Senglao content (728×90)

ເປີດງານ China-ASEAN Expo ຄັ້ງ 14

 

 

ໜານໜິງ ວັນທີ 12 ກັນຍາ 2017 ບັນດາຜູ້ນໍາປະເທດສະມາຊິກ ອາຊຽນ ແລະ ຜູ້ແທນ ຈາກ ຈີນ ຮ່ວມກັນເປີດງານ ສະແດງສິນຄ້າ ຈີນ-ອາຊຽນ ຫຼື China-ASEAN Expo ຄັ້ງທີ່ 14 (the 14th China-ASEAN Expo: CAEXPO) ແລະ ງານປະຊຸມສຸດຍອດການຄ້າການລົງທຶນຈີນ-ອາຊຽນ ຄັ້ງທີ 14 (the 14th China-ASEAN Business and Investment Summit: CABIS) ທີ່ສູນສະແດງສິນຄ້າ ແລະ ການປະຊຸມນາໆຊາດແຫ່ງເມືອງໜານໜິງ ໂດຍງານດັ່ງກ່າວ ຈັດຂຶ້ນພາຍໃຕ້ແນວຄິດ “ຮ່ວມສ້າງເສັ້ນທາງ ໜຶ່ງແລວທາງ ໜຶ່ງເສັ້ນທາງ ທາງທະເລແຫ່ງສະຕະວັດ ທີ 21 ເສີມສ້າງການບູລະນາການເສດຖະກິດພາກພື້ນຜ່ານການທ່ອງທ່ຽວ” (Co-building the 21th Century Maritime Silk Road, Promoting Regional Economic Integration through tourism).

ທ່ານ ຈາງ ເກົາລີ່ ສະມາຊິກຄະນະກໍາມະການຖາວອນປະຈໍາກົມການເມືອງແຫ່ງພັກຄອມມູນິດຈີນ ແລະ ຮອງນາຍົກ ລັດຖະມົນຕີກ່າວວ່າ: ການຈັດງານຄັ້ງນີ້ ຈະຊ່ວຍຊຸກຍູ້ຄວາມຮ່ວມມື ແລະ ຄວາມເຊື່ອມໂຍງລະຫວ່າງຈີນ ກັບ ປະຊາຄົມອາຊຽນ  ໃຫ້ບັນລຸເປົ້າໝາຍໄດ້ໄວຂຶ້ນ ແລະ ຈີນ ຖືວ່າ: ອາຊຽນເປັນພັນທະມິດສໍາຄັນທີ່ຈະຊ່ວຍໃຫ້ໂຄງການ ເສັ້ນທາງລົດໄຟ (ໜຶ່ງແລວທາງ ໜຶ່ງເສັ້ນທາງ) ແຫ່ງສະຕະວັດທີ 21 ຂອງ ຈີນປະສົບຜົນສໍາເລັດ.

ງານ CAEXPO ຄັ້ງທີ 14 ປະກອບມີ ສ່ວນຈັດສະແດງສິນຄ້າ, ການຄ້າບໍລິການ, ການລົງທຶນເຕັກໂນໂລຊີສະໄໝໃໝ່ ແລະ ເມືອງທ່ອງທ່ຽວ ພ້ອມທັງສິນຄ້າຈາກຊາດອາຊຽນວາງສະແດງດ້ວຍ.

ສະແດງຄຳຄິດເຫັນ