LV-IMEX
Senglao content (728×90)

ລາວ-ໄທ-ສິງກະໂປ ຮ່ວມມືກັນຕັ້ງສາຍການບິນຂອນແກ່ນແອລາຍ

ວັນທີ 29 ພະຈິກ 2017  ຢູ່ທີ່ຈັງຫວັເຂອນແກ່ນ (ປະເທດໄທ) ໄດ້ມີພິທີເຊັນສັນຍາລົງນາມການຮ່ວມມືໃນການສຶກສາແຜນການຈັດຕັ້ງ ສາຍການບິນຂອນແກ່ນ (Khonkaen Airline) ລະຫວ່າງ ທ່ານ ເຂັມຊາດ ສົມໃຈວົງ ປະທານສະພາການຄ້າ ຈັງຫວັດຂອນແກ່ນ, ທ່ານ ຄຳຫຼ້າ ລໍລອນສີ ຮອງປະທານກຳມະການບໍລິຫານ ກຸ່ມບໍລິສັດ ພົງສະຫວັນ ສປປ ລາວ ແລະ ທ່ານ ໄມເຄິນ ອໍ ປະທານກຳມະການບໍລິຫານ ບໍລິສັດ ແມ່ຂອງກຼຸບ ປະເທດສິງກະໂປ.

ໃນໂອກາດດຽວກັນນີ້, ທ່ານ ເຂັມຊາດ ສົມໃຈວົງ ໄດ້ກ່າວວ່າ: ການຈັດຕັ້ງສາຍການບິນປະຈຳ ຈັງຫວັດຂອນແກ່ນ ຫຼື Khonkaen Airlines ເປັນແຜນການດຳເນີນງານທີ່ສະພາການຄ້າ ຈັງຫວັດຂອນແກ່ນ ກັບກຸ່ມບໍລິສັດພົງສະຫວັນ (ລາວ) ໄດ້ດຳເນີນງານຮ່ວມກັນ ໂດຍມີບໍລິສັດແມ່ຂອງກຣຸບ ປະເທດສິງກະໂປ ເປັນຜູ້ເຮັດການສຶກສາໃນລາຍລະອຽດຂັ້ນຕອນຕ່າງໆ

ໂດຍໄລຍະທຳອິດສຶກສາວ່າດ້ວຍກົດໝາຍການບິນຂອງໄທ ແລະຕ່າງປະເທດ ໃນການຂໍອະນຸຍາດການຈັດຕັ້ງສາຍການບິນ ອາດຈະຈົດທະບຽນເປັນສັນຊາດໄທ ຈາກນັ້ນຈະເຂົ້າສູ່ຂັ້ນຕອນຂອງການສຶກສາການດຳເນີນງານຂອງສາຍການບິນທັງລະບົບ ໂດຍກຸ່ມບໍລິສັດພົງສະຫວັນ ທີ່ເຮົາຮູ້ຈັກກັນໃນຊື່ ສາຍການບິນລາວເຊັນໂທຣແອລາຍ ເຮັດໜ້າທີ່ຈັດຫາເຮືອບິນມາໃຫ້ບໍລິການ ໂດຍໃນໄລຍະທຳອິດໄດ້ມີການປະສານງານໃນການຈັດຫາເຮືອບິນທີ່ມາຄັດເລືອກໃຊ້ໂບອິ້ງ 737-800 MAX ແລະ 777-300 ມາໃຫ້ບໍລິການໃນໄລຍະເລິ່ມຕົ້ນ.

ແຫຼ່ງຂ່າວ: Laotiantimes

Comments