Senglao Mb

ດວງປະຈຳວັນອັງຄານ ທີ 3 ຕຸລາ 2017

VIENTIANE VTS

ວັນອັງຄານ ວັນທີ 3 ເດືອນຕຸລາ 2017 ຂຶ້ນ13 ຄໍ່າ ເດືອນ 11 (ມື້ນີ້ ເປັນມື້ດີ ເໝາະແກ່ການ ຜ່າຕັດ, ແຕ່ງດອງ ຫຼື ຊື້ລົດໃໝ່)

ຄົນເກີດວັນອາທິດ: ວຽກງານ ຖ້າໄລຍະນີ້ທ່ານດຸໝັ້ນ ແລະ ບໍ່ທໍ້ຖອຍຕໍ່ຄວາມຍາກລໍາບາກ ອີກບໍ່ດົນຄວາມສຳເລັດຈະເກີດຂຶ້ນແນ່ນອນ, ການເງິນມີເກນວາງແຜນການລົງທຶນເພື່ອຄວາມມັ່ງຄັງໃນອະນາຄົດ, ຄວາມຮັກຄົນມີຄູ່ຄວາມສຳພັນຫ່າງເຫີນ, ຄົນໂສດຍັງຕ້ອງໂສດຕໍ່ໄປ.

ຄົນເກີດວັນຈັນ: ໜ້າທີ່ວຽກງານຈະເລີນກ້າວໜ້າແບບໃຜກໍບໍ່ສາມາດຢຸດໄດ້, ການເງິນ ມີເກນມີລາຍໄດ້ເຂົ້າມາຢ່າງຕໍ່ເນື່ອງ,​ ຄວາມຮັກຄົນທີ່ມີຄູ່ຄວາມສຳພັນພັດທະນາແບບຊ້າໆແຕ່ໝັ້ນຄົງ, ຄົນໂສດມີເກນພົບຄົນບໍ່ຈິງໃຈໃນໄລຍະນີ້.

ຄົນເກີດວັນອັງຄານ: ວຽກງານຄວາມສາມາດຂອງທ່ານໂດດເດັ່ນເປັນທີ່ຈັບຕາເບິ່ງຂອງຫຼາຍຄົນ, ການເງິນມີໂອກາດໄດ້ໂຊກລາບຈາກເຫື່ອແຮງຂອງທ່ານ ແຕ່ໂຊກລາບການສ່ຽງດວງຍັງບໍ່ປາກົດ, ຄວາມຮັກຄົນທີ່ມີຄູ່ຄວນມີເວລາໃຫ້ຄົນຮັກກ່ອນທີ່ຄວາມສຳພັນຈະຫ່າງເຫີນ,​ ຄົນໂສດຈະໄດ້ສະຫຼະໂສດໄວໆນີ້.

ຄົນເກີດວັນພຸດ: ວຽກງານມີເກນມີບັນຫາເຂົ້າມາທ້າທາຍຄວາມສາມາດ ແຕ່ສຸດທ້າຍທ່ານກໍຈະສາມາດຜ່ານພົ້ນບັນຫາໄປໄດ້, ການເງິນຄ່ອງຕົວດີຖ້າຫາກບໍ່ສ້າງໜີ້ເພີ່ມຕື່ມ, ຄວາມຮັກຄົນທີ່ມີຄູ່ເປັນກຳລັງໃຈ ແລະ ຢູ່ເບື້ອງຫຼັງຄວາມສຳເລັດ, ຄົນໂສດມີໂອກາດເລີ່ມຕົ້ນຄວາມຮັກກັບຄົນໃກ້ຕົວ.​

ຄົນເກີດວັນພະຫັດ: ວຽກງານມີເກນຕ້ອງເຮັດວຽກຫຼາຍໃນໄລຍະນີ້ ແຕ່ຜົນຕອບແທນທີ່ໄດ້ກໍຄຸ້ມຄ່າຫຼາຍ, ການເງິນຄວນວາງແຜນໃຫ້ດີເພາະໄລຍະນີ້ ມີລາຍຈ່າຍຫຼາຍ,​ ຄວາມຮັກຄົນທີ່ມີຄູ່ເມືອຍຈາກການເຮັດວຽກຈົນບໍ່ມີເວລາໄດ້ເບິ່ງແຍງຄົນຮັກ, ຄົນໂສດຮັກແທ້ຢູ່ໃກ້ຈົນທ່ານເບິ່ງບໍ່ເຫັນ.

ຄົນເກີດວັນສຸກ: ວຽກງານຖ້າຫາກໄລຍະນີ້ມີແຜນທີ່ຈະເຮັດຫຍັງຢູ່ໃນໃຈໃຫ້ຟ້າວລົງມືເຮັດ ເພາະມີໂອກາດປະສົບຄວາມສຳເລັດ, ການເງິນມີເກນມີລາຍໄດ້ ທັງທາງກົງ ແລະ ທາງອ້ອມ, ຄວາມຮັກຄົນທີ່ມີຄູ່ກຳລັງຈະມີຂ່າວດີກ່ຽວກັບເລື່ອງການໝັ້ນໝາຍ ຫຼື ແຕ່ງງານ, ຄົນໂສດມີເກນພົບຄົນດີແຕ່ຍັງບໍ່ສົມຫວັງ.​

ຄົນເກີດວັນເສົາ: ວຽກງານມີເກນໄດ້ຮັບຜິດຊອບວຽກງານທີ່ທ້າທາຍຄວາມສາມາດ, ການເງິນຖ້າຫາກໄລຍະນີ້ສ່ຽງດວງ ຫຼື  ໃຫ້ຄົນອື່ນຍື່ມເງິນມີເກນໄດ້ບໍ່ຄຸ້ມກັບເສຍ, ຄວາມຮັກຄົນທີ່ມີຕ່າງຄົນຕ່າງບໍ່ມີເວລາໃຫ້ກັນແຕ່ຄວາມສຳພັນຍັງໝັ້ນຄົງຄືເກົ່າ, ຄົນໂສດຄວາມໃກ້ຊິດຈະເປັນບໍ່ເກີດແຫ່ງຄວາມຮັກ .

 

 

 

ສະແດງຄຳຄິດເຫັນ

kaogee mb