LV-IMEX
Senglao content (728×90)

ຖ້າມະນຸດ ປ່ອຍແກັດກາກບອນ ຫຼາຍຂຶ້ນ ສ່ຽງທຳລາຍມໍລະດົກໂລກທາງທຳມະຊາດ

ກອງປະຊຸມ ປະຈຳປີ ລັດພາຄີ ອະນຸສັນຍາ ສະຫະປະຊາຊາດ ວ່າດ້ວຍການປ່ຽນແປງ ສະພາບອາກາດ COP23 ຈັດຂຶ້ນຢູ່ ນ​ະຄອນບອນ ປະເທດ ເຢຍລະມັນ ໃນລະຫວ່າງ ວັນທີ 6-17 ພະຈິກນີ້ ໂດຍມີ ບັນດາ ເຈົ້າຄອງນະຄອນ 25 ປະ​ເທດຈາກ ທົ່ວໂລກ ເຂົ້າຮ່ວມ ແລະ ປະກາດ ແຜນການ ຫຼຸດຜ່ອນການປ່ອຍແກັດ ກາກບອນ ສູ່ຊັ້ນບັນຍາກາດ ລົງເປັນສູນ ພາຍໃນປີ 2050 , ດຳເນີນແຜນ ການປະຕິບັດ ຫຼຸດຜ່ອນໂລກຮ້ອນໃໝ່ ທີ່ພັດທະນາ ດ້ວຍການຊ່ວຍເຫຼືອ ຈາກເຄືອຂ່າຍ 40 ລັດໃນທົ່ວໂລກ C 40, ​​ເຊິ່ງຈະ​ເລີ່​ມ​ ມີ​ຜົນ​ບັງ​ຄັບ​ໃຊ້​ໃນ​ປີ 2020. ​​ ຈະ​ເລີ່​ມ​​ແຕ່​ນະ​ຄອນ​ຫຼວງ​ ອັກ​ກຼາ ປະ​ເທດ​ກາ​ນາ ​ໄປ​ຍັງ ​ນະຄອນຫຼວງ​ ລອນ​ດອນ​ ຂອງ​ອັງກິດ ​ແລະ ອື່ນໆ ພ້ອມ​ກັນ​ນັ້​ນ​​ ​ໃຫ້​ບັນດາ​ເຈົ້າ​ຄອງ​ນະ​ຄອນ​ ປະກາດ​​ແຜນການ ​ດັ່ງກ່າວ ​ໃຫ້​ແກ່​ຜູ້​ທີ່ອາ​ໄສ​​ ໃນ​ພື້ນ​ທີ່​ນັ້ນ ​ກ່ຽວ​ກັບຜົນ​ປະ​ໂຫຍ​ດ ທີ່​ຈະ​ໄດ້​ຮັ ​ເພີ່ມ​ຂຶ້ນ​ ທາງ​ດ້ານ​ສັງຄົມ, ສິ່ງ​ແວດ​ລ້ອມ ​ແລະ ​ເສດຖະກິດຈາກ​ແຜນການ​ຫຼຸດຜ່ອນ ​ຄວາມ​ຮ້ອນ.

ວັນທີ 13 ພະຈິກທີ່ຜ່ານມາ, ທີມນັກວິທະຍາສາດ ໂຄງການແກັດກາກບອນທົ່ວໂລກເປີດເຜີຍວ່າ: ການປ່ອຍແກັດກາກບອນທົ່ວໂລກໃນປີນີ້ ເພີ່ມຂຶ້ນສູງປະມານ 2% ຫຼື 40.800 ລ້ານຕັນທ ຖ້າທຽບຈາກ 60 ປີກ່ອນ ທົ່ວໂລກປ່ອຍແກັດກາກບອນພຽງ 9.200 ລ້ານຕັນ.

ນອກນີ້, ໃນກອງປະຊຸມດັ່ງກ່າວ, ສະຫະພາບອານຸລັກທຳມະຊາດລະຫວ່າງປະເທດ (IUCN) ຍັງໄດ້ກ່າວວ່າ: ສະພາບອາກາດປ່ຽນແປງໂລກເລີ່ມເປັນອັນຕະລາຍຕໍ່ມໍລະດົກໂລກທາງທຳມະຊາດ ແລະ ຈຸດສ່ຽງເພີ່ມຂຶ້ນເປັນ 62 ແຫ່ງຈາກ 35 ແຫ່ງໃນປີ 2014 ໂດຍລະບົບນິເວດຕົກເປັນໄພຄຸກຄາມຫຼາຍທີ່ສຸດ.

 

Comments