LV-IMEX
Senglao content (728×90)

ສະຫາຍ ສີຈິ້ນຜິງ ເລຂາທິການໃຫຍ່ ພັກກອມມູນິດຈີນ ເດີນທາງເຖິງ ສປປ ລາວ

ສະຫາຍ ສີ ຈິ້ນ​ຜິ​ງ ​ເລຂາ​ທິການ​ໃຫຍ່ ຄະນະ​ກຳມະການ ​ສູນ​ກາງ​ພັກກອມ​ມູນິດ​ຈີນ, ປະທານ​ປະ​ເທດ ​ແຫ່ງ ສປ ຈີນ ພ້ອມ​ດ້ວຍ​ຄະນະ ເດີນທາງ​ມາ​​ເຖິງ ​ສະໜາມ​ບິນ​ສາກົນວັດ​ໄຕ​ ນະຄອນຫຼວງ​ວຽງ​ຈັນ, ​​ໂດຍ​ເຮືອ​ບິນ​ພິ​ເສດຂອງ ສປ ຈີນ (Boeing 747-800) ​ໃນ​ຕອນ​ບ່າຍເວລາ 15:00 ​ຂອງ​ວັນ​ທີ 13 ພະຈິກ 2017 ​ເພື່ອ​ດຳ​ເນີນ​ການ​ຢ້ຽມຢາມ ທາງ​ລັດຖະກິດ ສປປ ລາວ ​ໃນ​ລະຫວ່າງ​ ວັນ​ທີ 13-14 ພະຈິກ 2017 ນີ້, ​ໃຫ້​ກຽດອອກ​ຕ້ອນຮັບ​ ໂດຍ ສະຫາຍ ພັນ​ຄຳ ວິພາ​ວັນ ກຳມະການ​ກົມ​ການ​ເມືອງ​ ສູນ​ກາງ​ພັກ ຮອງ​ປະທານ​ປະ​ເທດ, ​ພ້ອມ​ດ້ວຍ​ການ​ນຳ​ຂັ້ນ​ສູງ ພັກ-​ລັດ​ຖະບານ ແຫ່ງ ສປປ ລາວ ​ໃຫ້ການ​ຕ້ອນຮັບ ຢ່າງ​ສົມ​ກຽດ.

ຈາກນັ້ນ ທ່ານ ສອນໄຊ ສີພັນດອນ ນຳພາ ສະຫາຍ ສີຈິ້ນຜິງ ຍ່າງຜ່ານທະຫານແຖວກອງກຽດຕິຍົດ ໄປຂຶ້ນລົດ ເພື່ອເດີນທາງໄປ ທີ່ພັກຕິດຕາມໄປມີ ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ແລະຄະນະ.

​ພິທີ​ຕ້ອນຮັບ ສະຫາຍ ສີ ຈິ້ນ​ຜິ​ງ ພ້ອມ​ດ້ວຍ​ຄະນະ ​ໄດ້​ຈັດ​ຂຶ້ນຢ່າງ​ສົມ​ກຽດ​ ຂອງ​ວັນ​ດຽວກັນ ທີ່ທຳນຽບ ປະທາ​ນປະ​ເທດ, ໂດຍ​ ສະຫາຍ ບຸນ​ຍັງ ວໍລະ​ຈິດ ​ເລຂາທິການ​ໃຫຍ່​ ຄະນະ​ບໍລິຫານ​ງານ​ສູນ​ກາງ​ພັກ, ປະທານ​ປະ​ເທດ ​ແຫ່ງ ສປປ ລາວ ພ້ອມ​ດ້ວຍຄະນະ​ນຳ​ຂັ້ນ​ສູງ ​ຂອງ​ພັກ-​ລັດຖະບານ ສປປ ລາວ. ​ພາຍຫຼັງສຳ​ເລັດ ​ພິທີ​ຕ້ອນຮັບ ​ຢ່າງ​ເປັນ​ທາງ​ການ​ແລ້ວ ​​ຈະ​ມີພິທີ​ພົບ​ປະ​ສອງ​ຝ່າຍ ເພື່ອ​ປຶກສາ​ຫາລື ​​ແລະ ​ເສີມ​ຂະຫຍາຍ ​ການ​ຮ່ວມ​ມື​ຮອບດ້ານ​ໃນຕໍ່ໜ້າ.

ການ​ເດີນທາງມາ​ຢ້ຽມຢາມ ທາງ​ລັດຖະກິດ ສປປ ລາວ ຂອງ​ສະຫາຍ ສີ ຈິ້ນ​ຜິ​ງ ຈະ​ເປັນ​ນິມິດ​ໝາຍ​ອັນ​ດີ​ ໃຫ້​ແກ່​ການ​ເສີມ​ຂະຫຍາຍ ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ ຮອບດ້ານ ລະຫວ່າງ ​ປະຊາຊົນ​ສອງ​ຊາດ ລາວ-ຈີນ ​ໄດ້​ຮັບ​ການ​ພັດທະນາ ໃຫ້ນັບແຕກ​ດອກ​ອອກ​ຜົນຍິ່ງໆ​ຂຶ້ນ ​ໃນ​ອະນາຄົດ ​ແລະ ຍາວ​ນານ.

ທີ່ມາ: ຂ່າວສານປະເທດລາວ, ຂ່າວ: ທະນູ​ທອງ ພາບ: ສະຫວາ​ດ

ປະທານປະເທດ ສີຈິນຜິງ,ເດີນທາງເຖິງນະຄອນຫຼວງວຽງຈັນແລ້ວ ,ພວມໄດ້ຮັບການຕ້ອນຮັບຈາກປະຊາຊົນ ແລະ ນັກຮຽນນັກສຶກສາ ທີ່ຫໍຄໍາ. —————

Support Prime Minister Thongloun Sisoulithさんの投稿 2017年11月13日(月)

Comments