Senglao content (728×90)

ເຈົ້າຄອງນະຄອນຫຼວງ ໄດ້ຮັບລາງວັນດີເດັ່ນທາງດ້ານການສົ່ງເສີມວັດທະນະທຳ ຈາກອົງການສະຫະປະຊາຊາດ

ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ  ຮັບລາງວັນຜູ້ທີ່ມີຜົນງານດີເດັ່ນທາງດ້ານການສົ່ງເສີມວັດທະນະທຳ ຈາກອົງການສະຫະປະຊາຊາດ (ສປຊ).

ໃນຕອນຄ່ຳຂອງ ວັນທີ 12 ຕຸລາ 2017 ທີ່ຜ່ານມາ. ທີ່ໂຮງແຮມແລນມາກ, ນະຄອນຫຼວງວຽງຈັນ. ໄດ້ຈັດງານລ້ຽງຕ້ອນຮັບຄະນະສະມາຄົມມິດຕະພາບຣັດເຊຍ-ລາວ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ນະຄອນຫຼວງວຽງຈັນ. ພິເສດເນື່ອງໃນໂອກາດດັ່ງກ່າວ ທາງຄະນະສະມາຄົມມິດຕະພາບຣັດເຊຍ-ລາວ ໄດ້ຮັບກຽດມອບຫຼຽນ FABEGE ເປັນຫຼຽນຂອງ UNESCO (United Nations Educational, Scientific, and Cultural Organization ) (ອົງການການສຶກສາ ວິທະຍາສາດ ແລະ ວັດທະນະທຳ ແຫ່ງສະຫະປະຊາຊາດ) ເຊີ່ງມອບໃຫ້ຜູ້ທີ່ມີຜົນງານດີເດັ່ນໃນການຮ່ວມມື ແລະ ການສົ່ງເສີມດ້ານວັດທະນາທໍາ. ຫຼຽນດັ່ງກ່າວ ແມ່ນປີ 1 ແມ່ນຈະມອບໃຫ້ພຽງແຕ່ 3 ບຸກຄົນເທົ່ານັ້ນ.

ໃຫ້ກຽດຂຶ້ນຮັບຫຼຽນດັ່ງກ່າວໂດຍທ່ານ ປອ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ, ເລຂາຄະນະພັກ-ເຈົ້າຄອງນະຄອນຫຼວງວຽງຈັນ ຕາງໜ້າຂື້ນມອບຫຼຽນ ໂດຍທ່ານ ສຈ ປອ ອີກໍ ປານຟີລົບ ຮັກສາການປະທານສະມາຄົມມິດຕະພາບຣັດເຊຍ-ລາວ, ທັງເປັນສະມາຊິກຂອງອົງການສົ່ງເສີມວັດທະນະທຳສາກົນ ຂອງອົງການ UNESCO.

ທີ່ມາ: ວຽງຈັນວັນໃໝ່ຂ່າວສານທັນສະໄໝເພື່ອຊາວວຽງ.

Comments