Senglao content (728×90)

ລາວ-ເຢຍລະມັນ ຫາລືການຮ່ວມມື ຂົງເຂດວັດທະນະທຳ

ໃນວັນທີ 12 ພຶດສະພາ2016 ນີ້, ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ Michaeal GRAU  ເອກອັກຄະລັດຖະທູດ ວິສາມັນ ຜູ້ມີອຳນາດເຕັມແຫ່ງປະເທດ ເຢຍລະມັນ ປະຈຳ ສປປ ລາວ ເພື່ອປຶກສາຫາລືກ່ຽວກັບ ການພົວພັນຮ່ວມມື ລະຫວ່າງ ສອງປະເທດ ລາວ ແລະ ເຢຍລະມັນ ໃນດ້ານການພັດທະນາ, ການປົກຄອງ ແລະ ຂົງເຂດວັດທະນະທຳ.

ທ່ານລັດຖະມົນຕີ ບໍ່ແສງຄຳ ວົງດາລາ ໄດ້ສະແດງຄວາມຍິນດີຕ້ອນຮັບ, ຊົມເຊີຍ, ພ້ອມທັງຕີລາຄາສູງຕໍ່ທ່ານ Michaeal GRAU ທີ່ມາພົບປະປຶກສາຫາລື ໃນຄັ້ງນີ້ ເຊິ່ງເປັນການປະກອບສ່ວນ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ລະຫວ່າງ ສປປ ລາວ ກັບ ເຢຍລະມັນ ໂດຍສະເພາະ ການຮ່ວມມືໃນຂົງເຂດທ່ອງທ່ຽວ, ການຮ່ວມມືດ້ານປະຕິສັງຂອນມໍລະດົມວັດທະນະທຳ, ສື່ມວນຊົນ ແລະ ການຮ່ວມມືໃນຕໍ່ໜ້າ ໃຫ້ມີບາດກ້າວຂະຫຍາຍຕົວຂຶ້ນໄປເລື້ອຍໆ.

ໃນໂອກາດນີ້ ທ່ານ Michaeal GRAU ກໍໄດ້ສະແດງຄວາມຂອບໃຈ ມາຍັງທ່ານ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທຽວ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງ ແຈ້ງໃຫ້ຮູ້ວ່າເຢຍລະມັນ ຍັງຈະສືບຕໍ່ຮ່ວມມືກັບ ສປປ ລາວ ໃນຫລາຍຂົງເຂດວຽກງານຕໍ່ໄປ ໃນອານາຄົດ.ຂ່າວ-ພາຍ: ຂປລ

Comments