LV-IMEX
Senglao content (728×90)

​ເພື່ອ​ກໍ່ສ້າງ​ທາງ​ເລກ 13 ຕອນ​ທາງ​ວຽງ​ຈັນ-ວັງ​ວຽງ ​ແລະ ວຽງ​ຈັນ-ປາກ​ຊັນ​ ​ໃນ​ນັ້ນ​ໄດ້​ປະ​ເມີນ​ວ່າ ການຈັດ​ຕັ້ງປະຕິບັດ​ໂຄງການ​ດັ່ງກ່າວ ​ຕາມ​ຮູບ​ແບບການ​ມີ​ສ່ວນ​ຮ່ວມ​ ລະ​ຫວ່າງ​ພາກ​ລັດ ​ແລະ ພາກ​ທຸລະ​ກິດ (PPP) ທີ່​ໄດ້​ກຳນົດ​ໃນ​ເບື້ອງ​ຕົ້ນ ​ບໍ່​ທັນ​ເທດ​ເໝາະ​ກັບ​ສະພາບ​ການ​ພັດທະນາ​ໃນ​ປັດຈຸບັນ

 

 

 

ອີງ​ຕາມ​ຮ່າງ​ບົດ​ລາຍ​ງານ​ແຜນ​ພັດທະນາ​ເສດຖະກິດ​-ສັງຄົມປະຈຳ​ປີ 2018 ກ່ຽວ​ກັບ​ການຈັດ​ຕັ້ງ​ປະຕິບັດ​ ແຜນ​ພັດທະນາ​ເສດຖະກິດ-ສັງຄົມ ສົກ​ປີ 2017 ​ເຫັນ​ວ່າ: ການ​ກໍ່ສ້າງ​ເສັ້ນທາງ, ຂົວ, ​ໂຍທາ​ທິການ​ທາງ​ນ້ຳ ​ແລະ ການ​ພັດທະນາ​ພື້ນຖານ​ໂຄງ​ລ່າງ 6 ​ເດືອນ​ຕົ້ນ​ປີ 2017 ລັດຖະບານສາມາ​ດ ປະຕິ​ບັດວຽກ​ສຳ​ເລັດ 11 ​ໂຄງການ ​ເຊັ່ນ: ​ໂຄງການ​ກໍ່ສ້າງ​ຂົວ​ຂ້າມ​ນ້ຳຂອງ​ ໂຄກ​ເຂົາ​ດໍ-ປາກ​ລາຍ; ​ໂຄງການ​ກໍ່ສ້າງ​ຂົວ 7 ​ແຫ່ງ ທາງ​ເລກ 6A ສົບ​ເບົາ-ບ້ານ​ດ່ານ ​ແຂວງ​ຫົວພັນ; ​ໂຄງການ​ນ້ຳ​ປະປາ ​ແລະ ສຸຂາພິບານ​ຕົວ​ເມືອງ​ນ້ອຍ 10 ຕົວ​ເມືອງ; ​ໂຄງການ​ກໍ່ສ້າງ​ທາງ​ເລກ 1A ບຸນ​ເໜືອ-ລານ​ຕຸ​ຍ ​ແຂງ​ຜົ້ງ​ສາລີ; ​ໂຄງການ​ກໍ່ສ້າງ​ນ້ຳ​ປະປາ 5 ​ເມືອງ, ​ໂດຍ​ທຶນ​ຈາກ NEDA (​ເມືອງ​ແບ​ງ, ​ເມືອງ​ຄອບ, ​ເມືອງ​ຫ້ວຍ​ຊາຍ, ​ເມືອງ​ໄຊ​ບູລີ ​ແລະ ​ເມືອງ​ໂຂງ); ​ໂຄງການ​ກໍ່ສ້າງ​ທາງ​ເລກ 13 ​ເໜືອ ຕອນ​ທາງ​ເມືອງ​ໄຊ-​ປາກ​ມອງ; ​ໂຄງການ​ກໍ່ສ້າງ​ທາງ​ບ້ານ​ຮວກ-​ເມືອງ​ຄອບ-ຄອນ​ຕື້; ​ໂຄງການ​ກໍ່ສ້າງ​ເສັ້ນທາງ​ເມືອງ​ຊຽງ​ຮ່ອນ-​ເມືອງ​ຄອບ; ​ໂຄງການ​ປັບປຸງ​ສະໜາມ​ບິນ​ປາກ​ເຊ (ວຽກ​ເພີ່ມ); ​ໂຄງການ​ກໍ່ສ້າງ​ຂົວ​ຂ້າມ​ນ້ຳ​ເຊ​ໂດນ ຈຸດ​ບ້ານ​ດອນ​ແຊ ​ເມືອງ​ຊະນະ​ສົມບູນ ​ແຂວງ​ຈຳປາ​ສັກ ​ແລະ ​ໂຄງການ​ຟື້ນ​ຟູ​ກໍ່ສ້າງ​ເສັ້ນທາງ​ແຕ່​ບ້ານ​ລາດ​ຄ້າຍ ທາງ​ເລກ​ 5 ຫາ ສົບ​ສຽມ ທາງ​ເລກ 1D​ ​ແລະ ​ເສັ້ນທາງ​ຜາ​ເໜືອ​ ຫາ ປຸ່ງ​ມາຍ ​ແຂວງ​ເຊ​ກອງ.

