LV-IMEX
Senglao content (728×90)

ກອງອັດຖະ

ສະບາຍດີບັນດາທ່ານຜູ້ອ່ານ ແລະ ຕິດຕາມເວັບໄຊທາເກັດເປັນປະຈຳ ມື້ນີ້ ທາເກັດພວກເຮົາ ຈະມານຳສະເໜີໃຫ້ບັນດາທ່ານໄດ້ຮູ້ກ່ຽວກັບ “ກອງອັດຖະ” ມີມູນເຫດ ຄວາມເປັນມາແນວໃດ.

ຄຳ​ວ່າ “ອັດຖະ ໄດ້​ແກ່​ບໍ​ລິ​ຂານ 8 ປະ​ການມີ ​ບາດ ເປັນ​ຕົ້ນພິ​ທີ​ທຳ​ເໝືອນ​ກັບ “​ກະຖິນ” ຄື​ບໍ​ລິ​ຂານ​ຄົບ 8  ແຕ່​ ​ຈະ​ຖວາຍ​ທໍ່​ໃດ​ກອງກໍ​ໄດ້​ໃນ​ປີ​ໜຶ່ງໆ ສ່ວນ​ການ​ທອດ ​ກໍ​ທອດ​ໃຫ້​ແກ່ພຣະ​ສົງ ​ສຸດ​ແຕ່ພຣະ​ສົງ​ຈະ​ຍິນຍອມມອບ​ໃຫ້​ແກ່​ໃຜ​ຈະ​ ອະ​ປະ​ໂລກ ຫຼື ບໍ່​ອະ​ປະ​ໂລກ ​ກໍ​ໄດ້​ຕາມ​ທີ່​ເຮັດ​ມາບໍ່​ຄ່ອຍ​ວ່າ​ຈະ​ໄດ້ ​ອະ​ປະ​ໂລກ​ ກັນເມື່ອ​ພຣະ​ເຖ​ລະ​ ເຫັນ​ສົມ​ຄວນ​ແກ່​ອົງ​ໃດ​ກໍ​ຖວາຍ​ອົງ​ນັ້ນ ພໍ່​ອອກ​ແມ່​ອອກ ບໍ່​ມີ​ສິດ​ຖວາຍ​ໄດ້​ຕາມ​ໃຈ​ຊອບ ກຳ​ນົດ​ການ​ເຮັດ​ “ກອງອັດຖະ” ນັ້ນ​ແມ່ນໃນ​ໄລ​ຍະ ຫຼັງ​ຈາກ​ທອດ “​ກະຖິນ”​ ແລ້ວ ຈະ​ເປັນ​ເດືອ​ນ​ໃດ​ກໍ​ໄດ້.

ມູນເຫດຂອງກາເຮັດກອງອັດຖະ

ການ​ປະ​ລົບ​ເຫດ ທາຍົກ ​ຕ້ອງ​ການ​ສົງ​ເຄາະ​ພິກ​ສຸ ຫຼາຍ​ຮູບເຊັ່​ນ: ໃນ​ວັດ​ໜຶ່ງ​ມີ​ພຣະ​ເຖ​ລະ​ຜູ້​ຊົງ​ຄຸນນ​ວຸດ​ທິຫຼາຍ​ຮູບ ທາຍົກ ​ຫາກ​ຈະ​ມີ​ສັດ​ທາ​ສາ​ມາດ​ທຳ​ກະ​ຖິນ​ທຳ​ຖະ​ຫວາຍ​ໄດ້ ແຕ່ບໍ່​ກົງ​ກັບ​ພຸດ​ທະ​ບັນ​ຍັດເພາະ​ຊົງ​ສະ​ແດງ​ໄວ້​ວ່າ ວັດ​ໜຶ່ງ​ຈະ​ເຮັດ​ກ​ະ​ຖິນ​ໄດ້​ພຽງ​ແຕ່ກອງ​ດຽວ ທາຍົ​ ຈຶ່ງ​ຫາ​ວິ​ທີ​ອອກ​ດ້ວຍ​ການ​ທຳ ອັດຖະ” ມາ​ຖວາຍ​ ຄວາມຈິງແທ້​ກໍ​ຄືກະຖິນ ແຕ່​ໃຫ້​ຊື່​ວ່າ “ກອງອັດຖະ” ສ່ວນ​ການ​ທຳ​ການແຫ່ ​ການ​ທອ​ດ ​ຄ້າຍ​ກັບ ​ກະຖິນ ແຕ່ບໍ່​ມີ ​ອະ​ນິ​ສົງ​ພິ​ເສດ​     ເໝືອນ ​ກະຖິນ. ຮີດ​ສິບ​ສອງ ຫຼື ຈາ​ຮີດ​ປະ​ເພ​ນີ​ບູ​ຮານ​ ໄດ້​ປະຕິບັດສືບທອດກັນມາຈົນເຖິງປັດຈຸບັນ.

ຄັດຈາກປຶ້ມ: ວັດທະນະທຳ ແລະ ປະເພນີບູຮານລາວ

ຂຽນໂດຍ: ມະຫາ ຄຳຜຸນ ພິລາວົງ

ພາບຈາກອິນເຕີເນັດ.

 

Comments