LV-IMEX
Senglao content (728×90)

5 ສິ່ງ​ທີ່​ຈຳ​ເປັນ​ ສຳລັບ​ການ​ເລີ່​ມຕົ້ນ​ທຸລະ​ກິດ​ສ່ວນ​ຕົວ

ເຊື່ອວ່າມີຫຼາຍໆຄົນ ຢາກມີທຸລະກິດເປັນຂອງຕົນເອງ ແຕ່ຍັງບໍ່ຮູ້ຊິເຮັດຫຍັງ? ແລະ ຈະເຮັດຫຍັງກ່ອນ? ຈະເລີ່ມຕົ້ນແນວໃດ? ມື້ນີ້ ເວັບໄຊທາເກັດມີມາໃຫ້ທ່ານໄດ້ຮັບຮູ້ກັນວ່າເຮົາຄວນກະກຽມຫຍັງແດ່ກ່ອນຈະສາມາດສ້າງທຸລະກິດໃດໜຶ່ງເປັນຂອງຄົນເອງ.

1. ຄວາມ​ຄິດ (Idea)

“ທຸກໆ​ຄວາມ​ສຳ​ເລັດ ຂອງ​ເສ​ດຖະກິດ​ທີ່​ສາມາດ​ສ້າງ​ເນື້ອ​ສ້າ​ງຕົວ​ຂຶ້ນ​ມາ​ເອງ​ໄດ້​ ມີ​ຈຸດ​ເລີ່​ມຕົ້ນ​ມາ​ຈາກ​ໄອ​ເດຍນ້ອຍໆ” ​ເປັນ​ຄຳ​ເວົ້າ​ຂອງ Napoleon Hill ນັກ​ຂຽນ ​ແລະ ນັກ​ເວົ້າ​ສ້າງ​ແຮງ​ບັນດານ​ໃຈ ຊາວ​ອາ​ເມຣິກາ.

​ເມື່ອ​ທ່ານ​ມີ​ຄວາມ​ຄິດ​ຢາກ​ສ້າ​ງທຸລະ​ກິດ​​ໃດ​ໜຶ່ງ​ເປັນ​ຂອງ​ຕົນ​ເອງ ທ່ານ​ຕ້ອງ​ມີ​ຄວາມ​ຄິດ​ທີ່​ວ່າ​ຈະ​ເຮັດ​ທຸລະ​ກິດ​ຫຍັງ? ວິທີ​ທີ່​ໃຊ້​ສ້າງ​ໄອ​ເດຍ​ແບບ​ງ່າຍໆ​ ມີ​ຢູ່ 2 ວິທີ​ຄື 1 ຄິດ​ວ່າ​ຈະ​ເຮັດ​ໃນ​ສິ່ງ​ທີ່​ຮັກ ​ແລະ ລື້​ງ​ເຄີຍ ​ເຊັ່ນ: ທ່ານ​ອາດ​ຈະ​ມັກ​ການ​ເຮັດ​ອາຫານ ​ແລະ ທ່ານ​ເຮັດ​ອາຫານ​ແຊບ ກໍ​ອາດ​ຈະ​ຄິດ​ວ່າ​ຈະ​ເຮັດ​ທຸລະ​ກິດ​ຮ້ານ​ອາຫານ​ກໍ​ເປັນ​ໄປ​ໄດ້, 2. ຈະ​ສ້າງ​ຄຸນຄ່າ​ບາງ​ຢ່າງ​ທີ່​ຄົນ​ອື່ນ​ຍັງ​ເບິ່ງ​ບໍ່​ເຫັນ​ເຊັ່ນ: ​​ບໍລິ​ເວນ​ໃກ້​ບ້ານ​ເຮົາ​ຍັງ​ບໍ່​ມີ​ສິ່ງ​ໃດ ​ເຮົາ​ກໍ​ເຮັດ​ສິ່ງ​ນັ້ນ​ຂຶ້ນ​ມາ​ຈຳໜ່າຍ ​ເພື່ອ​ສ້າງ​ຄວາມ​ສະດວກ​ຊື້​ໃຫ້​ກັບ​ຄົນ​ໃກ້​ບ້ານ​ກໍ​ເປັນ​ການ​ສ້າງ​ຄຸນຄ່າ, ຄຸນ​ປະ​ໂຫຍ​ດນັ້ນ​ເອງ.

