Senglao content (728×90)

ຄວາມຄືບໜ້າ! ໂຄງການກໍ່ສ້າງທາງດ່ວນ ວຽງຈັນ-ປາເຊ

ມີພຽງ 4 ບໍລິສັດເຂົ້າຮອບສຸດທ້າຍການປະມູນໂຄງການສ້າງທາງດ່ວນ ວຽງຈັນ-ປາກເຊ ໜຶ່ງໃນນັ້ນມີບໍລິສັດ ພູສີ ກໍ່ສ້າງ ແລະ ພັດທະນາມະຫາຊົນ ທີ່ເປັນບໍລິສັດກໍ່ສ້າງແຖວໜ້າຂອງສປປ.ລາວ ແລະ ຫາກໍຈົດຖະບຽນເຂົ້າຕະຫຼາດຫຼັກຊັບແຫ່ງ ສປປ.ລາວ ພ້ອມປະກາດຂາຍຮຸ້ນ ໄອພີໂອ ຈຳນວນ 100 ລ້ານຮຸ້ນມື້ວານນີ້ 10 ຕຸລາ.
ສ່ວນອີກສາມບໍລິສັດ ແມ່ນຫຍັງບໍ່ທັນໄດ້ຮັບການເປີດເຜີຍຢ່າງເປັນທາງການຈາກພາກສ່ວນກ່ຽວຂ້ອງ.
ທ່ານ ສີທອງ ພົມມະຈິດ ປະທານສະພາບໍລິຫານ ບໍລິສັດ ພູສີກໍ່ສ້າງ ແລະ ພັດທະນາມະຫາຊົນໃຫ້ສຳພາດຕໍ່ນັກຂ່າວ ວານນີ້ວ່າ: “ພວກເຮົາກໍຫາເຂົ້າໄປປະມູນ ກະຊວງແຜນການຫາກໍໄດ້ເປີດຊອງປະມູນ 18 ບໍລິສັດຄັດເລືອກເອົາ 4 ບໍລິສັດ ແລະ ບໍລິສັດເຮົາຕິດ 1 ໃນ 4 ບໍລິສັດທີ່ຈະເຂົ້າໄປມີສ່ວນຮ່ວມໃນການພັດທະນາຈາກວຽງຈັນ ຫາ ຈຳປາສັກ ຍາວ 495 ກມ ປັດຈຸບັນກຳລັງປຶກສາຫາລືກັບກະຊວງໂຍທາ ກ່ຽວກັບລາຍລະອຽດຂອງການອອກແບບ ເຊິ່ງເບື້ອງຕົ້ນອາດຈະມີ ສີ່ເລນ ສອງເລນໄປ ແລະ ສອງເລນກັບ ສ່ວນມາດຕະຖານເຕັກນິກແມ່ນເອົາຂອງອາຊຽນ”.
ການກໍ່ສ້າງເສັ້ນທາງດ່ວນແມ່ນຈະສ້າງໂດຍຕັດແລວທາງໃໝ່ ເຮັດໃຫ້ເສັ້ນທາງມີໄລຍະສັ້ນກວ່າເສັ້ນທາງທີ່ມີໃນປະຈຸບັນທີ່ຍາວປະມານ 800 ກມ.

ຄຼິກອ່ານຂ່າວເກົ່າກ່ຽວກັບທາງດ່ວນ ວຽງຈັນ-ປາກເຊ ກ່ອນໜ້ານີ້:

ເສັ້ນທາງດ່ວນວຽງຈັນ-ຈຳປາສັກ ກຳລັງຈະເປັນຈິງ

ຂອບໃຈພາບ: ANN
ທີ່ມາ: ຂ່າວສານປະເທດລາວ. ຂປລ

Comments