Senglao content (728×90)

ດວງປະຈຳວັນພະຫັດ ວັນທີ 12 ຕຸລາ 2017

ວັນພະຫັດ ວັນທີ 12 ຕຸລາ ພສ 2560 ແຮມ 7 ຄໍ່າ (ມື້ນີ້ເປັນມື້ດີ ເໝາະແກ່ການຜ່າຕັດ, ຊື້ລົດໃໝ່ ແລະ ຂຶ້ນເຮືອນໃໝ່)

ຄົນເກີດວັນອາທິດ: ວຽກງານມີເກນປ່ຽນແປງຍົກຍ້າຍໜ້າທີ່ໄປໃນທາງທີ່ດີຂຶ້ນ, ການເງິນຖ້າຫາກຈະລົງທຶນຄວນລົງທຶນແບບໄລຍະຍາວຈະດີກວ່າໄລຍະສັ້ນ,​ ຄວາມຮັກຄົນທີ່ມີຄູ່ມຸ່ງໝັ້ນເຮັດວຽກດເພື່ອຄອບຄົວ, ຄົນໂສດຄູ່ຮັກຍັງບໍ່ມີວີແວ່ວປາກົດຕົວ.

ຄົນເກີດວັນຈັນ: ວຽກງານມີເກນມີບັນຫາເລື່ອງຄວາມສຳພັນກັບເພື່ອຮ່ວມງານ ຫຼື ຜູ້ໃຫຍ່ໃນບ່ອນເຮັດວຽກ, ການເງິນມີເກນໝົດເງິນໄປກັບເລື່ອງທີ່ຫຼີກລຽງບໍ່ໄດ, ຄວາມຮັກຄົນມີຄູ່ຍັງຮັກກັນຄືເກົ່າທີ່ຜ່ານມາ, ​ຄົນໂສດຍັງບໍ່ມີໂອກາດສົມຫວັງ.

ຄົນເກີດວັນອັງຄານ: ວຽກງານຜູ້ໃຫຍ່ເລີ່ມເບິ່ງເຫັນໃນຄວາມສາມາດຂອງທ່ານ ແລະ  ກຳລັງຈະໃຫ້ທ່ານຮັບຜິດຊອບວຽກງານທີ່ສຳຄັນໃນໄວໆນີ້, ການເງິນຖ້າຫາກວາງແຜນມື້ນີ້ຈະມີໂອກາດເປັນເສດຖີໃນອະນາຄົດ, ຄວາມຮັກຄົນມີຄູ່ຍິ່ງດົນນານຍິ່ງຮັກກັນຫຼາຍຂຶ້ນ, ຄົນໂສດຄົນດີຢູ່ໃກ້ຕົວແຕ່ທ່ານບໍ່ເຄີຍສັງເກດ.

ຄົນເກີດວັນພຸດ: ວຽກງານໄລຍະນີ້ໃຫ້ລະວັງເລື່ອງການເວົ້າຈາ ຫຼື ການສະແດງອອກໃນບ່ອນເຮັດວຽກເພາະມີເກນມີບັນຫາກັບເພື່ອນຮ່ວມງານ ຫຼື ຜູ້ໃຫຍ່, ການເງິນໝົດເງິນໄປກັບເລື່ອງບໍ່ຄາດຝັນ, ຄວາມຮັກຄົນມີຄູ່ຍັງຮັກກັນຄືເກົ່າ, ຄົນໂສດຍັງບໍ່ມີເກນໄດ້ພົບຮັກ.

ຄົນເກີດວັນພະຫັດ: ວຽກງານບໍ່ຄວນປະມາດເພາະມີໂອກາດຈະເຮັດວຽກຜິດພາດໂດຍບໍ່ໄດ້ຕັ້ງໃຈ, ການເງິນຖ້າຫາກໄລຍະນີ້ທ່ານເຮັດອາຊີບ ຫຼື ວຽກງານເສີມຈະມີໂອກາດໄດ້ຮັບຜົນຕອບແທນທີ່ດີເກີນຄາດ, ຄວາມຮັກຄົນທີ່ມີຄູ່ກັນກັນດີ ຫວານຊື່ນຈົນຄົນອື່ນອິດສາ, ຄົນໂສດມີເກນສະຫຼະໂສດໃນໄວໆນີ້.

ຄົນເກີດວັນສຸກ: ວຽກງານຖ້າຫາກມີແຜນການຫຍັງໃຫ້ຟ້າວລົງມືເຮັດເພາະຈະມີໂອກາດປະສົບຜົນສຳເລັດແບບຄາດບໍ່ເຖິງ, ການເງິນມີເກນໝົດເງິນໄປກັບສິ່ງຂອງບໍ່ມີປະໂຫຍດ, ຄວາມຮັກ ຄົນມີຄູ່ເຮັດແຕ່ວຽກຫຼາຍເພື່ອຄອບຄົວຈົນລືມຄົນຮັກ, ຄົນໂສດຄວາມຮັກຄັ້ງໃໝ່ກຳລັງຈະເລີ່ມຕົ້ນ.

ຄົນເກີດວັນເສົາ: ໜ້າທີ່ວຽກງານມີເກນ ຈະເລີນກ້າວໜ້າແບບກ້າວກະໂດດ, ການເງິນ ໄລຍະນີ້ມີວຽກຫຼາຍຂຶ້ນຈຶ່ງເຮັດໃຫ້ມີລາຍຮັບຫຼາຍຂຶ້ນ, ຄວາມຮັກຄົນມີຄູ່ເລີ່ມຫ່າງກັນໂດຍບໍ່ຮູ້ຕົວ, ຄົນໂສດຈະສົມຫວັງໃນຄວາມຮັກກັບຄົນທີ່ໝາຍປອງ.

 

ສະແດງຄຳຄິດເຫັນ