 

ນອກຈາກ​ນີ້, ລັດຖະບານ​ຍັງ​ໄດ້​ເອົາ​ໃຈ​ໃສ່​ ບັນດາ​ໂຄງ​ການ​ຍຸດ​ທະ​ສາດ​ທີ່​ມີ​ຄວາມ​ຄືບ​ໜ້າ​ ​ເຊັ່ນ: ​ໂຄງການ​ຂະຫຍາຍ​ອາຄານ​ສະໜາມ​ບິນ​ສາກົນ​ວຽງ​ຈັນ ປະຕິບັດ​ໄດ້ 30,74%; ​ໂຄງການ​ກໍ່ສ້າງ​ທາງ​ຫົງ​ສາ-ຊຽງ​ແມນ ປະຕິບັດ​ໄດ້ 56,77%; ​ໂຄງການ​ກໍ່ສ້າງ​ທາງ​ປູ​ຢາງ 2 ຊັ້ນ​ ​ເສັ້ນທາງ​ເລກ 6A+6B ຫາງ​ລ້ອງ-​ສົບ​ເບົາ-​ປ່າ​ຮ່າງ ສະ​ເພາະ 6B ​ແມ່ນ​ສຳ​ເລັດ​ແລ້ວ 100%, ທາງ 6A ປະຕິບັດ​ໄດ້ 74,35% ​ແລະ ໄລຍະ ວຽງ​ໄຊ-ນ້ຳ​ໂຊ​ຍ ​ແມ່ນ​ໄດ້​ສຳ​ເລັດ​ການ​ກະກຽມ​ສະໜາມ; ​ໂຄງການ​ກໍ່ສ້າງ​ຂົວ​ເຊ​ກອງ ແຂວງ​ເຊ​ກອງ ປະຕິບັດ​ໄດ້ 88,68%; ​ໂຄງການ​ກໍ່ສ້າງ​ຂົວ​ໃໝ່​ປ່ຽນ​ແທນ​ຂົວ​ເກົ່າ 2 ​ແຫ່ງ ຕາມ​ທາງ​ເລກ 9 ​ແຂວງ​ສະຫວັນ​ນະ​ເຂດ ປະຕິບັດ​ໄດ້ 16,2%; ​ໂຄງການ​ຄຸ້ມ​ຄອງ​ ​ແລະ ສ້ອມ​ແປງ​ຂະ​ແໜງ​ຂົວ​ທາງ 31,81%; ​ໂຄງການ​ກໍ່ສ້າງ​ທາງ​ສາມ​ແຍກ​ນາ​ຊາງ ຫາ ທົ່ງ​ທູ ​ແລະ ​ເທດສະບານ​​ເມືອງ​ຊ້ຳ​ໃຕ້ ປະຕິບັດ​ໄດ້ 62,47%; ​ໂຄງການ​ກໍ່ສ້າງ​ທາງ​ທ່າ​ເຫລົ້າ-ຊຳ​ໃຕ້ ປະຕິບັດ​ໄດ້ 75,73%; ​ໂຄງການ​ທາງ​ຊົນນະບົດ ປະຕິບັດ​ໄດ້ 70,47% ​ແລະ ​ໂຄງການ​ອື່ນໆ ກໍມີ​ຄວາມ​ຄືບໜ້າ​ໃນ​ການຈັດ​ຕັ້ງ​ປະຕິບັດ.

 

​ແຕ່​ເຖິງ​ຢ່າງ​ໃດ​ກໍ​ຕາມ, ​ເນື່ອງ​ຈາ​ກຜົນ​ການ​ສຶກສາ​ຄວາມ​ເປັນ​ໄປ​ໄດ້ທີ່​ກະຊວງ​ໂຍທາ​ທິການ ​ແລະ ຂົນ​ສົ່ງ ຮ່ວມ​ກັບ​ທະນາຄານ​ໂລກ ​ໄດ້​ກະກຽມ​ເພື່ອ​ກໍ່ສ້າງ​ທາງ​ເລກ 13 ຕອນ​ທາງ​ວຽງ​ຈັນ-ວັງ​ວຽງ ​ແລະ ວຽງ​ຈັນ-ປາກ​ຊັນ​ ​ໃນ​ນັ້ນ​ໄດ້​ປະ​ເມີນ​ວ່າ ການຈັດ​ຕັ້ງປະຕິບັດ​ໂຄງການ​ດັ່ງກ່າວ ​ຕາມ​ຮູບ​ແບບການ​ມີ​ສ່ວນ​ຮ່ວມ​ ລະ​ຫວ່າງ​ພາກ​ລັດ ​ແລະ ພາກ​ທຸລະ​ກິດ (PPP) ທີ່​ໄດ້​ກຳນົດ​ໃນ​ເບື້ອງ​ຕົ້ນ ​ບໍ່​ທັນ​ເທດ​ເໝາະ​ກັບ​ສະພາບ​ການ​ພັດທະນາ​ໃນ​ປັດຈຸບັນ, ​ໂດຍ​ໄດ້​ຂໍ້​ສະຫລຸບ​ວ່າ​ ມີ​ຄວາມ​ຈຳ​ເປັນ​ຕ້ອງ​ໄດ້​ປະຕິບັດ​ໃນ​ຮູບ​ແບບ​ໃໝ່ ຈຶ່ງ​ໄດ້​ໂຈະ​ການຈັດ​ຕັ້ງປະຕິບັດ​ໂຄງການ​ກໍ່ສ້າງ​ທາງ​ເລກ 13 ຕອນ​ທາງ​ວຽງ​ຈັນ-ວັງ​ວຽງ ​ແລະ ວຽງ​ຈັນ-ປາກ​ຊັນ​ ​ໃນ​ຮູບ​ແບບ PPP.

ທີ່ມາ: ປະເທດລາວ ຂ່າວ: ສົມ​ຫວັງ

Comments