2ຄວາມ​ຮູ້ ​ແລະ ທັກ​ສະ (Knowledge and Skill)

ຖ້າມີ​ພຽງ​ແຕ່​ຈະ​ອາ​ໄສຄວາມ​ຄິດທີ່​ດີ ກັບ​ຄວາມ​ຢາກ​ເຮັດ​ທຸ​ລະ​ກິດ​ພຽງ​ຢ່າງ​ດຽວ​ ຈະ​ບໍ່​ສາມາດ​ດຳ​ເນີນ​ທຸລະ​ກິດ​ໄດ້ ຖ້າ​ຍັງຂາດ​ຄວາມ​ຮູ້ ​ແລະ ທັກ​ສະ ທີ່​ຈະ​ໃຊ້​ໃນ​ການ​ດຳ​ເນີນ​ທຸລະ​ກິດ​ນັ້ນໆ​ໃຫ້​ຢູ່​ລອດ.  ​ເຊິ່ງຄວາມ​ຮູ້​ໝາຍ​ເຖິງ ສິ່ງ​ທີ່​ສາ​ມາດ​ຮຽນ​ຮູ້​ໄດ້​ຈາກ​ຜູ້​ອື່ນ​, ຈາກ​ປະສົບ​ການ, ອາດ​ຈະ​ດ້ວຍ​ການ​ສົນທະນາ, ຖາມ-​ຕອບກັບ​ຜູ້​ຮູ້, ຜູ້​ທີ່​ເຄີຍ​ເຮັດ​ມາ​ກ່ອນ ຫຼື ຈະ​ຊອກ​ອ່ານ​ປຶ້ມ, ຄົ້ນ​ຫາ​ທາງ​ອິນ​ເຕີ​ເນັດ​ເຊັ່ນ: ການ​​ເຮັດ​ບັນ​ຊີ, ກຳ​ໄລ​-ຂາດ​ທຶນ. ສ່ວນ​ທັກ​ສະ​ໝາຍ​ເຖິງ ສິ່ງ​ທີ່​ທ່ານ​ຮຽນ​ຮູ້​ໄດ້​ດ້ວຍ​ການ​ໄດ້​ລົງມື​ເຮັດ​ຈົນ​ເກີດ​ຄວາມ​ຊ່ຽວຊານ​ເຊັ່ນ: ການ​ຫາ​ສະຖານ​ທີ່​ທີ່​ເໝາະ​ແກ່​ທຸລະ​ກິດ​ຂອງ​ເຮົາ.

3. ​ເງິນ​ທຶນ (Capital)

ປະຕິ​ເສດ​​ໄດ້ຍາກ​ວ່າ ​ເງິນທຶນ​ບໍ່​ມີ​ຜົນ​ຕໍ່​ການ​ເລີ່​ມຕົ້ນ​ສ້າງ​ທຸລະ​ກິດ ຖ້າ​ໄອ​ເດຍຂອງ​ທ່ານ​ບໍ່​ສຸດ​ຍອດ ມີລະດັບ​ສາມາດ​ຫັນປ່ຽນໂລກ​ໄດ້​ຄື​ກັບ Microsoft, Google ຫຼື Facebook ທີ່​ມີນາ​ຍທຶນ​ມາ​ລົງທຶນ​ໃຫ້​ຕັ້ງ​ແຕ່​ເລີ່​ມຕົ້ນ​ສ້າງ​ທຸລະ​ກິດ. ສະ​ນັ້ນ, ຈະ​ຫຼາຍ​ ຫຼື ໜ້ອຍ ບໍ່​ວ່າ​ທຸລະ​ກິດ​ໃດ​ກໍ​ຕາມ​ທ່ານ​ຈຳ​​ເປັນ​ຕ້ອງ​ມີ​ເງິນ​ທຶນ​ໃນ​ການ​ເລີ່​ມຕົ້ນ​ທຸລະ​ກິດ ​ແລະ ມີ​ເງິນ​ທຶນ​ບາງ​ສ່ວນ​ທີ່​ເກັບ​ໄວ້​​ເພື່ອ​ເວລາ​ສຸກ​ເສີນ ​ແລະ ຈຳ​ເປັນ ​ໃນ​ການ​ຕໍ່ໄລຍະ​ເວລາ ​ຫາກ​ທຸລະ​ກິດ​ທ່ານ​ເກີດ​ຕິດ​ຂັດ​ເລື່​ອງການ​ເງິນ.

