຄໍາ; 5. ສະຫາຍ ດຣ. ຄໍາພັນ ພົມມະທັດ; 6. ສະຫາຍ ພົນໂທ ແສງນວນ ໄຊຍະລາດ; 7. ສະຫາຍ ສຈ. ດຣ. ກິແກ້ວ ໄຂຄໍາພິທູນ; 8. ສະຫາຍ ພົນຕີ ສົມແກ້ວ ສີລາວົງ ແລະ 9. ສະຫາຍ ພົນຕີ ວິໄລ ຫຼ້າຄຳຟອງ ໂດຍໄດ້ເລືອກເອົາສະຫາຍ ດຣ. ພັນຄຳ ວິພາວັນ ເປັນຜູ້ປະຈຳການຄະນະເລຂາທິການ ສູນກາງພັກ.

ກອງປະຊຸມຄັ້ງປະຖົມມະລືກ ຂອງຄະນະບໍລິຫານງານສູນກາງພັກ ສະໄໝທີ X ໄດ້ເປັນເອກະສັນກັນຢ່າງສົມບູນເລືອກ ສະຫາຍ ບຸນຍັງ ວໍລະຈິດ ເປັນເລຂາທິການໃຫຍ່ ຄະນະບໍລິຫານງານສູນກາງພັກ.

ບົດຄວາມແນະນໍາ

ສະແດງຄວາມຄິດເຫັນ

error: Content is protected !!