Senglao content (728×90)
Senglao content (728×90)

ຖ້າເຮົາຄິດວ່າເຮົາເປັນຄົນບໍ່ເກັ່ງ ຈະເຮັດໃຫ້ເຮົາມີຄວາມພະຍາຍາມຫຼາຍຂຶ້ນ

 

    ສາວງາມຈາກແຂວງຫຼວງພະບາງທີ່ຫຼາກຫຼາຍຄວາມສາມາດອະດີດນາງສັງຂານຫຼວງພະບາງປີ  2008 ທຸກຄົນອາດຮູ້ຈັກກັນດີໃນວຽກວົງການບັນເທີງບໍ່ວ່າຈະເປັນພຣີເຊັນເຕີໃຫ້ກັບຫຼາຍຜະລິດຕະ ພັນ, ເປັນທັງນັກຮ້ອງ, ນັກສະແດງ, ພິທີກອນ ແລະ ປັດຈຸບັນ, ສາວງາມຄົນນີ້ກໍຍັງມີທຸລະກິດເປັນຂອງຕົວເອງເຊິ່ງເປັນທຸລະກິດກ່ຽວກັບເຄື່ອງສໍາອາງເອົາເປັນວ່າເຮົາໄປຮູ້ຈັກກັບສາວງາມຄົນນີ້ກັນເລີຍດີກວ່າ…ບາງສິ່ງອາດບໍ່ເຄີຍມີໃຜຮູ້ມາກ່ອນ.

ສະບາຍດີ, ຊື່ ວີນາ ບຸບຜາ ອາຍຸ 28 ປີ ເປັນຄົນຫຼວງພະບາງໂດຍກໍາເນີດເດີ! ປັດຈຸບັນເຮັດທຸລະກິດກ່ຽວກັບເຄື່ອງສໍາອາງເປັນ Brand ຂອງຕົວເອງຊື່ວ່າ Lavina ນອກຈາກນີ້ກໍຍັງມີວຽກໃນວົງການບັນເທີງຄືຜ່ານມາແມ່ນເຄີຍເປັນ “ພຣີເຊັນເຕີ”(Presenter) ໃຫ້ກັບຫຼາຍໆຜະລິດຕະພັນ, ເປັນທັງນັກຮ້ອງເຈົ້າຂອງເພງ “ແລ້ວຂ້ອຍເດ” ແລະ ເພງ “ຈິງຈັງເທົ່າໃດ”, ເປັນພິທີກອນ ແລະ ຫຼ້າສຸດກໍໄດ້ມີໂອກາດສະແດງ (ເປັນນາງເອກ) ຮູບເງົາເລື່ອງວັນຄົບຮອບ(The anniversary).

“ວີນາ” ເລີ່ມເຂົ້າວົງການບັນເທີງມາແຕ່ປີ 2005 ໂດຍຊະນະການປະກວດໂຄງການຊອກຫາສາວຜິວໄສຂອງ (Pond’s) ແລະ ໄດ້ເປັນພຣີເຊັນເຕີ (Presenter) 3 ປີ ຈາກນັ້ນກໍໄດ້ເຂົ້າປະກວດນາງສັງຂານຫຼວງພະບາງໃນປິີ 2008 ເນື່ອງຈາກຄອບຄົວເປັນຜູ້ສະໜັບສະໜູນຢາກໃຫ້ປະກວດເພາະແມ່ ແລະ ນ້າສາວກໍເຄີຍເປັນນາງສັງຂານ ອີກຢ່າງພໍ່ເຖົ້າເພິ່ນກໍເປັນຄົນທີ່ອອກແບບການແຕ່ງຕົວໃຫ້ກັບນາງສັງຂານຜູ້ທີ່ໄດ້ທີ 1 ໃນແຕ່ລະປີຢູ່ແລ້ວເລີຍຢາກໃຫ້ຫຼານສາວເຂົ້າປະກວດ ແລະ ໃນທີ່ສຸດກໍສາມາດເຮັດຕາມຄວາມປາດຖະໜາຂອງຄອບຄົວໄດ້ກໍຄືໄດ້ທີ່ 1 ໃນການປະກວດໃນປີນັ້ນ, ຫຼັງຈາກນັ້ນ,ກໍເຮັດໃຫ້ຫຼາຍຄົນໄດ້ຮູ້ຈັກ ແລະ ໃຫ້ຄວາມສົນໃຈກໍມີວຽກງານການບັນເທີງເຂົ້າມາໃຫ້ເຮັດເລື້ອຍໆບໍ່ວ່າຈະເປັນການເດີນແບບ ແລະ ເປັນພຣີເຊັນໃຫ້ກັບຜະລິດຕະພັນແບຣນໃຫຍ່ໆ.

