LV-IMEX
Senglao content (728×90)

ແຂວງບໍ່ແກ້ວ ໄຂກອງປະຊຸມຜູ້ບໍລິຫານການສຶກສາສົງ ທົ່ວປະເທດຄັ້ງທີ XIII

ໃນວັນທີ 28-30 ພະຈິກ 2017 ທີ່ສະໂມສອນແຂວງບໍ່ແກ້ວ, ກອງປະຊຸມຜູ້ບໍລິຫານການສຶກສາສົງ ທົ່ວປະເທດ ຄັ້ງທີ XIII ໄດ້ໄຂຂຶ້ນ ໂດຍການເປັນປະທານຂອງ ທ່ານ ພະອາຈານໃຫຍ່ ມະຫາງອນ ດຳຣົງບຸນ ປະທານສູນກາງ ອົງການພະພຸດສາດສະໜາສຳພັນລາວ, ມີທ່ານ ຄໍາພັນ ເຜີຍຍະວົງ ເຈົ້າແຂວງບໍ່ແກ້ວ, ທ່ານພະອາຈານ ພູສະຫວັນ ພັນທະບົວລີ ຫົວໜ້າກຳມະທິການສຶກ ສາສົງສູນກາງ ອົງການພະພຸສາສະໜາສຳພັນລາວ, ພະອາຈານ ຄຳເງີນ ຄຳວົງ ປະທານອົງ ການພະພຸດສາສະໜາສຳພັນລາວ ແຂວງ ບໍ່ແກ້ວ, ມີບັນດາຄະນະຜູ້ແທນສຶກສາສົງທົ່ວປະເທດ ແລະ ແຂກຖືກເຊີນເຂົ້າຮ່ວມ.

ໃນການຈັດກອງປະຊຸມຄັ້ງນີ້, ກໍເພື່ອຕີລາຄືນເຖິງຜົນສຳເລັດ ຂອງການຈັດຕັ້ງປະຕິບັດມະຕິກອງປະຊຸມ ຜູ້ບໍລິຫານການສຶກສາສົງ ທົ່ວປະເທດ ຄັ້ງທີ XII ​ເຊິ່ງຈັດ​ຂຶ້ນ​ທີ່ ແຂວງຈຳປາສັກ ສົກ 2016–2017, ພ້ອມນີ້ ຍັງໄດ້ຄົ້ນຄ້ວາ ສົນທະນາແລກປ່ຽນ ຄວາມຄິດຄໍາເຫັນເຊິ່ງກັນ ແລະ ກັນ ເພື່ອຍົກໃຫ້ເຫັນບັນຫາອັນພົ້ນເດັ່ນທີ່ມີຢູ່ ໃນແຕ່ລະທ້ອງຖິ່ນ ແລະ ຂໍ້ຄົງຄ້າງຕ່າງໆ ເພື່ອຖອດຖອນບົດຮຽນ ​ແລະ ຮ່ວມກັນແກ້ໄຂ, ທັງຮັບຮອງເອົາທິດທາງ ແລະ ແຜນການ 2017-​2018 ​ເພື່ອນຳໄປຈັດຕັ້ງຜັນຂະຫຍາຍ ເຮັດໃຫ້ມີຄວາມເອກະພາບ, ສອດຄ່ອງກັບສະພາບຄວາມເປັນຈິງ ຂອງແຕ່ລະຂະແໜງການສຶກສາສົງໃນປະຈຸບັນ.

ທ່ານ ອາຈານ ສົມຊາຍ ຈັນທະວົງ ຫົວໜ້າຫ້ອງການສຶກສາສົງສູນກາງ ​ໃຫ້​ຮູ້​ວ່າ: ໃນສົກປີ 2016-​2017 ສາມາດຈັດຕັ້ງປະຕິບັດແຜນພັດທະນາການສຶກສາ ສາມັນສຶກສາສົງຕອນຕົ້ນໄດ້ບັນລຸຄາດໝາຍທີ່ວາງໄວ້, ເມື່ອທຽບ ໃສ່ສົກ ປີ 2015-2016 ແມ່ນເພີ່ມຂຶ້ນ 483 ອົງ ເທົ່າກັບ 10,73%, ສ່ວນວຽກງານການສຶກສາ ຊັ້ນສາມັນສຶກສາສົງຕອນປາຍສົກ ປີ 2016-2017 ແມ່ນໄດ້ຮັບການປັບ ປຸງທາງດ້ານຄຸນນະພາບ ແລະ ປະລິມານ, ​ເຊິ່ງມີອັດຕາການເຂົ້າຮຽນເພີ່ມຂຶ້ນ ແຕ່ລະປີ. ທັງນີ້ຍ້ອນ ມີນັກຮຽນທີຈົບຈາກປະຖົມສຶກສາສົງ ແລະ ມັດຖະຍົມສຶກສາສົງ ແມ່​ນເພີ່ມຂຶ້ນ. ເມື່ອທຽບໃສປີ 2015- 2016 ຈຳນວນຄູສອນຫຼຸດລົງ 25 ອົງ, ແຕ່ນັກຮຽນເພີ່ມຂຶ້ນ 19 ອົງ. ສາເຫດຍ້ອນກໍາມະທິການສຶກສາສົງ ​ໄດ້ເອົາໃຈໃສ່ການລົງທຶນ ໃນການກໍ່ສ້າງພື້ນຖານໂຄງລ່າງ, ຂະ ຫຍາຍຫ້ອງຮຽນ ແລະ ກໍ່ ສ້າງຄູບັນພະຊິດ ເພື່ອຮອງຮັບຈຳນວນນັກຮຽນສົງ ທີ່ເພີ່ມຂຶ້ນເລື້ອຍໆ.

ສຳລັບທິດທາງ ແລະ ແຜນການພັດທະນາການສຶກສາສົງ ສົກປີ 2017-2018 ຈະສືບຕໍ່ຂະ ຫຍາຍໂຮງຮຽນສາມັນສຶກສາສົງ ໄປແຂວງທີ່ຍັງບໍ່ທັນມີ ເຊັ່ນ: ແຂວງຜົ້ງສາລີ ແລະ ແຂວງໄຊ ສົມບູນ; ສືບຕໍ່ເພີ່ມອັດຕາເຂົ້າຮຽນ ໃນຊັ້ນມັດທະຍົມສຶກສາສົງໃຫ້ຫຼາຍຂຶ້ນ; ປັບປຸງຫຼັກສູດວິຊາ ທາງດ້ານພຸດສາສະໜາ ຊັ້ນມັດທະຍົມສຶກສາສົງຕອນຕົ້ນ ຮອດປີ 2020 ແມ່ນໃຫ້ສໍາເລັດ. ພ້ອມດຽວກັນນີ້, ຍັງຈະໄດ້ຊຸກຍູ້-ສົ່ງເສີມ ໃຫ້ນັກຮຽນທີ່ຮຽນຈົບ ມ7 ໄດ້ເຂົ້າຮຽນໃນສາຍຄູ ສາຂາພຸດສາສະໜາ ໃຫ້ພຽງພໍກັບຄວາມຮຽກຮ້ອງຕ້ອງ ການຂອງວິທະຍາໄລຄູ ທັງ 2 ແຫ່ງ ແລະ ເສີມຂະຫຍາຍສ້າງຕັ້ງວິ ທະຍາໄລຄູສົງ ຢູ່ພາກກາງ ແລະ ພາກເໜືອ ໃຫ້ສຳເລັດຕາມເປົ້າໝາຍ.

ທີ່ມາ: ຂ່າວ-ພາບ: ບຸນເພັດ ໄຊຍະວົງ

Comments