LV-IMEX
Senglao content (728×90)

ເລຂາທິການໃຫຍ່ ລາວ-ຈີນ ຮ່ວມວາງສີລາລຶກ ໂຄງການຊ່ວຍເຫຼືອລ້າກໍ່ສ້າງໂຮງມະໂຫສົດ ຫຼັງໃໝ່

ໃນວັນທີ 14 ພະຈິກ 2017, ຢູ່ທີ່ໂຮງໝໍມະໂຫສົດ. ສະຫາຍ ບຸນຍັງ ວໍລະຈິດ ລຂາທິການໃຫຍ່ ແລະ ປະທານປະເທດລາວ  ແລະ ສະຫາຍ ສີ ຈິ້ນຜິງ ເລຂາທິການໃຫຍ່ ແລະ ປະທານປະເທດແຫ່ງ ສປ ຈີນ  ໄດ້ເຂົ້າຮ່ວມພິທີວາງສິລາລຶກ ໂຄງການກໍ່ສ້າງໂຮງໝໍມະໂຫສົດຫຼັງໃໝ່  ໂດຍມີການນຳຂັ້ນສູງພັກ-ລັດຖະບານ ແຫ່ງ ສປປ ລາວ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ລາຍງານໃຫ້ຮູ້ວ່າ: ໂຄງການກໍ່ສ້າງໂຮງໝໍມະໂຫສົດຫຼັງໃໝ່ ເປັນໂຮງໝໍຂະໜາດ 600 ຕຽງ, ສູງ 8 ຊັ້ນ, ເນື້ອທີ່ດິນກໍ່ສ້າງ 31 ພັນຕາແມັດ, ພື້ນທີ່ຊົມໃຊ້ 54 ພັນຕາແມັດ, ລວມມູນຄ່າການກໍ່ສ້າງທັງໝົດ 600 ລ້ານກວ່າຢວນ, ຄາດວ່າຈະສ້າງສຳເລັດໃນປີ 2020. ໂຄງການດັ່ງກ່າວ, ເປັນໂຄງການຂະໜາດໃຫຍ່ທີ່ສຸດ, ຈຳນວນຕຽງ ແລະ ມູນຄ່າການກໍ່ສ້າງຫຼາຍທີ່ສຸດທີ່ລັດຖະບານຈີນ ໄດ້ໃຫ້ການຊ່ວຍເຫຼືອໃນການກໍ່ສ້າງໂຮງໝໍແກ່ຕ່າງປະເທດ.
ພາຍຫຼັງສຳເລັດພິທີວາງສິລາລຶກ ສະຫາຍ ບຸນຍັງ ວໍລະຈິດ ແລະ ສະຫາຍ ສີ ຈິ້ນຜິງ ໄດ້ໄປຢ້ຽມຢາມຄົນເຈັບຜ່າຕັດຕາຂຸ້ນ ທີ່ໄດ້ຮັບການຊ່ວຍເຫຼືອຜ່າຕັດໂດຍແພດ ຈາກ ສປ ຈີນ.
ທີ່ມາ: ຂ່າວສານປະເທດລາວ.

Comments