LV-IMEX
Senglao content (728×90)

ໂຄງການຊ່ວຍເຫຼືອລ້າກຽມກໍ່ສ້າງໂຮງໝໍມະໂຫສົດແຫ່ງໃໝ່ 

ຕາມຂໍ້ມູນເບື້ອງຕົ້ນໂຮງໝໍມະໂຫສົດຫຼັງໃໝ່ແມ່ນໄດ້ຮັບການສະໜັບສະໜູນຈາກລັດຖະບານ ສປ ຈີນ ໂດຍຈະສ້າງທົດແທນຄືນອາຄານຫຼັງເກົ່າທີ່ເກົ່າແກ່ຊຸດໂຊມແລ້ວ ແລະໃຫ້ມີຫ້ອງນອນເພີ່ມຂຶ້ນອີກ 150 ຫ້ອງຈາກ 450 ຫ້ອງໃນປັດຈຸບັນ ແລະ ລວມມີ 600 ຫ້ອງນອນຄາດວ່າອີກ 5 ປີ ມະໂຫສົດຫຼັງໃໝ່ ຈະສຳເລັດ

ໂດຍລັດຖະບານລາວສົມທົບກັບລັດຖະບານຈີນ ຈະສ້າງໂຮງໝໍມະໂຫສົດແຫ່ງໃໝ່ນີ້ຂຶ້ນມາ ເພື່ອທົດແທນຫງເກົ່າທີ່ມີອາຍຸ 100 ກວ່າປີແລ້ວ ເຫັນວ່າເກົ່າແກ່ຊຸດໂຊມຫຼາຍຈິ່ງຄວນມີການກໍ່ສ້າງໃໝ່ ເພື່ອສາມາດຕອບສະໜອງຄວາມຕ້ອງການຂອງສັງຄົມທີ່ນັບມື້ເພິ່ມຂຶ້ນ.


ລັດຖະບານລາວຕັດສິນໃຈຈະກໍ່ສ້າງໂຮງໝໍມະໂຫສົດແຫ່ງໃໝ່ທົດແທນຫຼັງເກົ່າ, ຄາດວ່າຈະເລີ່ມລົງມືກໍ່ສ້າງພາຍໃນປີນີ້ ແລະ ຈະໃຫ້ສໍາເລັດປີ 2022 ຕາມແຫຼ່ງຂ່າວຈາກໂຮງໝໍມະໂຫສົດໄດ້ເປີດເຜີຍໃນມໍ່ໆນີ້ໃຫ້ຮູ້ວ່າ: ປັດຈຸບັນນີ້ສະຖາປານິກ ແລະ ຊ່ຽວຊານຈາກ ສປ ຈີນພວມເກັບກໍາຂໍ້ມູນພື້ນຖານໃນການອອກແບບສໍາລັບການກໍ່ສ້າງອາຄານຫຼັງແຫ່ງໃຫມ່ໃຫ້ດີກວ່າເກົ່າ ນັບທັງຕຶກອາຄານ, ເຄື່ອງມືອຸປະກອນທາງການແພດຕ່າງໆ.

ສຳລັບ ພິທີວາງສີລາລຶກ ໂຄງການກໍ່ສ້າງໂຮງໝໍມະໂຫສົດຫຼັງໃຫມ່ນີ້! ຈະມີຂຶ້ນໃນລະຫວ່າງການມາຢ່ຽມຢາມຂອງທ່ານ ສີຈິ້ນຜິງ ປະທານປະເທດ ແຫ່ງ ສປ ຈີນ ແລະ ໂດຍມີປະທານເຂົ້າຮ່ວມພິທີ ທ່ານ ສະຫາຍ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ. 

Comments