Senglao content (728×90)

ສປ ຈີນ ມອບອຸປະກອນຊ່ວຍເຫຼືອລາວ ຕ້ານການແຜ່ລະບາດຂອງຕັກແຕນ

ລັດຖະບານ ແຫ່ງ ສປ ຈີນ ໄດ້ນຳເອົາເຄື່ອງສິດຢາປາບສັດຕູພືດ (ແບບເປ້ຫລັງ) ຈຳນວນ 200 ຊຸດ, ເຄື່ອງຈັກຊິດຢາດ້ວຍລະບົບອັດແຮງສູງ ຈຳນວນ 5 ຊຸດ ແລະ ຢາປາບສັດຕູພືດ 18 ໂຕນ ລວມມູນ ຄ່າທັງໝົດ 2 ລ້ານກວ່າຢວນ ມາມອບໃຫ້ແຫ່ ສປປ ລາວ ໃນວັນທີ 20 ພຶດສະພາ 2016 ນີ້ ເພື່ອປ້ອງກັນ ແລະ ຄວບຄຸມການແຜ່ລະບາດຂອງຕັກແຕນ ຢູ່ 3 ແຂວງພາກເໜືອ ຂອງ ລາວ ໂດຍແມ່ນ ທ່ານ ກວນຮົ່ວ ປິງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປ ຈີນ ປະຈຳລາວ ຕາງໜ້າໃຫ້ລັດຖະບານຈີນ ເປັນຜູ້ມອບ ໃຫ້ທ່ານ ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໂດຍມີພາກສ່ວນກ່ຽວຂ້ອງທັງສອງຝ່າຍ ເຂົ້າຮ່ວມ ເປັນສັກຂີພິຍານ.

ໃນໄລຍະຜ່ານມາ ລັດຖະບານ ແຫ່ງ ສປ ຈີນ ໄດ້ນຳເອົາ ເຄື່ອງສິດຢາປາບສັດຕູພືດ,  ເຄື່ອງຈັກຊິດຢາ ດ້ວຍລະບົບອັດແຮງສູງ ແລະ ຢາປາບສັດຕູພືດມອບໃຫ້ແກ່ສປປ ລາວ ຈຳນວນໜຶ່ງແລ້ວ ປັດຈຸບັນ ເຄື່ອງອຸປະ ກອນດັ່ງກ່າວ ໄດ້ນຳໃຊ້ເຂົ້າໃນຂະບວນການປ້ອງກັນ ແລະ ຄວບຄຸມການລະບາດຂອງຕັກແຕນ ຢູ່ 3 ແຂວງ ພາກເໜືອ ເຊິ່ງຈຸດຕັກແຕນແຜ່ຂະຫຍາຍ ມີທັງໝົດ 308 ຈຸດ ກວມ 12 ເມືອງ ຢູ່ແຂວງ ຫລວງພະບາງ, ຜົ້ງສາລີ ແລະ ແຂວງຫົວພັນ ເຊິ່ງການຈັດຕັ້ງປະຕິບັດວຽກງານການຕ້ານ ແລະ ຄວບຄຸມການແຜ່ລະບາດຂອງຕັກແຕນ ແມ່ນກຳລັງດຳເນີນໄປດ້ວຍຄວາມເຄັ່ງຮ້ອນ ແລະ ມີຄວາມຮັບຜິດຊອບສູງ ເຊິ່ງໄດ້ຈັດ ແບ່ງກຳລັງ ເປັນ 24 ທີມ ໂດຍໄດ້ຮັບການຮ່ວມມືຈາກພາກສ່ວນ ຕ່າງໆຂອງທ້ອງຖິ່ນ ລວມທັງກຳລັງຂອງປະ ຊາຊົນ.

Comments