Senglao content (728×90)

ດວງປະຈຳວັນພຸດ ທີ 11 ຕຸລາ 2017

ວັນພຸດທີ 11 ຕຸລາ ພສ 2560 ແຮມ 6 ຄໍ່າ ເດືອນ 11 (ມື້ນີ້ຍັງບໍ່ເໝາະສົມແກ່ການກະທຳເຮັດການມຸງຄຸນ)

ຄົນເກີດວັນອາທິດ: ວຽກງານໄລຍະນີ້ ທ່ານຈະເມືອຍເພາະຕ້ອງເຮັດວຽກໜັກແຕ່ຜົນຕອບແທນກໍຄຸ້ມຄ່າຫຼາຍ, ການເງິນຖ້າຫາກຈະລົງທຶນໄລຍະນີ້ຄວນວາງແຜນ ແລະ ສຶກສາຂໍ້ມູນໃຫ້ດີກ່ອນຕັດສິນໃຈ, ຄວາມຮັກຄົນມີຄູ່ຄວາມຮັກຍັງໝັ້ນຄົງຄືເກົ່າ, ຄົນໂສດເນື້ອຄູ່ຍັງບໍ່ມີວີແວວຈະປາກົດຕົວ.

ຄົນເກີດວັນຈັນ: ວຽກງານສິ່ງທີ່ທ່ານຮັບຜິດຊອບກຳລັງຈະປະສົບຄວາມສຳເລັດແຕ່ມີອຸປະສັກເຂົ້າຂັດຂວາງກ່ອນ, ການເງິນຄ່ອງແຄ່ວດີບໍ່ມີບັນຫາ, ຄວາມຮັກຄົນມີຄູ່ຄວາມສຳພັນພັດທະນາຢ່າງໝັ້ນຄົງ, ຄົນໂສດມີສະເໜ່ມີແຕ່ຄົນຢາກເຂົ້າມາຮູ້ຈັກ.​

ຄົນເກີດວັນອັງຄານ: ວຽກງານມີເກນມີຂ່າວດີກ່ຽວກັບການເລື່ອນຊັ້ນຕໍາແໜ່ງ, ການເງິນມີເກນໝົດເງິນໄປກັບສິ່ງທີ່ປາຖະໜາ,​ ຄວາມຮັກຄົນທີ່ມີຄູ່ຍັງຮັກກັນຄືກັບວັນທີ່ຜ່ານມາ, ຄົນໂສດມີເກນສົມຫວັງໃນຄວາມຮັກກັບຄົນທີ່ຢູ່ໃກ້.​

 

ຄົນເກີດວັນພຸດ: ວຽກງານຄວນລະວັງເລື່ອງການສະເໜີຄວາມຄິດເຫັນໃນບ່ອນເຮັດວຽກເພາະມີດວງມີບັນຫາກັບເພື່ອນຮ່ວມງານ, ການເງິນເຖິງແມ່ນວ່າໄລຍະນີ້ຈະມີລາຍໄດ້ຫຼາຍແຕ່ບໍ່ຄວນປະມາດ, ຄວາມຮັກຄົນທີ່ມີຄູ່ຄວາມສຳພັນເລີ່ມຫ່າງໂດຍບໍ່ຮູ້ຕົວ, ຄົນໂສດມີເກນໄດ້ຄູ່ທີ່ບໍ່ຄືກັບທີ່ຄາດຫວັງໄວ້.

ຄົນເກີດວັນພະຫັດ: ວຽກງານໄລຍະນີ້ມີເກນໄດ້ຮັບໄຊຊະນະຈາກການແຂ່ງຂັນ, ການເງິນມີເກນມີລາຍໄດ້ຈາກວຽກງານໃໝ່ໆທີ່ຫາກໍໄດ້ຮັບຜິດຊອບ, ຄວາມຮັກຄົນທີ່ມີຄູ່ມີເກນມີຂ່າວດີກ່ຽວກັບເລື່ອງຂອງການໝັ້ນໝາຍ ຫຼື ແຕ່ງດອງ, ຄົນໂສດຖ້າຫາກທ່ານເປີດໃຈຈະມີໂອກາດໄດ້ພົບຮັກຄັ້ງໃໝ່.

ຄົນເກີດວັນສຸກ: ວຽກງານມີເກນປະສົບຜົນສຳເລັດແບບຄາດບໍ່ເຖິງດ້ວຍສອງມືຂອງທ່ານ, ການເງິນມີເກນໝົດເງິນໄປກັບຄ່າໃຊ້ຈ່າຍໃນຄອບຄົວ, ຄວາມຮັກຄົນມີຄູ່ມີໂອກາດໄດ້ໃກ້ຊິດກັບຄົນທີ່ທ່ານຖືກໃຈເຮັດໃຫ້ປ່ອຍໃຈໄປຫາໂດຍບໍ່ຮູ້ຕົວ, ຄົນໂສດມີເກນພົບຮັກໃໝ່ກັບຄົນໃກ້ຕົວ.

ຄົນເກີດວັນເສົາ: ວຽກງານໄລຍະນີ້ມີແຜນການ ຫຼື ໂຄງການຫຍັງໃຫ້ຟ້າວລົງມືເຮັດເພາະມີໂອກາດປະສົບຜົນຄວາມສຳເລັດ,​ ການເງິນຄ່ອງແຄ່ວດີເພາະມີລາຍໄດ້ເຂົ້າມາຢ່າງຕໍ່ເນື່ອງ, ຄວາມຮັກຄົນມີຄູ່ມີປາກສຽງກັນເລັກໜ້ອຍເພາະນິໄສທີ່ຕ່າງກັນ, ຄົນໂສດເຮັດແຕ່ວຽກຫຼາຍຈົນລືມຄິດເລື່ອງຄວາມຮັກ.

 

 

ສະແດງຄຳຄິດເຫັນ