4. ສານ​ສາຍສຳພັນ (Connection)

“ການ​ສື່​ສານ ແລະ  ການ​ສ້າງສາ​ຍສຳພັນ ​ເປັນ​ກຸນ​ແຈ​ທີ່​ຈະ​ເປີດ​ປະຕູ​ຄວາມ​ສຳ​ເລັດ​ຂອງ​ທ່ານ” ນອກຈາກ 3 ສິ່ງ​ທີ່​ສຳຄັນ​ທີ່​ກ່າວ​ມາ​ນັ້ນ ການ​ສານ​ສາຍ​ຄວາ​ມສຳພັນ ຍັງ​ມີ​ບົດບາດ​ສຳຄັນ​ຕໍ່​ການ​ສ້າງ​ທຸລະ​ກິດ​ຂອງ​ທ່ານ ​​ຖ້າ​ຫາກ​ທ່ານ​ຮູ້ຈັກ​ຄົນ​ທີ່​ຊ່ວຍ​ເຫຼືອ​ທ່ານ​ໄດ້ ​ໃນ​ແງ່​ມູມທີ່​ທ່ານ​ບໍ່​ລື້​ງເຄີຍ, ການ​ສ້າງ​ທຸ​ລະ​ກິດ​ຂອງ​ທ່ານ​ຈະ​ງ່າຍ​ຂຶ້ນ​ເຊັ່ນ: ທ່ານ​ອາດ​ຈະມີໄອເດຍ ຫຼື ຄວາມຄິດໃນການຜະລິດສິນຄ້າທີ່ສຸດຍອດທີ່ສາມາດຕອບໂຈດຄວາມຕ້ອງການຂອງສັງຄົມໄດ້ເປັນຢ່າງດີ. ແຕ່ຖ້າທ່ານບໍ່ມີປະສົບການໃນການຂາຍ ແລະ ການນຳສະເໜີໃນການໂຄສະນາສິນຄ້າ ແຕ່ທ່ານຮູ້ຈັກສະໜິດສະໜົມ ແລະ ມີສາຍສຳພັນທີ່ດີກັບບໍລິສັດຫ້າງຮ້ານຕ່າງໆ ມັນກໍເປັນສິ່ງທີ່ສະດວກສະບາຍ ແລະ ງ່າຍດາຍ ທີ່ທ່ານຈະແນະນຳສິນຄ້າຂອງຕົນໄປສະເໜີໃຫ້ເຂົາເຈົ້າຊ່ວຍເຫຼືອໃນການຂາຍສິນຄ້າຂອງເຮົາ.

5. ທີ່​ປຶກສາ (Mentor)

ການ​ເຮັດ​ບາງ​ສິ່ງ​ບາງ​ຢ່າງ​ທີ່​ເປັນ​ສິ່ງ​ທີ່​ໃໝ່​ຈຳ​ເປັນ​ຕ້ອງ​ມີ ທີ່​ປຶກສາ ​(Mentor) ຜູ້​ທີ່​ມີ​ປະສົບ​ການ, ຄວາມ​ຮູ້​ຄວາມ​ສາມາດ ມາ​ສອນ​ໃຫ້​ຄວາມ​ຮູ້​ແກ່​ເຮົາ​ໃນ​ການຈະ​ເຮັດ​ທຸລະ​ກິດ​ສ່ວນ​ຕົວ​ ບໍ່​ວ່າ​ຈະ​​ເປັນ​ວິທີ​ຕ່າງໆ​ໃນ​ການ​ເວົ້າ​ຈາ​ສົນທະນາ​ແລກປ່ຽນ​ບົດຮຽນ ​ເຊິ່ງມັນ​ຈະ​ຊ່ວຍ​ເຮັດ​ໃຫ້​ທຸລະ​ກິດ​ຂອງ​ທ່ານ​ຂະຫຍາຍຕົວ​ໄດ້​ດີ​ຂຶ້ນ ​ແລະ ຈະ​ສາມາດ​ຮູ້​ຈຸດ​ດີ, ຈຸດ​ອ່ອນ, ຈຸດ​ແຂງ​ຂອງ​ທຸລະ​ກິດ​ຂອງ​ເຮົາ​ຢູ່​ບ່ອນ​ໃດ ຈະ​ບໍ່​ໄດ້​ເສຍ​ເວລາຕ້ອງ​ລອງ​ຖືກ​ລອງ​ຜິດ ​ແລະ ຊ່ວຍ​ຫຼຸດ​ຄວາມ​ສ່ຽງ​ໃນ​ການ​ທຸລະ​ກິດຈະ​ລົ້ມລະລາຍ​ອີກ​ດ້ວຍ.

Comments