ເວົ້າເລື່ອງການສະແດງໃນຮູບເງົາເລື່ອງວັນຄົບຮອບໃຫ້ຟັງແດ່?

ຮູບເງົາເລື່ອງນີ້!ເປັນເລື່ອງ  Romantic Comedy ເປັນການກຳກັບຮູບເງົາທຳອິດຂອງອ້າຍ Jojo Miracle ພະເອກແມ່ນ ບັອບບີ່ ອັດສະວິນ ຮັບບົດເປັນ “ວິນ” ສ່ວນ ວິນາ ເອງ ຮັບບົດເປັນ
“ຫວານ” ເປັນເລື່ອງລາວຂອງຜູ້ຊາຍຄົນໜຶ່ງທີ່ມີພ້ອມທຸກຢ່າງ ແຕ່ສິ່ງທີ່ລາວຂາດຢ່າງດຽວຄື: “ຄວາມຮັກ” ລາວເຄີຍມີແຟນມາຫຼາຍຄົນແຕ່ບໍ່ເຄີຍຈິງຈັງ, ບໍ່ເຄີຍສົມຫວັງ ແລະ ບໍ່ເຄີຍມີວັນຄົບຮອບຈົນລາວເລີ່ມໝົດສັດທາໃນຄວາມຮັກ ແຕ່ລາວກັບໄດ້ມາພົບກັບ “ຫວານ” ລາວຈຶ່ງງເລີ່ມມີຄວາມເຊື່ອເລື່ອງຄວາມຮັກຂຶ້ນມາ ແລະ ເຮັດທຸກວິທີທາງເພື່ອເຮັດໃຫ້ຄວາມຮັກຄັ້ງນີ້ຂອງລາວສົມຫວັງດັ່ງທີ່ລາວປາຖະໜາ.“ຫວານ“ ຈະເປັນຄົນຂີ້ດື້, ເປັນຄົນຢຶດໝັ້ນໃນຕົວເອງແລະ ຕະຫຼົກເຮຮ່າ. ເຊິ່ງຮູບເງົາເລື່ອງນີ້ກໍໄດ້ເປີດສາຍໃຫ້ມວນຊົນໄດ້ຮັບຊົມກັນແລ້ວທຸກໂຮງຮູບເງົາທົ່ວປະເທດລາວໃນວັນ 30 ມີນາ 2017 ທີ່ຜ່ານມາ ແລະ ກໍຈະໄດ້ສາຍອີກຄັ້ງໃນງານ Luang Prabang Film Festival 2017 ໃນລະຫວ່່າງວັນທີ 8-13 ທັນວາ 2017 ທີ່ຈະມາເຖິງນີ້.

  • ສຸດທ້າຍຢາກຝາກຫຍັງເຖິງແຟນໆທີ່ຕິດຕາມບໍ່?

ກໍຂໍຝາກຜົນງານໃນວົງການບັນເທີງ! ຕິດຕາມເບິ່ງວ່າ “ວີນາ” ຈະມີຜົນງານຫຍັງອີກຕໍ່ໄປມາໃຫ້ແຟນໆໄດ້ຕິດຕາມ ແລະ ເປັນກຳລັງໃຈໃຫ້ແນ່ເດີເພາະ “ວີນາ” ກໍຈະທຸ້ມເທໃນການເຮັດວຽກວົງການບັນເທີງໃຫ້ດີທີ່ສຸດເພາະເປັນສິ່ງທີ່ “ວີນາ” ຮັກ ແລະ ກໍຂໍຝາກຜະລິດຕະພັນເຄື່ອງສຳອາງ “ລາວີນາ”ເປັນອີກທາງເລືອກແນ່ເດີ ກໍຢາກໃຫ້ຄົນລາວເຮົາເປີດໃຈທົດລອງໃຊ້ຜະລິດຕະພັນຂອງຄົນລາວນຳກັນ ແລະກໍສາມາດຕິຊົມໄດ້ເພື່ອຈະໄດ້ມີການປັບປຸງໃນອະນາຄົດຈັ່ງໃດກໍຂໍຝາກໄວ້ແດ່ເດີ່! FB: Vena Boupha

(ການຖ່າຍແບບ ໃນທາງວາລະສານ ທາເກັດ ສະບັບທີ 136 ເດືອນພະຈິກ  2017  ສອບຖາມຈອງເປັນ ສະມາຊິກ ໄດ້ທີເບີ 021 216 666)

Comments