Senglao content (728×90)

ຫຼັກຊາວພຸດ

ສະບາຍດີທ່ານຜູ້ອ່ານທີ່ຕິດຕາມເວັບໄຊທາເກັດ ເປັນປະຈຳ  ສຳລັບມື້ນີ້ ພວກເຮົາໄດ້ນຳເອົາຫຼັກການຂອງຊາວພຸດຂອງການນັບຖືສາສະໜາພຸດມາໃຫ້ທຸກຄົນໄດ້ຮັບຮູ້ ແລະ ປະຕິບັດກັນ.

ຄໍາວ່າ “ຊາວພຸດ” ບໍ່ແມ່ນເປັນຖ້ອຍຄໍາທີ່ຄວນຮຽກກັນ ຢ່າງເລື່ອນລອຍ ບຸກຄົນທີ່ຈະເວົ້າໄດ້ວ່າເປັນ “ຊາວພຸດ” ຈະຕ້ອງມີຫຼັກການ, ຄຸນສົມບັດປະຈຳຕົວ  ແລະ ມີມາດຕະຖານການປະພຶດທີ່ຮອງຮັບ, ຢັ້ງຢືນ ແລະ ສະແດງອອກເຖິງຄວາມເປັນຊາວພຸດ.

ຫຼັກການ  ແລະ ການປະຕິບັດຂອງ “ຊາວພຸດ” ດັ່ງຕໍ່ໄປນີ້ແມ່ນ ພູມທັມຂັ້ນພື້ນຖານຂອງຊາວພຸດ. ຜູ້ທີ່ຕັ້ງໝັ້ນໃນຫຼັກການ ນອກຈາກຈະໄດ້ຊື່ວ່າຊາວພຸດແທ້ໆແລ້ວ ຍັງຈະມີຊີວິດທີ່ພັດທະນາກ້າວໜ້າງອກງານ ແລະ ຊ່ວຍໃຫ້ສັງຄົມຈະເລີນໝັ້ນຄົງ ດຳລົງຢູ່ໃນສັນຕິສຸກ ເປັນຜູ້ສືບຕໍ່ວິຖີຊາວພຸດໄວ້ ພ້ອມທັງຮັກສາທັມ ແລະ ຄວາມສະຫງົບສຸກໄວ້ໃຫ້ແກ່ໂລກອີກດ້ວຍ.

ຫຼັກການຂອງ”ຊາວພຸດ” ທີ່ຄວນຖືເປັນບັນທັດຖານມີດັ່ງຕໍ່ໄປນີ້:

1. ເຝິກຫັດແລ້ວປະເສີດເລີດມະນຸດ:  ໝັ້ນໃຈວ່າ ມະນຸດຈະປະເສີດເລີດສຸດຈົນເປັນພຸດທະໄດ້ ເພາະເຝິກຝົນຕົນເອງດ້ວຍສິກຂາ ນັ້ນກໍຄື ການສຶກສາຮໍ່າຮຽນ.

2. ຝັກໃຝ່ພຸດທະຄຸນເປັນສະຣະນະ: ເຝິກຝົນຕົນເອງໃຫ້ມີປັນຍາ,​ ມີຄວາມບໍລິສຸດ ແລະ ມີເມຕາກະລຸນາ ຕາມແບບຢ່າງອົງພຣະສັມມາສັມພຸດທະເຈົ້າ.

3. ຖືທັມມະເປັນໃຫຍ່:  ການຖືທັມ ຄືຄວາມຈິງໃຈ,​ ຄວາມຖືກຕ້ອງດີງານເປັນໃຫຍ່ ເປັນເກນຕັດສິນ.

4. ສ້າງສັງຄົມໃຫ້ເປັນດັ່ງສັງຄະ (ພຣະສົງ): ສ້າງສັງຄົມຕັ້ງແຕ່ຢູ່ໃນເຮືອນ, ໃຫ້ມີຄວາມສາມັກຄີ ເປັນແຫຼ່ງເກື້ອກູນຮ່ວມກັນສ້າງສັນ.

5. ສຳເລັດດ້ວຍກະທຳກັມດີ: ສ້າງຄວາມສຳເລັດ ດ້ວຍການກະທຳທີ່ດີງາມຂອງຕົນເອງດ້ວຍພາກພຽງ ຢ່າງບໍ່ປະມາດ.

ທີ່ມາ:  ປື້ມ ຫຼັກຊາວພຸດ

ໂດຍ: ພຣະພົມຄຸນາພອນ (ປ.ອ ປະຍຸດໂຕ) 

Comments