LV-IMEX
Senglao content (728×90)

ການງັນເຮືອນດີ

ສະບາຍທີທ່ານ ຜູ້ອ່ານເວັບໄຊທາເກັດ ແລະ ຕິດຕາມເລື່ອງລາວຂອງວັດທະນະທຳ-ຮີດຄອງປະເພນີຂອງລາວເຮົາ, ມື້ນີ້, ທາເກັດໄດ້ນຳເອົາ ຄວາມເປັນມາກ່ຽວກັບ “ການງັນເຮືອນດີ ແລະ ເປັນຫຍັງຈຶ່ງເອີ້ນເຮືອນດີ” ມາໃຫ້ທຸກທ່ານໄດ້ຮັບຮູ້ກັນ ເພາະບາງຄົນກໍຍັງບໍ່ເຂົ້າໃຈວ່າ ການທີ່ເຮືອນມີສົບຄົນຕາຍຢູ່ຈຶ່ງເອີ້ນວ່າ “ເຮືອນດີ”.

ເຮືອນ​ທີ່​ມີ​ສົບ​ຄົນຕາຍ ຫຼື ກໍາລັງທຳ​ພິ​ທີ​ກ່ຽວ​ກັບ​ງານ​ສົບຢູ່ນັ້ນ​ເພິ່ນເອີ້ນ​ວ່າ”ເຮືອນດີ”ເພາະ​ຖື​ວ່າ​ເອົາ​ຕາມ​ນິ​ມິດ: ຜູ້​ມາ​ໃນ​ງານນີ້ ລ້ວນ​ແຕ່​ເປັນ​ຄົນ​ໃຈ​ດີ, ​ມີ​ເມດ​ຕາ​ອາ​ລີ, ເອື້ອ​ເຟື້ອ​ເພື່ອ​ແຜ່ ,ຍ​າດ​ພີ່​ນ້ອງ​ບ້ານ​ເມືອງມາຮ່ວມງານ​​ນີ້ບໍ່​ໄດ້​ເຊື້ອ​ເຊີນ​ກັນ ​ໃຜ​ຮູ້​ແລ້ວ​ກໍ​ມາ ແລະ ນຳ​ເຂົ້າ​ຂອງ​ເງິນ​ຄຳ​ມາ​ຊ່ວຍເຫຼືອແບ່ງເບົາ ​ໃນສະໄໝກ່ອນເພິ່ນເຮັດ​ກັນ​ຕາມ​ພື້ນ​ເມືອງ​ມີການ​ອ່ານ​ໜັງ​ສື​ໃບ​ຜູກ ຫຼື ຍົວະ​ເຍົ້​າ​ຈິດ​ໃຈ​ເຈົ້າ​ພາບ​ໃຫ້​ເກີດ​ທຳ​ສັງ​ເວດ ຈະ​ໃຫ້​ຫາຍ​ຈາກ​ຄວາມ​ເສົ້າ​ໂສກ​ອາ​ໄລ​ເຖິງ​ຜູ້​ຕາຍ.

ຄຳ​ວ່າ”ເຮືອນດີ”ນັ້ນ​ແມ່ນ​ເວົ້າ​ເອົາ​ເພື່ອ​ໂຊກ​ໄຊ​ໃຫ້​ກັບ​ເຮືອນນັ້ນ ​ເພາະ​ເຮືອນ​ທີ່​ມີ​ຄົນ​ຕາຍນັ້ນແມ່ນ​ຖື​ວ່າ​ໂຊກ​ຮ້າຍ (ບໍ່​ດີ) ຈຶ່ງ​ພ​າ​ກັນ​ເວົ້າ​ວ່າ”ເຮືອນດີເພື່ອ​ໃຫ້​ໂຊກ​ດີ​ຕໍ່ໆ​ໄປ.

ຄັດຈາກປຶ້ມ: ວັດທະນະທຳ ແລະ ປະເພນີບູຮານລາວ

ຂຽນໂດຍ: ມະຫາ ຄຳຜຸນ ພິລາວົງ

ຮູບປະກອບຈາກ:ຄອບຄົວພິມມະສອນ

 

 

Comments