LV-IMEX
Senglao content (728×90)

ນາງສາວ ດວງພະໄທ ເມກສີທອງ ນາງສາວລາວປະຈຳປີ 2017

ໃນຄໍ່າຄືນຂອງວັນເສົາ ວັນທີ 18 ພະຈິກ 2017 ທີ່ຜ່ານມາ, ຢູ່ທີ່ ຫໍປະຊຸມແຫ່ງຊາດ (ຫຼັກ5).  ໄດ້ຈັດ ພິທີປະກວດນາງສາວລາວຮອບຊີງຊະນະເລີດຂຶ້ນ.  ໂດຍມີທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ, ມີທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວລາວ, ທ່ານ ຫົງຄໍາ ສຸວັນນະວົງ ຜູ້ອໍານວຍການໂທລະພາບ TV Lao HD, ພາກສ່ວນກ່ຽວຂ້ອງ, ຜູ້ໃຫ້ການສະໜັບສະໜູນ, ແຂກຮັບເຊີນ ພ້ອມດ້ວຍບັນດາພໍ່ແມ່ຜູ້ປົກຄອງ ແລະ ມວນຊົນເຂົ້າຮ່ວມຢ່າງຫຼວງຫຼາຍ.

ຜົນການປະກວດຜູ້ທີ່ໄດ້ຄອງມຸງກຸດ ນາງສາວລາວ Miss Laos ປະຈຳປີ 2017 ໄດ້ແກ່ໝາຍເລກ ML13 ນາງ ດວງພະໄທ ເມກສີທອງ ແລະ ຍັງໄດ້ຮັບລາງວັນ  ນາງສາວໜ້າອ່ອນກວ່າໄວໄດ້ຮັບມຸງກຸດເພັດມູນຄ່າ 35 ລ້ານກີບ, ໄດ້ຮັບເງິນສົດ 30 ລ້ານກີບ, ພ້ອມດ້ວຍສາຍສະພາຍ, ຄໍາໜັກ 2 ບາດ, ໂນດບຸກ 1 ໜ່ວຍ ແລະ ລາງວັນອື່ນໆ.

ສໍາລັບນາງສາວລາວປະຈໍາປີ 2017 ນີ້, ຈະໄດ້ເປັນຕົວແທນນາງສາວລາວເຄື່ອນໄຫວກິດຈະກໍາຕ່າງທົ່ວສັງຄົມທີ່ທາງພັກ-ລັດ ມອບໝາຍໃຫ້ຕະຫຼອດ 1 ປີ. ພິເສດຍັງໄດ້ຮັບລາງວັນນາງສາວທ່ອງທ່ຽວລາວ ເພື່ອເປັນຕົວແທນແມ່ຍິງລາວໂຄສະນາແຫຼ່ງທ່ອງທ່ຽວຕ່າງໆທົ່ວປະເທດ ໃຫ້ຊາວໂລກໄດ້ຮັບຮູ້ ໃນໂອກາດປີທ່ອງທ່ຽວລາວປີ 2018 ທີ່ຈະມາເຖິງນີ້.

ຮອງອັນດັບທີໜຶ່ງ  ML15 ນາງ ຈັນປະເສີດ ສິດທິພັນ ຈາກແຂວງອັດຕະປື ໄດ້ຮັບເງິນສົດ 20 ລ້ານກີບ, ພ້ອມດ້ວຍສາຍສະພາຍ ແລະ ລາງວັນອື່ນໆ.

ຮອງອັນດັບທີສອງ, ML19 ນາງ ວິລາພອນ ຂັນແກ້ວ ໄດ້ຮັບເງິນສົດ 15 ລ້ານກີບ.

ຮອງອັນດັບທີສາມ, ML9 ນາງ ສຸດາວອນ ອິນທະວົງ ໄດ້ຮັບເງິນສົດ 10 ລ້ານກີບ

ຮອງອັນດັບທີສີ່ ML8 ນາງ ເຂັມເພັດ ອະນຸລັກ ຈາກແຂວງຫຼວງພະບາງ, ໄດ້ຮັບເງິນສົດ 8 ລ້ານກີບ 

ML 4 ນາງ ດວງໃຈ ແກ້ວວົງສີ ລາງວັນນາງສາວມິດຕະພາບ 

ML1 ນາງ ພອນມະນີ ໂພທິສານ ນາງສາວຂັວນໃຈຊ່າງພາບ

 

 

Comments